Mt 20:2 - Chuj San Sebastian Bible

² A yic xchax eb', xya'n win strato yet' eb'. 'Ix yaln win 'a eb' to tz'acn tztoj win sc'u junjn eb'. Xlajw cha, schecn 'at win eb' 'a 'aj 'ay smunljel cha.

Chuj San Mateo Bible

² Ayic ix ilchaj eb', ix yac' strato vin̈ yed' eb'. Ix yalan vin̈ d'a eb' to jun denario ol stup sc'u junjun eb' vin̈. Ichato chi' b'ian, ix checjib'at eb' d'a smunlajel vin̈ chi'.

Mt 20:2 Iomraidhean Croise

A Ch'an̈ B'ab'el Libro Yic Yab'ixal Eb' Rey 18:12

Ax 'oj 'ajoc, a yic 'oj in 'atcni, ax ach yi'n can 'at Yespíritu Jehová 'a 'aj man̈ wojcoc. A yic 'oj in c'och 'a win Acab, ax scot win ach wul yila', ax 'oj 'ajoc, ma'oj elchj yuj winac, ax in smiln can winac. An a checb' in tic, yictax quelm in to in 'och 'emmquilal 'a Jehová.

2 Cr 34:3

A 'a yic swajxquil ab'il yoch reyal, yic quelm 'unn wali, 'ix schan 'el yich yaln sb'a 'a sDiosal David, atn smam yicham. Ax 'a slajchwil ab'il yoch reyal, syamn 'och satn 'el jun tzo'n̈ tas man̈ wach'c 'a Judá yet' 'a yol chon̈b' Jerusalén. 'Ix ya'n satxoc 'el jun tzo'n̈ macsej 'a jolmctac witz, jun tzo'n̈ sch'oxnb'il comn dios tzcuch Aserá, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc.

Ec 12:1

Ya' sb'a 'unn ext 'anma', nann̈ej cab' eyu'uj mach b'ojnac ex, ya' sb'a mantzac e yab' syal yuj 'ichm 'anma'il, nac cot Dios. Yujto 'ay jun tiempoal 'oj eyal 'ixtic: Man̈x 'a qui tzaljc'ojlal, nab'a xoj cob' pitzn on̈, 'oj e chioc.

Mt 18:28

Ax yic tzlajw yel win 'a libre cha, tz'ilchj junc win yit mosoal win yu'uj, 'ay jac sb'oc jun win chi 'a winac. Yuj cha, tz'och b'annjoc win 'a sjaj winac, tzyaln win 'ixtic: 'A' cot q'uen a majn tumn 'ayn mu'c wal ticnec, xchi winac.

Mt 20:1

'Ix yaln Jesús 'a eb' scuywum 'ixtic: —'Oj wal 'ayex tas tz'aj eb' 'anma yoch 'a yol sc'ab' Dios 'aj satcha'an̈. A 'a jun 'el, 'ay jun patron̈, 'ayt sacb'i sq'ue wa'an, x'at saync jaywn̈ smajn tzch'inn 'el te uva.

Mt 20:13

Palta xyaln win patron̈ chi 'a jun win 'a scal eb' 'ixtic: Ach in wach'c'ojol, man̈ tuc tzwutj in b'a 'ayach. 'In xcac' qui trato chajtlto jun c'u tzach wutj ach in tojni.

Mt 20:3

Ax 'a sq'uec'ual, x'at win 'a plas. Ax xyilni, 'ayc' jun tzo'n̈ winc may tas tzmunlej.

Mt 20:9

Yuj cha, a eb' yemc'ul xo x'och munljel, a eb' xb'ab'l c'och scha stojol. Tz'acn schaj eb' stojl sc'u.

Mt 22:19

Ch'oxc wil junc tumn tz'ajx 'a win yajl cha, xchi 'a eb'. Yuj cha, xch'oxn eb' jun tumn chi 'a 'a.

Mt 9:37

Yuj cha, xyaln 'a eb' scuywum chi 'ixtic: —A eb' 'anma tic, lajn eb' 'icha 'ixm trigo caw stiempoal xo spolxi. Wal yel, caw te'nto yab'xni eb', palta jaywn̈n̈ej mach tzmunlj 'a scal eb'.

Mr 12:15

Palta yojc Jesús, to chab'sat eb', yuj cha, xyaln 'a eb' 'ixtic: —¿Tas yuj tzin eyac' prowal? 'At 'ijec cot junc tumn wila', xchi 'a eb'.

Lc 1:15

Caw niwn 'oj 'aj 'el'ch 'a sat Dios. May xon 'aj 'oj yuc' yal uva. May 'aj 'oj yuc' pax 'an̈. A yic 'oj 'aljoc, ax yochcn Yespíritu Dios 'a 'a.

Lc 10:35

Ax 'a junx c'u, yic wan s'atx win 'aj Samaria cha, xyi'n q'uet win chab' stumin. Xya'n can 'a win yajl mesón cha, 'ix yaln can win 'ixt 'a winac: Caw tzel wal jac win lajwnac tic in c'ana'. Toto ma'oj yab' jab' tumn tic, 'oj wac' jacx 'aych in japx jun 'ejm xo, xchi can winac. 'Ixta yaln jun 'ab'x tic.

Lc 20:24

—Ch'oxc wil junc tumin. ¿Mach yechl jun tic, mach sb'i pax jun tz'ib'b'il 'och tic? xchi 'a eb'. —Atn yechl win yajl 'a Roma, yet' sb'i tic, xchi eb'.

2 Ti 3:15

Yictax a cot'ch 'a yune'al, cuywnacch 'a Ch'an̈ Un̈ yic Dios. A Ch'an̈ tz'a'n jelnb'oc qui nab'en, sec tzon̈ colchji, yic tzca'n 'och qui c'ojl 'a Cristo Jesús.

Apoc 6:6

'Ix wab'n yoch jun 'aw 'a snan̈l eb' querubín schan̈wn̈il, xyaln 'ixtic: —Cojn chab' libra trigo 'a jun c'ul munljelal, mto waque libra cebada. Man̈ extc aceite yet' yal uva, xchi 'a 'a.

A Ch'an̈ B'ab'el Libro Samuel 2:18

Ax win Samuel, caw wal yune to winac, 'aych pax jun spichl win camx chaleco nab'a lino yic tzya'n servil win Jehová.

A Ch'an̈ B'ab'el Libro Samuel 2:26

Ax win quelm Samuel 'ipn sq'uib'i, caw wach' snab'en 'a sat Dios yet' 'a sat eb' 'anma'.

A Ch'an̈ B'ab'el Libro Samuel 3:1

A quelm Samuel an̈ja ya'n servil Jehová 'a yaln̈ schecnb'il win Elí. A 'a yic jun tiempoal cha, man̈x 'a mach 'aj tzcomn paxtin Jehová; man̈x 'a 'aj tzcomn ch'oxj sb'a 'a 'icha waychil.

A Ch'an̈ B'ab'el Libro Samuel 3:21

'Ix sch'oxn̈j sb'a Jehová 'a win quelm chi 'a Silo, yujto ata xpaxtin yet'oc; ax win Samuel chi 'ix aln jun tzo'n̈ paxti chi 'a eb' yit chon̈b' chi smasnil.