Mt 2:8 - Chuj San Sebastian Bible

⁸ Xlajw yab'n winac, 'ix checn 'at win eb' 'a chon̈b' Belén. Yic mantzac 'at eb', xyaln win 'a eb' 'ixtic: —'Ixquec 'a Belén cha. Cham wal e c'anb'n eyab' 'ajtil 'ay jun 'unn cha. Tzlajw schax eyu'uj, tz'ec' eyalnc 'ayin, sec 'oj 'at wac' 'ejm pax in b'a 'a jun xo, xchi cob' winac.

Chuj San Mateo Bible

⁸ Ix lajvi yab'an vin̈, ix checjib'at eb' vin̈ yuj vin̈ d'a chon̈ab' Belén. Ayic manto b'at eb' vin̈, ix stz'acan yal vin̈ icha tic: —Ixiquec d'a Belén chi'. Cham val e c'anb'an eyab'i b'ajtil ayec' jun unin chi'. Slajvi schax chi' eyuuj, tzul eyalan d'ayin, yic ol in b'at vac'paxem in b'a d'ay, xchi vin̈.

Mt 2:8 Iomraidhean Croise

A Ch'an̈ Schab'l Libro Samuel 17:14

Yuj cha, 'ix yaln Absalón 'ixtc yet' eb' yichm wincal chon̈b' Israel: A jun nab'en tzyac' Husai tic, yel xo wach' 'a yib'n̈ yic win Ahitofel, xchi eb'. (Yujto a Jehová, a 'ix 'a'n juwc jun snab'en win Ahitofel cha, sec tzjaw maysch'olnil chi 'a yib'n̈ win Absalón.)

A Ch'an̈ B'ab'el Libro Yic Yab'ixal Eb' Rey 19:2

Yuj cha, 'ix schecn 'at 'ix Jezabel jun schecb' 'a Elías yic tz'at ya'nc 'ix alxc 'a 'ixtic: A cab' eb' in diosal tz'a'n cot yailal 'a wib'an̈, toto mantzac ach cham wuj yab'n 'icha hora tic q'uic'an, 'icha 'ix otj a miln ewin schecb' in diosal cha, xchi 'ix.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Lm 3:37

Toc 'ay mach tz'el'ch junc tas tzna'a, toto man̈oc Jehová tzalni.

Mt 2:1

A 'a chon̈b' Belén 'a yol yic Judea, ata 'aljnac Jesús. A 'a jun tiempoal cha, a win Herodes 'aych sreyloc Judea cha. A yic 'ix 'alj Jesús, 'ix cot jun tzo'n̈ eb' winc tzcuch mago 'a stojlal 'aj tzq'uel c'u, 'ix jaw eb' 'a Jerusalén.

Mt 2:7

Xlajw cha, xya'n win Herodes 'awtxoc cot eb' mago chi 'a 'a. C'ultac sc'anb'j win yab'i', b'a'n̈i xch'ox sb'a jun c'anal chi 'a eb'.

Mt 2:9

Xlajw yab'n eb' jun tzo'n̈ cha, 'ix 'at eb'. Ax jun c'anal chi yiljnac eb' sq'uel 'a 'aj tzq'uel c'u, b'ab'l s'at yuj eb' masnto xc'och 'a stojlal yib'n̈ 'aj 'ay jun 'unn cha, ata x'och wa'an.