Mt 23:8 - Chuj San Sebastian Bible

⁸ Palta ax xo tic, man̈ e cha yal junc mach ex scuymaloc, yujto junn̈j e Cuymal, an ton Cristo in tic. Ax tic, lajnn̈ej eyel'ch e masnil.

Chuj San Mateo Bible

⁸ Palta a exxo tic, man̈ e cha aljoc e b'a c'ayb'umal, yujto junn̈ej e c'ayb'umal. A exxo tic, eyuc'tac e b'a, eyanab' e b'a e masanil.

Mt 23:8 Iomraidhean Croise

Mt 10:25

Toto lajn tz'aj 'el'ch junc cuywum yet' scuymal, smoj ton tzalji. 'Ixta pax junc moso yet' spatron̈. An tic, 'icha 'ajn̈a in, ax xo tic, 'icha 'unnab'il ex. 'Ay eb' tzalni to Beelzebú in, yajl waj 'a eb' demonio yaln eb'. Ocxom wal 'ayx ax tic, yel xo wal tu 'oj yal eb' 'ayex.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Mt 23:10

Man̈ e cha alxc yajlil e b'a, yujto junn̈j Eyajlil, an ton Cristo in tic.

Mt 23:7

Ax yic tzlaj 'ec' eb' 'a yol caye, caw tzalj eb', yic tzlaj ya'nc 'ejm sb'a eb' 'anma 'a eb'. Caw tzalj pax eb', yic tzlaj yalnc eb' 'anma scuymalc eb'.

Mt 26:25

Ax win Judas, 'oj 'a'nc 'och Jesús 'a yol sc'ab' chaml cha, 'ix yaln win 'ixtc 'a 'a: —Ach in Cuymal, ¿man̈ inoc am an tic? xchi 'a 'a. —Ach ton tic, xchi 'a winac.

Mt 26:49

Yuj cha, a 'a Jesús ata xc'och win muc'uc, 'ix yaln win 'ixtc 'a 'a: —Buenas noche ach in Cuymal, xchi cob' win 'a 'a. Xlajwn̈ej cha, 'ix stz'ub'n 'elt win sti'.

Mr 10:51

sc'anb'n 'ixtc 'a winac: —¿Tas tza nib'j tzach wutej? xchi. —Mamin, caw tzin nib'j tza jac in sat tic, schi win 'a 'a.

Mr 11:21

Ax Pedro 'ix snan coti, yuj cha, xyaln 'ixtc 'a Jesús: —Mamin, 'ilt te snun higo a tumj can 'ewi, 'in xtacj 'el te', xchi 'a 'a.

Mr 14:45

Yuj cha, a 'a Jesús xc'och win muc'uc, 'ix yaln win 'ixtc 'a 'a: —Ach in Cuymal, xchi win 'a 'a. 'Ix stz'ub'n 'elt win sti'.

Mr 9:5

Yuj cha, xyaln Pedro 'ixtc 'a 'a: —Ach in Cuymal, caw wal wach' yujto 'ayn̈ec 'ec' 'a tic, tecn wach' tzqui b'o 'oxe'oc pat on̈, junc eco', junc yic Moisés yet' junc yic Elías, xchi 'a 'a.

Lc 22:32

Palta caw in tew 'a Dios o'oj, sec matz ej 'el a c'ojl 'a 'a. Ach tic, a yic 'oj meltzj paxt a nab'en 'ayn jun 'ejm xo, tzac' ste'nal eb' o'tac, xchi 'a 'a.

Jn 1:38

Ax Jesús cha, 'ix sutmj 'at q'ueln 'a spatic. 'Ix yilni to tza'n 'och eb' yu'uj, yuj cha, xyaln 'ixtc 'a eb'. —¿Tas tze saya? xchi 'a eb'. —Ach qui Cuymal on̈ ¿'ajm til 'ay atut ticnec? xchi eb' 'a 'a.

Jn 1:49

—Ach in Cuymal, yel Yunnal ach Dios. Sreyl ach eb' quit israelal, xchi.

Jn 11:8

'Ix yaln eb' scuywum chi 'ixtc 'a 'a: —Palta Mamin, caw jaye nant c'u xya'lj ewin 'aj Judea chi ach sjuln cham 'a cha. ¿Tom tza nib'j tzach 'at jun 'ejm xo ta'? xchi eb' 'a 'a.

Jn 20:16

—María, xchi Jesús chi 'a 'ix. —Yuj cha, 'ix sutmj 'at q'ueln 'ix 'a 'a. 'Ix paxtin 'ix 'a hebreo: —Raboni, xchi 'ix. Tzyal 'el'chi, ach in Cuymal.

Jn 3:2

Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

Jn 3:26

Yuj cha, xit' yalnc eb' 'ixtc 'a Juan cha: —Ach qui cuymal on̈, a jun 'e'nc et' 'a sc'axpil 'ec' a Jordán, jun alcn 'ayn̈ on̈, a jun cha, wan ya'n bautisar eb' 'anma ticnec. C'uxn tzlaj 'och eb' scuywumoc, xchi eb' 'a Juan cha.

Jn 4:31

Yic mantzac c'och eb', 'ix yaln eb' scuywum 'ixtc 'a 'a: —Mamin, wan̈ jab'oc, xchi eb'.

Jn 6:25

Ax yic xc'och eb' 'anma chi 'a sc'axpil 'ec' a a cha. Atta 'ix 'ilchj Jesús yuj eb'. 'Ix sc'anb'n eb' 'a 'ixtic: —Ach qui Cuymal on̈, ¿tom a tic 'aych 'eq'ui? ¿Janic' ach jawi? xchi eb' 'a 'a.

Jn 9:2

Ax eb' scuywum Jesús cha, 'ix sc'anb'n eb' 'a 'ixtic: —Ach qui Cuymal on̈, ¿tasm yuj matz uj yiln jun winc tic yictax yalji? ¿Yuj am smul smam snun, mto yuj smul winac? xchi eb' 'a Jesús.

2 Co 1:24

Matz qui nib'j tzex cac' mandar on̈, yic tzcaln 'ayx on̈ tas tzeyutj eya'n 'och e c'ojl 'a Dios. Yujto te'n xon tzeyutj e b'a eya'n 'och e c'ojl 'a 'a. Palta tzqui nib'j tzon̈ colwj ca'n e nab'enoc on̈, sec 'oj wach' jawc e tzaljc'ojlal ta'.

2 Co 4:5

A yic tz'ec' calnc 'el on̈, man̈oc cab'xil tz'ec' cal-l on̈. Palta an̈j tic tzcal-l on̈, chajtlto a Jesucristo Cajlilec. Tzcaln cuj on̈, to eya'maln̈ej servil caj on̈, yujto 'ay qui chamc'ojlal 'a Jesús on̈.

Ef 3:15

A Dios qui Mamec. A ch'oxnb'il yaji, tas yopiso junjn c'aj eb' mamb'il 'a yolyib'n̈q'uinl tic, yet' 'a satcha'an̈.

Filemón 1:16

Man̈x mosoocn̈ej yaj win 'aych ticnec. Yel xo niwn yopiso ticnec, yujto cu'tac xo, caw chamc'ojlb'il wu'uj. Ach xo, yel xo wal caw tza chamc'ojlej, yic 'oj c'och win 'ayach. Man̈ yujocn̈ej to quit 'anma'il tza chamc'ojlani, palta yujto yic xo Cajlil quet'oc.

Santiago 3:1

Ex wu'tac, ex wanab', comnoc man̈ niwnoc ex tzeya'ch e b'a cuywjumal. Yujto eyojtac, an̈ cuywjum on̈c tic, yel xo wal niwn 'oj qui b'eyc'ojlaxc yuj Dios.

A Sb'ab'el Carta San Pedro 5:3

Matz tac' ton̈j yajl tzeyutj e b'a 'a eb' creyente 'ay 'a yol e cuenta cha. Palta tze ch'ox jun wach' b'eyb'al yil eb', sec 'oj sb'eylb'oc pax eb' jun xo.

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.

Apoc 22:9

Palta xyaln 'ixtc 'ayin: —Man̈ a b'o 'ixtic, yujto an tic, ya'mal in pax servil Dios et'oc, yet' eb' et creyenteal. Atn eb' schecab', yet' jantcn̈ej eb' tzyiclni tas 'ix tz'ib'x can 'a jun libro tic. A 'a Dios tzal a b'a.