Mt 22:3 - Chuj San Sebastian Bible

³ Yic wan syamchj 'och jun q'uin̈ cha, 'ix checn 'at win eb' schecab', yic tz'at cob' yi'nc cot ewin eb' 'awtb'il cot yuj winac. Palta ma'ix yal sc'ojl eb' xcot 'a jun q'uin̈ cha.

Chuj San Mateo Bible

³ Ayic van syamchajoch jun q'uin̈ chi', ix checanb'at eb' schecab' vin̈, yic tz'ic'jicot eb' avtab'il yuj vin̈. Palta maj yal-laj sc'ool eb' ix cot d'a jun q'uin̈ chi'.

Mt 22:3 Iomraidhean Croise

Salmos 68:11

Ach Cajlil on̈, a yic 'ix alni to tz'ajx ganar eb' 'ajc'ojol, til wal eb' 'ix 'ix x'aln 'el 'ixtic:

Is 30:15

A Jehová qui Diosal an̈ israel on̈c tic, jun Dios To Cojxni, a tzaln 'ixtic: Meltzjan̈c cot 'ayin, tzin eya'n 'och yipc e c'ojol, man̈ ex 'och 'il, sec 'ixta 'oj eyaj e colchji, xchi. Palta ax xo tic, ma'ix e chaj eyab'i'.

Jeremías 25:4

Wach'xam til wal 'ejm schecjnac cot Jehová eb' schecb' 'ayex, palta toc xe chaj eyab'i', ma'ix eyiclj xon jab'oc.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Os 11:2

Palta a yic xwawtn cot cha, yel xo wal najt xyij 'el sb'a 'a in tzey. A eb' in chon̈b' tic, 'ix laj yac' eb' xajmb'al 'a jun tzo'n̈ dios Baal. 'Ix laj sn̈usn eb' incienso 'a yojltac jun tzo'n̈ yechel.

Os 11:7

A eb' in chon̈b' tic, nab'ilx yuj eb' to tzyij can 'el sb'a eb' 'ayin. Wach'xam cob' tzyal eb' to Cojxn in Niwn Wel'chi, palta matz in yij chan̈ eb'.

Sofonías 1:7

Sictac tzex 'aj 'a wojltac an Jehová Yajl in tic, yujto jab'xoj sjaw jun c'u yic 'oj wa'nc yowl in c'ojol. Tox 'ix wac' lista jun tzo'n̈ xajmb'al. Tox 'ix in si'l pax eb' 'awtb'il cot wac wet'oc.

Mt 21:34

Ax yic xjaw stiempoal sch'inx 'el te uva cha, 'ix checn 'at win jun tzo'n̈ eb' schecb' 'a ewin munljum cha. X'at cob' sc'annc eb' yu'm lum yet' te 'awb'ente cha.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Mt 3:2

'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Mt 9:15

Yuj cha, xyaln Jesús 'ixtc 'a eb': —Q'uinloc 'ay junc nupnel tz'och ticnec. A eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal, yic 'ayt 'ec' win tznupn chi yet' eb'? Palta at 'oj jawc stiempoal man̈x 'ayc 'ec' win yet' eb', atta 'oj 'och eb' 'a c'ajb'c'ojlal. 'Ixta 'in yet' eb' in cuywum.

Lc 13:34

Ax wal tic ex 'aj Jerusalén, caw tzlaj e mil cham eb' schecb' Dios. Ax jun tzo'n̈ xo eb' tzchecx cot yuj Dios 'ayex, ton̈j tzlaj e jul cham eb' yet' q'uen q'ue'en. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni. 'Ixta tzex wutej, palta toxn matz yal e c'ojol.

Lc 15:28

Yuj cha, caw xcot yowl winac. Toxn man̈x 'ic yal sc'ojl win x'och 'a yol n̈a cha. Ax smam winac, a x'el ta. 'Ix tew 'och 'a winac, to tz'och win 'a yol n̈a cha.

Lc 19:27

A eb' 'ajc'ojl yajch 'ayin, eb' xnib'n ma'in 'och 'a wopiso tic, tzlaj 'at eyi' cot eb', ax yic tzjaw eb', tze miln eb' 'a wojltac tic, xchi winac, xchi Jesús.

Jn 5:40

matz e nib'j tzex jaw 'ayin, yic tze chan e q'uinl cha.

A Tas Sc'ulejnac Eb' Schecab' Jesús Hechos 13:45

Palta ax xyiln eb' israel, chajtlto til wal 'anma 'ix syam sb'a. Yuj cha, 'ix chichn 'och eb' 'a Pablo cha. 'Ix cob' yalnc eb' to yes. Ton̈j xb'uchwj eb' 'a 'a.

Ro 10:21

A Isaías cha, yaljnac can paxi tas yaljnac can Dios yuj eb' yit israelal. Yaljnac 'ixtic: An xo tic, smasnil tiempo cob' b'achn 'at in c'ab' 'a jun chon̈b'al eb' 'anma caw pit tic, yic tzcob' wi'nc cot eb' 'ayin, xchi.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

A Ch'an̈ Carta D'a Eb' Hebreo 9:15

Yuj cha, a Jesucristo tz'a'n 'el'choc jun 'ac' trato cha. A yic xchami, 'ix ya'n can lajwc smul eb' 'ayc' 'a yol sc'ab' jun b'ab'l trato. Yuj cha, an̈ec 'awtb'iln̈ec yuj Dios yico'oc, tztac' quica'an jun 'aj ya'jnac can sti', atn qui q'uinlec 'a jun 'ejmn̈ej.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

A Ch'an̈ B'ab'el Libro Samuel 9:13

'Ixquec muc'uc, sec 'oj 'ilchjoc eyu'uj ya' sb'a mantzac 'at wac 'a lum tzaln yic 'emmquilal cha. At yic 'oj c'ochoc, ax yaln swach' paxti 'a yib'n̈ jun xajmb'al cha, 'ixta to b'i'an, ax swa eb' 'anma chi smasnil yet' eb' 'awtb'il 'a jun yamnil cha. 'At sayc eyila', colb'ilto 'oj 'ilchjoc eyu'uj, xchi eb' 'ix.