Mt 21:1 - Chuj San Sebastian Bible

¹ Yic wan sc'och Jesús yet' eb' scuywum 'a sla'nil Jerusalén, 'ix jaw eb' 'a chon̈b' Betfagé 'a yich lum tzaln Olivo. Ax Jesús, 'ix checn 'at chawn̈ eb' scuywum.

Chuj San Mateo Bible

¹ Axo yic van sc'och Jesús yed' eb' sc'ayb'um d'a slac'anil Jerusalén, ix c'och eb' d'a chon̈ab' Betfagé, d'a yich lum tzalan scuch Olivo. Axo Jesús ix checanb'at chavan̈ eb' sc'ayb'um.

Mt 21:1 Iomraidhean Croise

Zacarías 14:4

A wal 'a yic jun c'ul cha, 'oj 'em te'n yoc Jehová 'a yib'n̈ lum tzaln Olivo 'ay 'a yojltac 'at Jerusalén, 'a stojlal 'aj tzq'uel c'u. 'Oj jat snan̈l jun tzaln cha, ax yochcn niwn pan̈nil, tzchaj cot 'a stojlal 'aj tzq'uel c'u, masnto tzc'och 'a stojlal 'aj tz'em c'u. Spacl jun tzaln chi 'oj 'atcn 'a stojlal norte, ax junx spacul, ata 'oj 'atcn 'a stojlal sur.

Mt 20:34

Yuj cha, 'ix 'o'ch sc'ojl Jesús 'a eb', 'ix stzayn 'och sc'ab' 'a yol sat eb', yajn̈j wal cha, xjacw sat eb', xlajw cha, x'och tza'n eb' yu'uj.

Mt 21:2

'Ix yaln 'a eb' 'ixtic: —'Ixquec 'a jun aldea 'a cojltac 'at tic. Ata 'oj 'ilchjoc jun no axna eyu'uj, pixn can no ta', 'ayc' pax jun quelm b'uru yet' no'. Tze jiy'elt e no', tzeyij cot e no 'a tic.

Mt 24:3

Xlajw cha, 'ix 'at eb' 'a tzaln Olivo, x'at 'em wocn Jesús ta'. Ax eb' scuywum, 'ix jaw eb' sch'ocj 'a 'a, 'ix yaln eb' 'ixtic: —Tzqui nib'j tzal 'ayn̈ on̈, ¿b'a'n̈ 'oj jawc jun chi xal cha? ¿Tas junc senya 'oj sch'ox Dios yic jab'xoj 'oj a japxi, yet' 'a yic 'oj lajwc 'ec' jun tiempoal tic? xchi eb' 'a 'a.

Mt 26:30

Xlajw sb'itnan eb' jun b'it 'a Dios, x'elt eb', 'ix 'at eb' 'a tzaln Olivo.

Mr 13:3

Xlajw cha, x'at eb' 'a tzaln Olivo, 'a yojltac 'at yatut Dios. Ata x'em wocn Jesús, ax Pedro, Jacobo, Juan, yet' Andrés, sch'ocj eb' 'ayc' yet'oc. 'Ix sc'anb'n eb' 'ixtc 'a 'a:

Mr 14:26

Xlajw sb'itnan eb' jun b'it 'a Dios 'ix 'elt eb', 'ix 'at eb' 'a tzaln Olivo.

Lc 21:37

Junjn c'u xcuywj Jesús 'a yamq'uil yatut Dios, ax 'a junjn 'ac'wal, xc'ochc' wayc 'a tzaln Olivo.

Lc 22:39

Xlajw cha, x'elt Jesús 'a yol n̈a. 'Ix 'at 'a tzaln Olivo 'icha xon sley. Ax eb' scuywum, x'och tza'n eb' yu'uj.

Jn 8:1

Ax Jesús, 'ix 'at 'a tzaln Olivo.

A Tas Sc'ulejnac Eb' Schecab' Jesús Hechos 1:12

Xlajw cha, 'ix paxx 'emt eb' scuywum Jesús 'a tzaln Olivo cha. 'Ix japx eb' 'a Jerusalén. A jun tzaln cha, 'aym junc mel-l legua yajl 'a stz'ey chon̈b' cha.