Mt 20:12 - Chuj San Sebastian Bible

¹² 'Ix yaln eb' 'ixtic: A wal ewin slajb' xo x'och munljel, jun wal hora xmunlj ewinac. Palta tz'acn xa toj sc'u ewin 'icha tzac' 'ayn̈ tic on̈. Palta 'in xcac' techjoc jun c'u on̈, til wal pax c'ac', xchi eb' 'a winac.

Chuj San Mateo Bible

¹² Ix yalan eb' vin̈: Ach co patrón, a eb' vin̈ ix och d'a slajvub'xo munlajel, junxon̈ej hora ix yac' eb' vin̈ qued'oc, palta lajan co tojol ix ac' yed' eb' vin̈. Palta a on̈ tic pural ix ec' c'u cuuj, man̈ jantacoc c'ac' ix cab'i, xchi eb' vin̈.

Mt 20:12 Iomraidhean Croise

Jonás 4:8

Ax yic xq'uel c'u 'a junx c'u, xya'n cot Dios jun 'ic' caw ow sc'aq'uil, ata xcot 'a stojlal 'aj tzq'uel c'u. Yuj cha, caw ow xma'wj yoc c'u chi 'a sjolm Jonás cha, 'ix 'el yip yuj jun c'ac' cha, caw wal snib'j cham sb'a. —Yel xom wach' to tzin chami, yic pax to cob' pitzn in, xchi.

Malaquías 1:13

'In tzeyal 'ixtic: Caw tzon̈ tzactzj c'och yet' jun tzo'n̈ tic, xe chi, tzin e patquiln can 'eli. Tzeya'n pax cob' e xajmb'al chi 'ayin, a no noc' 'elc'b'il eyu'uj, no wecchjnac, yet' no ya'ay, a chi tzeyac'a. ¿Tom 'oj in cha jun tzo'n̈ chi 'ayx e nani?

Malaquías 3:14

'In 'ixtc wal tzeyutj eyalni: Nab'an̈ej tzca'c servil Dios. ¿Tas wal 'oj ca'c ganar, toto tzqui yicljec tas tzyala, yic tzca'nec 'och qui pichl n̈achtac sat 'a yojltac, yic tzqui ch'oxnec 'el qui cusc'ojlal yuj qui mul?

Mt 20:11

Ax yic xchan eb' stojl cha, xcot yowl eb' 'a winac.

Lc 12:55

An̈jtona', a yic tzcot 'ic' 'a stojlal sur, tzeyaln paxi, to 'oj yac' c'ac'. 'Ixtn ton ta tz'aji.

Ro 3:27

A ticnec, ¿tom tztac' qui b'an̈nec qui b'a tze na'a? Toxn matz tac'a. Yujto man̈ yujoc qui yiclniec ley yic Moisés, tzon̈ colchjec, palta yujn̈ej to tzca'c 'och qui c'ojl 'a Jesús. Yuj cha, matz tac' qui b'an̈nec qui b'a.

Ro 3:30

yujto junn̈j Dios 'ay. Tzann̈j 'anma'il, wach'xam israel, wach'xam ma'ay, cojn toto tzya'ch eb' sc'ojl 'a Jesús, wach' eb' 'a sat Dios.

1 Co 4:11

A ticnec, 'ay 'aj caw tzcab' syal yuj wejl on̈, yet' tacn̈ti'al. Caw may pax qui pichl on̈. 'Ay 'aj tzon̈ smac' eb' 'anma on̈. May pax catut on̈.

Ef 3:6

Atn jun tzo'n̈ 'oj wal tic, 'ix 'ajx cojcoc 'el on̈. Ax xo man̈ ex israeloc, a yic tzeya'n 'och e c'ojl 'a jun wach' 'ab'x yic colnb'il tic, tzex 'och yunnalc Dios quet' an̈ israel on̈ tic tzlaj ca'ch qui c'ojl 'a on̈. Yu'uj, ax e chan e q'uinl quet' on̈. 'Icha to junxn̈ej 'anmal quilxec 'a sat. Ya'jnac can Dios sti yuj tas tzyac' 'ayn̈ yuj Cristo Jesús. Ax xo, junn̈j tzeyutj e chan pax jun tic quet' on̈.

Santiago 1:11

A yic tzjaw c'u, caw 'ay c'ac', tztacj 'ejm lojnjoc te yu'uj, yajn̈ej tzpucl snichte'. Man̈x 'a sch'olnil yilxi. 'Icha stacj 'ejm snichte cha, 'ixta 'oj 'aj eb' rico, yic wan smolb'tzan eb' stumin.