Mt 2:3 - Chuj San Sebastian Bible

³ Ax yic 'ix yab'n win rey Herodes speclal jun cha, caw 'ix somchj chan̈ snab'en win yet' smasnil eb' 'aj Jerusalén.

Chuj San Mateo Bible

³ Axo ix yab'an specal jun chi' vin̈aj rey Herodes, ix te somchaj spensar vin̈. Yed' jantac eb' ay d'a Jerusalén chi', ix te somchajq'ue eb' yed' vin̈.

Mt 2:3 Iomraidhean Croise

A Ch'an̈ Schab'il Libro Yic Yab'ixal Eb' Rey 6:11

Ax sreyl chon̈b' Siria, caw 'ix somchj 'el snab'en yuj jun tic, yuj cha, 'ix yawtn cot smasnil syajlil eb' soldado, 'ix yaln 'a eb' 'ixtic: —Alc 'ayin, mach junc 'a qui calc tic 'aych yet' sreyl chon̈b' Israel, xchi 'a eb'.

Mt 2:2

Sc'anb'n 'ec' eb' 'ixtic: —¿'Aj 'ay jun win 'unn x'alji, win 'oj 'och sreyloc chon̈b' Israel? A 'aj tzq'uel c'u, ata xquil sq'uel jun sc'analil on̈. A tzch'oxni to 'ix 'alji. Yuj cha, on̈ cot quil on̈, yic tzwul ca'nc 'ejm qui b'a 'a on̈, xchi eb'.

Mt 2:4

'Ix yawtn cot win smasnil eb' sat ya'mal 'och sti eb' israel 'a Dios, yet' eb' cuywjum 'a ley yic Moisés, 'ix sc'anb'n win 'ixtc 'a eb': ¿'Ajtil 'oj 'aljoc Cristo? xchi win 'a eb'.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Mt 24:6

'Oj eyab' yoch jun tzo'n̈ niwc owal, ax eyab'n speclal jun tzon̈ xo 'ijn 'oj 'ochoc. Palta man̈ ex xiwoc, yujto yowlal 'ixta 'oj 'ajoc, palta mantoc a slajb' cha.

Mt 8:29

'Ix q'ue yaw eb' yaln 'ixtc 'a Jesús: —Jesús, ach Yunnal Dios, ¿tas aln ec 'ayn̈ on̈? ¿Tom tzach jaw on̈ wul extc mu'c on̈, yic mantzac jaw stiempoal? xchi eb' 'a 'a.

Mr 13:7

'Oj eyab' yoch jun tzo'n̈ niwc owal. Ax eyab'n speclal jun tzo'n̈ xo 'ijn 'oj 'ochoc. Man̈ ex xiwoc, yujto yowlal 'ixta 'oj 'ajoc. Palta mantoc slajb' cha.

A Tas Sc'ulejnac Eb' Schecab' Jesús Hechos 4:2

'Ix cot yowl ewinac, yujto wan scuywj Pedro yet' Juan 'a eb' 'anma'. Wan yaln eb', chajtlto 'oj pitzwc pax eb' chamnac, yujto 'ixta x'aj Jesús spitzw paxi.