Mt 2:4 - Chuj San Sebastian Bible

⁴ 'Ix yawtn cot win smasnil eb' sat ya'mal 'och sti eb' israel 'a Dios, yet' eb' cuywjum 'a ley yic Moisés, 'ix sc'anb'n win 'ixtc 'a eb': ¿'Ajtil 'oj 'aljoc Cristo? xchi win 'a eb'.

Chuj San Mateo Bible

⁴ Ix yavtancot masanil eb' vin̈ sat sacerdote vin̈ yed' eb' vin̈ c'ayb'um d'a ley Moisés. Ix sc'anb'an vin̈ d'a eb' vin̈: —¿B'ajtil ol aljoc vin̈ Cristo? xchi vin̈ d'a eb' vin̈.

Mt 2:4 Iomraidhean Croise

2 Cr 34:15

Xlajw cha, xyaln Hilcías 'ixtc 'a Safán win 'ajtz'ib': 'Ix 'ilchj ch'an̈ libro yic ley wuj 'a yatut Jehová, xchi. 'Ix ya'n Hilcías ch'an̈ libro chi 'a Safán.

2 Cr 36:14

An̈jtona', a smasnil eb' sat ya'mal 'och sti eb' 'anma 'a Dios, yet' smasnil eb' chon̈ab', caw tzniwtj eb' sb'on maysch'olnil. A wal sb'eyb'al jun tzo'n̈ xo nacion̈ tzb'eylb'ej eb', tzyixtj 'el eb' yatut Jehová, atn jun sic'b'il 'el yuj 'a Jerusalén.

Esdras 10:5

Xlajw cha, xq'ue wan Esdras, xya'n pural eb' syajlil eb' ya'mal 'och sti eb' 'anma 'a Dios ya'n sti' to tzyiclj eb' 'icha tas xyal Secanías, yet' jun tzo'n̈ xo eb' levita, yet' eb' yit israelal.

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

Jeremías 8:8

¿Tas yuj tzeyal 'ixtic: An̈ tic caw wal jeln on̈, cojc sley Jehová, xe chi? ¡'Intax eb' tz'ib'n ley, tzjel pax eb' tas tzyal jun ley cha!

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Mt 13:52

—Ax tic, cuyb'ilx xo, chajtl tz'aj eb' 'anma yoch 'a yol sc'ab' Dios 'aj satcha'an̈. Yuj cha, tztac' eya'n cuyxoc jun tzo'n̈ 'ac' cuynb'il yet' jun tzo'n̈ 'icham, xchi 'a eb'.

Mt 2:3

Ax yic 'ix yab'n win rey Herodes speclal jun cha, caw 'ix somchj chan̈ snab'en win yet' smasnil eb' 'aj Jerusalén.

Mt 2:5

—A 'a chon̈b' Belén, 'a yol yic Judea, ata 'oj 'aljoc. Yujto 'ay jun schecb' Dios tz'ib'jnac can 'ixtic:

Mt 21:15

Palta ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, 'ix yiln ewin jun tzo'n̈ milagro 'ix sb'o'o, xyab'n pax ewin yaln chan̈ eb' 'unn 'ixtc 'a yamq'uil yatut Dios cha: Yuj wal dios 'a jun Yin̈tl David tic, xchi eb' 'unn cha. Yuj cha, caw xcot yowl ewinac.

Mt 21:23

Xlajw cha, x'ochx Jesús 'a yamq'uil yatut Dios, 'ix cuywj 'a eb' 'anma ta'. Ax ewin sat ya'mal 'och sti eb' israel 'a Dios, yet' ewin 'ichmtac winac, 'ix jaw ewinac, sc'anb'n ewin 'ixtc 'a 'a: —¿Tas opiso, yuj cha a comn b'on jun tzo'n̈ chi 'ewi? ¿Mach wal 'a'jnac opiso cha? xchi ewinac.

Mt 26:3

Ax eb' sat ya'mal 'och sti eb' 'anma 'a Dios, yet' eb' cuywjum 'a ley yic Moisés, yet' eb' 'ichmtac winac, syam sb'a eb' 'a yamq'uil yatut win Caifás. A win cha, sat ya'mal 'och sti eb' 'anma 'a Dios.

Mt 26:47

Wanto yaln jun cha, 'ix jaw win Judas. A win cha, yit cuywumal sb'a cob' yet' eb' uxlchwa'an̈, til wal 'anma xjaw yet' winac, yet' eb' smachit, yet' eb' ste'. 'Ix checx 'at eb' yuj ewin sat ya'mal 'och sti eb' 'anma 'a Dios, yet' ewin 'ichmtac winc 'ay yopiso.

Mt 27:1

'Ax yic 'ix sacb'i, 'ix syamn sb'a smasnil eb' sat ya'mal 'och sti eb' 'anma 'a Dios, yet' ewin 'ichmtac winc 'ay yopiso. 'Ix laj yalnc ewinac, tas 'oj yutc ewin ya'n 'och chaml 'a yib'n̈ Jesús.

Mt 7:29

Yujto a yic xcuywj 'a eb', 'ix checlj 'eli, to 'ay yopiso yuj Dios. Man̈ lajnoc scuywj 'icha' eb' cuywjum 'a ley yic Moisés.

Mr 8:31

Ax 'a jun tiempoal cha, 'ix syamn 'och scuywj 'a eb' scuywum, yuj tastc 'oj jawc 'a yib'an̈, 'ix yaln 'ixtic: An tic wach'xam 'Ochnc in 'Anma'il, palta yowlal caw 'oj wab' syail. A wal ewin 'ichmtac winc 'ay yopiso, yet' ewin sat ya'mal 'och qui ti 'a Dios, yet' pax ewin cuywjum 'a ley yic Moisés, 'oj in patquilx can 'el yuj ewinac, 'oj in smil cham ewinac, palta ax 'a schab'jial ax in pitzw paxi, xchi 'a eb'.

Lc 20:19

Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, 'ix snib'j ewin to tzyam Jesús muc'uc. Yujto xnachj 'el yuj ewinac, to a 'a ewin xyal jun 'ab'x cha. Palta xiw ewin yuj eb' 'anma'.

Lc 23:10

Ax eb' sat ya'mal 'och sti eb' israel 'a Dios, 'ix c'och eb' yet' eb' cuywjum 'a ley yic Moisés. Caw yelc'ojlal ya'n 'och eb' 'a yib'n̈ Jesús.

Jn 18:3

Yuj cha, 'ix c'och win ta'. Yet' win nan̈l eb' soldado. 'Ay pax nan̈l ewin stan̈mal yatut Dios, 'ix checx 'at yuj ewin sat ya'mal 'och sti eb' israel 'a Dios. Locn pax ewin fariseo 'ix checn 'at ewinac. A eb' xc'och cha, tzicb'il staj eb', yet' eb' scantil. Yet' pax eb' syamc'ab' yic owal xc'och eb'.

Jn 3:10

Yuj cha, xyaln pax Jesús 'ixtic: —¿Tom mant ojcoc jun tzo'n̈ tic? Palta 'in caw cuywjum ach 'a scal eb' quit israelal si'mb'il.

Jn 7:32

Ax ewin fariseo, xyab'n ewinac tas xyal eb' 'anma yuj Jesús. Yuj cha, smol aln ewin yet' eb' sat ya'mal 'och sti eb' israel 'a Dios, 'ix cob' schecnc 'at ewin jun tzo'n̈ eb' policía stan̈mal yatut Dios, yic tz'at yi'nc cot ewin Jesús, sec tzya'ch ewin 'a preso cob' snani.

Jn 8:3

Ax ewin cuywjum 'a ley yic Moisés, yet' ewin fariseo, 'ix yij 'at ewin jun 'ix 'a 'a. 'Ix yamchj 'ix yuj ewinac yic wan smuln 'ix. Xya'n 'och ewin 'ix 'a yojltac Jesús, yet' 'a yojltac eb' 'ayc' yet'oc.

A Tas Sc'ulejnac Eb' Schecab' Jesús Hechos 23:9

Ax eb' smasnil, 'ix q'ue somnjoc eb' yalni. 'Ay jun tzo'n̈ eb' cuywjum 'a ley yic Moisés, yitb'eym sb'a eb' yet' eb' fariseo, 'ix q'ue wan eb', 'ix yaln eb' 'ixtic: —Toxn may jac maysch'olnil 'ix sb'o win Pablo tic, toq'ue 'ay junc espíritu, mto junc ángel xaln 'a 'a. [Yuj cha, matz tac' ca'n owl yet' Dios,] xchi eb'.

A Tas Sc'ulejnac Eb' Schecab' Jesús Hechos 4:5

Ax 'a junx c'u, 'ix syamn sb'a eb' sat yajl 'a Jerusalén cha, yet' eb' 'ichmtac winc 'ay yopiso, yet' eb' cuywjum 'a ley yic Moisés.

A Tas Sc'ulejnac Eb' Schecab' Jesús Hechos 6:12

'Ixta xyutj eb' stzuntzn chan̈ eb' chon̈ab', yet' ewin 'ichmtac winac, yet' ewin cuywjum 'a ley yic Moisés. Yuj cha, 'ix cot jucnjoc eb' 'a Esteban cha, 'ix syamn cot eb'. Xit' ya'nc eb' 'a yojltac ewin sat yajal.