Mt 24:19 - Chuj San Sebastian Bible

¹⁹ A 'a jun tiempoal cha, a yic 'oj 'at eb' 'anma 'eloc, caw 'oltac eb' 'ix 'ix 'ayx tz'i'ni, yet' eb' tzyac' chuw yune'.

Chuj San Mateo Bible

¹⁹ A d'a jun tiempoal chi', te chuc yic eb' ix yab'ix yed' eb' ix vanto schuni yune' ayic ol b'at eb' elelal.

Mt 24:19 Iomraidhean Croise

A Ch'an̈ Schab'l Libro Samuel 4:4

(A Jonatán win yunnal Saúl, 'ay jun yunnal can win tzcuch Mefi-boset. A win tic, man̈ wach'c yoc win schab'il. Yujto a yic o'e xo ab'il sq'uinal, 'ix cot yab'xil a Jezreel to a Saúl yet' Jonatán tox 'ix cham eb' 'a owal. Yuj cha, 'ix me'x chan̈ Mefi-boset yuj jun 'ix 'ajcuenta sc'uytzani, xlajw cha, x'at 'ix 'elc yet'oc. Palta yujto caw xyac' 'ix 'ip s'at 'elc yet'oc, 'ix yactn 'el 'ix win 'unn cha, yuj cha, 'ixta x'aj win sjuw cani.)

A Ch'an̈ Schab'il Libro Yic Yab'ixal Eb' Rey 15:16

A yic jun tiempoal cha, 'ix cot Menahem yet' eb' soldado 'a Tirsa 'ix schan 'el yich ya'n satxoc el eb' chon̈b' 'ay 'a yol yic Tifsa, yujto ma'ix chax 'och win yuj eb' 'a yol schon̈b' cha. Yuj cha, 'ix yelc'n 'at eb' soldado win chi smasnil tas 'ay 'a yol smacb'en jun chon̈b' cha. An̈jtona eb' 'ix 'ix 'ayx tz'i'ni, 'ix tecx 'elt yol sc'ojl eb' 'ix yuj ewinac.

Lm 4:10

Yuj cha, a eb' 'ix 'ix caw wach' xon cob' snab'en, tzlaj stz'an̈ eb' schi yune yuj jun yailal 'ix jaw 'a yib'n̈ eb' wit chon̈ab'.

Os 13:16

A eb' 'aj Samaria, 'oj jawc pax yailal 'a yib'n̈ eb', yujto tenmtac tzyutj sb'a eb' 'ayin. 'Oj milxoc cham eb' yet' q'uen espada. A yunnal eb', 'oj ma'xoc 'ejm eb' 'a sat lu'um, sec tzcham eb'. A eb' 'ix 'ix yet'x yune', 'oj tecxoc 'elt yol sc'ojl eb' 'ix, xchi Dios.

Mt 21:16

'Ix yaln ewin 'ixtc 'a Jesús: —¿Tom matz ab' tas tzyal eb' 'unn tic? xchi ewin 'a 'a. —N', tzwab' yaln eb'. ¿Tom may 'aj xeyil 'a Ch'an̈ U'un̈, 'a 'aj tzyal yuj jun tic? yujto ata tzyal 'ixtic: Tza c'anlb'an eb' 'unin yet' eb' tz'ulc 'unin, yic tzyaln eb' wach' paxti 'ayach. 'Ixta tzyal 'a Ch'an̈, xchi Jesús 'a eb'.

Mt 24:18

A eb' 'ayb't munljel, man̈x cab' 'at yic' eb' spichul.

Mt 24:20

C'anc 'a Dios, sec toq'ue man̈oc 'a stiempoal n̈ab'lq'uinal, mto 'a yic sc'ul 'iljelal, 'oj e 'at 'eloc.

Lc 21:23

A wal yic 'oj 'at eb' 'anma 'elc 'a jun tiempoal cha, caw 'oltac eb' 'ix 'ix 'ayx tz'i'ni, yet' eb' 'ix tzyac' chuw yune'. Yujto caw niwn yailal 'oj jawc 'a yib'n̈ eb' 'anma 'a jun tzo'n̈ lugar tic. Yujto a Dios 'oj ya' cot yowl sc'ojl 'a yib'n̈ eb' quit israelal.