Mt 19:9 - Chuj San Sebastian Bible

⁹ Yuj cha, tzwal 'ayex, tzann̈j mach tzpoj sb'a yet' yistzil, tzyi'n junc xo 'ix, tz'ochcn 'ajmulal. Cojn toto tzmuln 'ix yet' junc xo winac, tztac' spojn sb'a win yet' 'ix. [A pax mach tzyij sb'a yet' junc 'ix spojjnac sb'a yet' yichmil cha, tz'och win 'ajmulal yet' 'ix, xchi 'a ewinac.]

Chuj San Mateo Bible

⁹ Yuj chi', sval d'ayex, a mach spuc sb'a yed' ix yetb'eyum, syic'an junocxo ix, tz'em vin̈ ajmulal. An̈ej tato tz'em ix d'a mul yed' junocxo vinac, syal spucan sb'a vin̈ yed' ix, xchi d'a eb'.

Mt 19:9 Iomraidhean Croise

Gn 20:3

Ax 'a jun 'ac'wal, 'ix waychni Abimelec, to a Dios 'ix aln 'a 'ixtic: 'Oj a chami, yujto a 'ix 'ix x'at ac' cotoc yic tz'och 'ix estzilc alni, 'ay yichmil 'ix, xchi 'a winac.

2 Cr 21:11

An̈jtona 'ix sb'on pax Joram jun tzo'n̈ macsej 'a jolmctac witz 'a yol yic Judá, 'ix yaln sb'a eb' chon̈b' 'a 'a. A yuj jun tzo'n̈ cha, 'ix juw 'el eb' 'aj Jerusalén, 'ixta x'aj spitb' 'el snab'en eb' 'ay 'a yol yic Judá cha.

Jeremías 3:1

'Ix yaln pax Jehová 'ixtic: Q'uinloc 'ay junc winc tzpoj sb'a yet' yistzil, ax 'ix 'ix cha, tzyij 'ix junc xo winac. Tzlajw cha, tzpojn pax sb'a 'ix yet' junx win cha. Ax win yijnac 'ix 'a b'ab'l cha, man̈xtzac stac' yi'n sb'a win yet' 'ix. Toto tzyij sb'a eb' jun 'ejm xo, caw tzjuw 'el lum lum tic 'a in sat yuj jun cha. An Jehová in, an tzwala, to ax israel ex tic, 'in 'ixta xeyutj e b'a. In eyactjcani, ax 'a jun tzo'n̈ comn dios to chamc'ojlb'il eyu'uj, ata ex 'och tzac'an. Ax ticnec, tzcob' e nib'n tzex meltzj cot pax 'ayn jun 'ejm xo.

Jeremías 3:8

'Ix yil eb' 'aj Judá cha, chajtlto yuj yajmulal eb' israel xin pojn in b'a yet' eb', 'ix in pechn can 'el eb'. Palta an̈jtona pax eb' 'aj Judá cha, caw may jac xiwc'ojlal eb', locn eb' xb'on 'ajmulal chi jun xo.

Ez 16:15

Palta 'ix ya'ch yipc sc'ojl swach'l yilx cha, caw b'inab'il snani. Yujn̈ej cha, 'ix ya'n 'och sb'a 'ajmulal, tzann̈j mach tzc'och 'a 'a, tzya'n 'och sb'a 'a yol sc'ab'.

Ez 16:29

'Ix muln pax yet' eb' 'aj Babilonia, atn eb' chon̈wjum, palta ma'ix c'och pax sc'ojol.

Ez 16:8

In 'ec' pax 'a stz'ey jun 'ejm xo, xwilni to stiempoal xo yoch 'a nupnel. Yuj cha, ax in potil, a xin potb't 'a yib'an̈, 'ixta x'aj yoch spichul, 'ix macchj 'el sq'uixwelal. 'Ix wa'n in trato yet'oc to tzwique'ej an Jehová in.

Mt 19:10

Ax eb' scuywum 'ix aln 'ixtc 'a 'a: —Toto jun 'ejmn̈ej tzcan junc winc yet' yistzil, to 'ixta', yel xo am wach' matz ca'ch xon quistzil, xchi eb'.

Mt 19:8

—Yuj e pital yaln can Moisés to tztac' e pojn e b'a yet' eyistzil. Palta yictax sb'on Dios yolyib'n̈q'uinal, man̈ 'ichcta yaj yu'uj.

Mt 5:32

Palta an tzwal 'ayex, toto 'ay mach tzpoj sb'a yet' yistzil, palta man̈ 'ajmuloc yistl cha, toto 'ixta', tzya't win 'ix 'a 'ajmulal. An̈jtona', tzann̈j mach tzyij sb'a yet' junc 'ix tzpoj sb'a yet' yichmil cha, tz'och pax win 'ajmulal yet' 'ix.

Lc 16:18

Toto 'ay junc winc tzpoj sb'a yet' yistzil, tzyi'n win junc xo 'ix, a jun winc cha, tz'och 'ajmulal. Toto 'ay pax junc winc tz'i'n junc 'ix spojjnac sb'a yet' yichmil cha, tz'och pax win 'ajmulal.

1 Co 5:1

'Ix wab'i, to 'ay jun winc 'a e cal caw 'ajmul. Tolab' 'ix smontj 'el win schab'l nun yic'. A jun cha, caw maysch'olnil. 'Intax 'a scal eb' mant 'ojtnacoc Dios, may 'aj tzb'o eb' jun chi 'ixta'.

1 Co 7:39

A junc 'ix 'ay yichmil, ya' sb'a pitznto win yichmil 'ix cha, 'icha to jalb'il 'ix yet' win yuj sley Dios. Palta toto tzcham win yichmil 'ix cha, libre tzcanx 'ix. Tztac' tzyij sb'a 'ix yet' junc xo winc 'aj tzcan snab'en, cojxn toto creyente winac.

1 Co 7:4

Yujto may yaln yic jun e niwnal chi ya'n mandar sb'a sch'ocoj. A eyichmil cha, a 'ay yaln yic 'ayex. An̈jtona', 'ixta pax ax 'ichmilab'il ex, may yaln pax jun e niwnal chi ya'n mandar sb'a sch'ocoj. A eyistl cha, a 'ay yaln yic 'ayex.