Mt 21:12 - Chuj San Sebastian Bible

¹² Xlajw cha, x'och Jesús 'a yol yamq'uil yatut Dios, 'ix spechn 'elt smasnil eb' tzchon̈wji, yet' eb' tzmanwj ta'. 'Ix sma'n telwc jun tzo'n̈ smexa eb' jelm tumin, yet' xila eb' chon̈m parama.

Chuj San Mateo Bible

¹² Ix lajvi chi', ix och Jesús d'a yol yamaq'uil stemplo Dios. Ix spechanelta eb' chon̈vajum yed' eb' manvajum. Ix laj slocan pac'laj smexa eb' q'uexum tumin yed' xila eb' chon̈um paramuch.

Mt 21:12 Iomraidhean Croise

Ex 30:13

Smasnil eb' tzyac' tz'ib'xoc sb'a, yowlal tzyac' eb' o'e gramo q'uen plata 'ayn an Jehová in yuj stojnb'ilc sq'uinal, spacl 'a yal-l 'a jun 'echtab' tzc'anx 'a in cajnub'.

Lv 1:14

Toto ch'ic junc no xajmb'al tz'ajx tz'a 'a wojltac, yowlal a junc no cajb'il ch'ic, junc no cowojte', mto junc no parama tz'ajxi.

Lv 12:6

A yic tz'acw jun tzo'n̈ sc'ul 'a yic tzb'ox can 'el'ch sc'ojl 'ix, wach'xam winc 'unin, mto 'ix 'unn jun yune 'ix cha, yowlal tzyij cot 'ix nunb'il chi junc no quelm calnelu jun ab'il sq'uinal yet' junc no cowojte', mto junc no parama. Tzya'n 'ix no 'a win ya'mal 'och sti eb' 'anma', yic tz'a no xajmb'al-l 'a yojltac Mantiado 'a 'aj tzin chaj in b'a eyet'oc.

Lv 12:8

Toto a 'ix nunb'il cha, matz tac' ya'n 'ix junc no calnelu, tztac' tzyij cot 'ix chawn̈oc no cowojte', mto chawn̈oc no parama, ax win ya'mal 'och sti eb' 'anma chi tz'a'n tz'a junc no xajmb'alil, ax junc xo no tz'ajx xajmb'al-l yuj mul. 'Ixta tz'aj sacb'tzan sb'a 'ix sec tztac' sjapx 'ix yalsb'a 'ayn 'a in cajnub', xchi Dios 'a Moisés.

Lv 14:22

Tzyi'n cot pax chawn̈oc no cowojte', mto chawn̈oc no parama, a tzyal tas tztechj yuj junc 'anma cha, jun no tz'ajx xajmb'al-l yuj yajx lajwc smul, ax junx no tz'ajx tz'a smasnil xajmb'alil.

Lv 14:30

An̈jtona', tzyi'n 'och win ya'mal 'och sti eb' 'anma chi junc no cowojte', mto junc no parama cha.

Lv 15:14

Ax 'a yucb'ixial, yowlal tzyij cot chawn̈oc no cowojte', mto chawn̈oc no parama, tzlajw cha, tzc'och 'a yamq'uil Mantiado 'aj tzin chaj in b'a eyet'oc, tzya'n 'a win ya'mal 'och sti eb' 'anma', ax win tz'a'n 'och no 'a wojltac an Jehová in.

Lv 15:29

Ax 'a yucb'ixial, tzyi'n cot 'ix chawn̈oc no cowojte', mto chawn̈oc no parama, tzlajw cha, tzya'n 'ix e no 'a win ya'mal 'och sti eb' 'anma chi 'a yamq'uil Mantiado 'a 'aj tzin chaj in b'a eyet'oc.

Lv 5:11

Q'uinloc may stumn jun 'anma chi smann chawn̈oc no cowojte', mto no parama cha, to 'ixta', yowlal tzyij cot chan̈e'oc libra 'ixm harina caw wach'. Matz 'ajx 'och aceite 'a scal, matz 'em pax incienso 'a yib'an̈, yujto xajmb'al yic mul yaji.

Lv 5:7

Toto may stumn jun 'anma chi smann junc no calnelu cha, mto junc chiwo cha, to 'ixta', yowlal tzyij cot chawn̈oc no cowojte', mto chawn̈oc no parama 'a wojltac, junc no tz'ajx yuj mul cha, junc xo no tz'ajx tz'a xajmb'alil.

Mr 11:11

Yic xjaw Jesús 'a yol chon̈b' Jerusalén, 'ix 'och 'a yamq'uil yatut Dios, 'ix 'ec' q'uel-loc, xyiln smasnil jun tzo'n̈ tas 'ayc' ta'. Palta wan s'at c'u, yuj cha, x'at 'a chon̈b' Betania yet' eb' scuywum slajchwan̈il.

Lc 2:24

X'at ya'nc pax eb' jun tzo'n̈ xajmb'al, 'icha tzyal sley Cajlil yuj eb' meb'a', yic yalx can 'ixtic: Yowlal tz'ajx chawn̈oc no parama mto chawn̈oc no cotc cowojte yuj jun 'unn cha, xchi.

Jn 2:13

Wan sjapx jun sq'uin̈ yic snanb'il cot yel eb' israel 'a libre. Yuj cha, 'ix c'och Jesús 'a Jerusalén.