Mt 23:11 - Chuj San Sebastian Bible

¹¹ Tzann̈j mach tzya'ch sb'a mosoal 'a e cal, a jun cha, yel xo niwn yel'chi.

Chuj San Mateo Bible

¹¹ A mach syac'och sb'a checab'oc d'a e cal, aton jun chi' te nivan yelc'ochi.

Mt 23:11 Iomraidhean Croise

Mt 23:10

Man̈ e cha alxc yajlil e b'a, yujto junn̈j Eyajlil, an ton Cristo in tic.

Mr 9:35

Yuj cha, 'ix 'em wocn Jesús, 'ix yawtn cot eb' slajchwan̈il 'a 'a, 'ix yaln 'a eb' 'ixtic: —Toto 'ay junc ex tze nib'j caw niwn eyel'ch 'a e cal 'a sat Dios, yowlal caw 'emmquil tzeyutj e b'a. Yowlal tzex 'och ya'malc servil eb' eyit cuywumal tic smasnil, xchi Jesús 'a eb'.

1 Co 9:19

Wach'xam may mach 'ay yaln yic 'ayin, palta tzwa'ch in b'a ya'malc servil smasnil 'anma', sec wach' caw niwn eb' tzmontchj 'och yico'oc Cristo wu'uj.

2 Co 11:23

Toto ya'mal servil Cristo eb', an xo tic, yel xo wal tzwac' servil 'a yib'n̈ eb'. A yic tzwaln 'at jun tzo'n̈ tic 'ayex, tzwal ton 'icha junc man̈ nab'enal yaji. Yel xo wal niwn in munlj 'a yib'n̈ eb' cha. Caw niwn 'ejm in ma'x 'a yib'n̈ eb', niwn 'ejm in 'och 'a preso, an̈jtona', niwn 'ejm in cob' 'ajxc 'och 'a yol sc'ab' chamel.

2 Co 4:5

A yic tz'ec' calnc 'el on̈, man̈oc cab'xil tz'ec' cal-l on̈. Palta an̈j tic tzcal-l on̈, chajtlto a Jesucristo Cajlilec. Tzcaln cuj on̈, to eya'maln̈ej servil caj on̈, yujto 'ay qui chamc'ojlal 'a Jesús on̈.

Gl 5:13

Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.