Mt 23:27 - Chuj San Sebastian Bible

²⁷ Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Lajn ex 'icha junc yet'l xi'lb'a 'ay 'a campusan, caw sac spatquil, caw wach' cob' yilxi, palta ax wal yojol, b'ut'n yet' sb'ac'l jun tzo'n̈ xi'lb'a cha, caw tu tas 'ay 'a yojl cha.

Chuj San Mateo Bible

²⁷ A ex c'ayb'um ex d'a ley Moisés yed' ex fariseo, te chuc eyico'. Chab' sat ex. Lajan ex icha b'aj smucchaj eb' chamnac, sac yilji. A d'a spatic te vach' yilji, palta axo d'a yool, b'ud'an yuj sb'aquil juntzan̈ chamnac chi' yed' juntzan̈xo tas tzon̈ ixtanel d'a sat ley.

Mt 23:27 Iomraidhean Croise

Pr 26:23

A spaxti eb' 'anma tu tas nab'il yu'uj, lajn wal 'icha cob' sja'l tz'ajch q'uen plata yu'moc junc lum chen.

Nm 19:16

A mach tzyamn sniwnal junc chamnc 'anma yec' 'a sti 'el chon̈ab', junc tzmilx chamoc mto mun tzchami, mto junc sb'acl chamnc 'anma', mto pax junc yet'l junc chamnac, a jun tzyamn cha, man̈ wach'c tz'ajcn 'a uque c'ual.

Mt 23:28

'Ixta 'ex paxi, yujto a 'a sat eb' 'anma', wach' cob' tzeyutj e b'a, palta ax e nab'en, caw maysch'olnil yuj e chab'satil.

Lc 11:44

[Ax xo cuywjum ex 'a ley yic Moisés yet' ex fariseo,] caw 'oltac ex, caw chab'sat ex. Lajn ex 'icha 'aj mucn junc xi'lb'a, man̈x checloc 'aj mucan. Tz'ec' eb' 'anma 'a yib'an̈, palta man̈ yojcoc eb', toto 'ay mach mucn ta', xchi Jesús.

A Tas Sc'ulejnac Eb' Schecab' Jesús Hechos 23:3

Ax yic xlajw sma'xi, xyaln Pablo 'a win Ananías chi 'ixtic: —¡A Dios 'oj a ma'n jun xo, yujto chab'sat ach! Wocn ach 'ejm in a b'eyc'ojloc, 'icha tzyal ley yic Moisés. 'In tzin ac' ma'xoc, palta may sleyl tza b'o 'ixta', xchi 'a winac.

Gl 6:12

'Ay eb' tznib'n tzex 'a'n pural, sec tzex 'ajx circuncidar. Palta ton̈j tznib'j eb' to wach' 'a sat eb' 'anma'. 'Ay eb' israel tz'a'n 'och yailal 'a yib'n̈ eb', yujn̈ej to 'aych snab'en eb' 'a schamlil Cristo 'a spenc culus. Palta tznib'j eb' matz 'ajx 'och syailal, yuj cha, 'ixta tzex yutj eb' ex ya'n pural.