Mt 21:5 - Chuj San Sebastian Bible

⁵ Tzeyal 'ixtc 'a eb' 'aj chon̈b' Sión: 'Iltec wal sjaw e Reyl 'ayex. Caw 'emmquil sjawi. 'Ay q'ue 'a yib'n̈ jun no quelm b'uru, yune jun no 'axna, xe chi, xchi 'a Ch'an̈ U'un̈.

Chuj San Mateo Bible

⁵ Tzeyal d'a eb' aj chon̈ab' Sion icha tic: Ina sja e Reyal d'ayex. Emnaquil sja yed' jun noc' b'uru. Ayq'ue d'a yib'an̈ jun noc' quelem b'uru, yune' jun noc' nun b'uru, xe chi, xchi d'a Slolonel Dios Tz'ib'ab'ilcani.

Mt 21:5 Iomraidhean Croise

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

A Ch'an̈ Schab'l Libro Samuel 16:2

'Ix yaln win rey chi 'ixtc 'a win Siba cha. —¿Tas yuj et' jun tzo'n̈ tic? xchi winac. —A e no b'uru tic, scuchmal eb' onnal yaj e no'; ax 'ixm pan tic yet' te lob'tzal te tic, a eb' a checb' ajun et' tic, a eb' 'oj c'uxnoc, ax te yal uva tic, yic eb' tzc'unb'i, eb' tztacj sti sb'ey 'a lum cusltac lum tic, a eb' tz'u'ni, xchi win Siba cha.

A Ch'an̈ B'ab'el Libro Yic Yab'ixal Eb' Rey 1:33

'ix yaln win 'a eb' 'ixtic: —'Ijc 'at eb' winc 'ay yopiso 'a in despacho tic eyet'oc, tzeya'n q'ue ni wunnal Salomón 'a yib'n̈ no in mula, tzlajw cha, tzeyi'n 'at ni 'a spac'b'a 'a Guihón.

A Ch'an̈ B'ab'el Libro Yic Yab'ixal Eb' Rey 10:26

'Ix smolb'tzan cot Salomón jun tzo'n̈ caruaje yic owal, yet' no chej. 'Ay mil 400 caruaje, 'ay pax lajchwe mil no chej tzq'ue eb' soldado 'a yib'an̈. 'Ay no 'ayc' 'a jun tzo'n̈ chon̈b' to yic xon no yaji. 'Ay pax no 'ay 'a Jerusalén yuj eb' tztan̈wni win rey.

Salmos 9:14

To 'ixta', 'oj wal-l 'a 'aj tz'och eb' 'anma 'a spuertail Jerusalén, to ach tic smoj wal yalx wach' paxti 'ayach. Caw tzin tzalj ticnec, yujto in a colcn 'eli.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Is 40:9

'Ex 'aj Sión, q'uen̈ec c'och 'a sjolm junc lum witz, tzex 'awj 'a caw 'ip ta', yic tzeyaln 'el wach' 'ab'ix. Ex 'aj Jerusalén, man̈ex xiw eya'n 'el eyaw, alc 'el 'ixtc 'a yoltc chon̈b' yic Judá: 'Iltec yaj qui Diosalec 'a tic, xe chi.

Is 62:11

A Jehová, 'oj yac' alxoc 'ixtc 'a eb' 'anma 'ay 'a 'aj tzlajw c'och yolyib'n̈q'uinl tic: Alc 'ixtc 'a eb' 'aj Jerusalén: 'Iltec to wan sjaw jun e Colmal, yet' spac xyij yuj smunljel, 'oj xchic eb' 'a eb', xchi Dios.

Ez 34:24

An Jehová in, an tzin 'och sDiosalc eb'; ax junc yin̈tl in checb' David, a 'oj 'och Yajlil 'a scal eb'.

Ez 37:24

Ax jun yin̈tl in checb' David, a 'oj 'och e reyloc. A 'oj e tan̈wni e masnil, sec wach' 'oj eyutc eyiclni in checnb'il yet' in ley.

Os 1:7

Palta ax chon̈b' Judá, 'oj 'o'ch in c'ojl 'a 'a. An Jehová in tic, sDiosal in jun chon̈b' cha, an 'oj in colo', man̈oc yet' owl 'oj in colo', man̈oc yet' jul-lab', man̈oc yet' q'uen espada, man̈oc pax yet' eb' soldado 'ay q'ue 'a yib'n̈ chej, palta a yet' in poder 'oj in col eb', xchi Dios cha.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Nm 24:19

A 'a scal eb' yin̈tl Jacob, ata 'oj 'eltoc jun mach 'oj 'a'n yajlil, a 'oj wach' satnc 'el eb' 'anma 'oj can to 'a yol chon̈b' cha, xchi Balaam.

Mt 11:29

Cuchc junx 'icha 'ictz 'oj wac' 'ayex. Cuywan̈c 'ayin, yujto an tic manso in, 'emmquil in, toto 'ixta', 'oj ex wac' 'iljoc.

Mt 2:2

Sc'anb'n 'ec' eb' 'ixtic: —¿'Aj 'ay jun win 'unn x'alji, win 'oj 'och sreyloc chon̈b' Israel? A 'aj tzq'uel c'u, ata xquil sq'uel jun sc'analil on̈. A tzch'oxni to 'ix 'alji. Yuj cha, on̈ cot quil on̈, yic tzwul ca'nc 'ejm qui b'a 'a on̈, xchi eb'.

Mt 2:6

A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta niwquil yel'ch 'a yib'n̈ jun tzo'n̈ cha, yujto ata 'oj pitzwc chan̈ jun yajal, a 'oj 'och yilmalc in chon̈b' Israel, xchi 'a Ch'an̈ U'un̈, xchi eb'.

Mt 21:6

'Ix 'at eb' scuywum cha. Syiclni eb' 'icha xyal Jesús.

Lc 24:27

Xlajw cha, 'ix syamn 'och yaln 'a eb', 'ajtc 'ay yab'xil 'a Ch'an̈ U'un̈. 'Ix syamn 'och yaln tastc tz'ib'b'il can yuj Moisés. 'Ix yaln pax jantcn̈ej tas tz'ib'b'il can yuj junjn eb' schecb' Dios pecti'.

Jn 1:49

—Ach in Cuymal, yel Yunnal ach Dios. Sreyl ach eb' quit israelal, xchi.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

Dt 17:16

Palta a junc e reyl cha, man̈ niwnoc cab' no chej tzyamb'tzej, may cab' eb' winc tzchecb't 'a Egipto yic tz'at yi'nc cot eb' nan̈locx no chej cha. A Jehová yaljnac can 'ixtic: May cab' b'a'n̈ 'oj e meltzj 'a jun b'e tic, xchi.

Jueces 12:14

A win cha, 'ay chawinc yunnal, 30 yixchiquin. 'Ay sb'uru junjn eb', yib'n̈ b'uru chi tz'ec' eb'. Wajxque ab'il 'ix yac' win yajlil.

Jueces 5:10

Ex wit chon̈ab', e masnil ex tzex q'ue 'a yib'n̈ no sac b'uru, ex niwc winc tzex 'em wocn 'a yojl te xila man̈x jantcoc sja'l sposmtacl yojol, yet' ex tzex b'ey 'a eyoc, b'itnan̈ec.