Mt 18:4 - Chuj San Sebastian Bible

⁴ Yuj cha, a eb' 'emmquil tzyutj sb'a 'icha jun 'unn tic, an̈j eb' caw niwn yel'ch 'a scal eb' 'aych 'a yol sc'ab'.

Chuj San Mateo Bible

⁴ Yuj chi', a eb' te emnaquil syutej sb'a icha jun unin tic, an̈ej eb' te nivan yelc'och ta'.

Mt 18:4 Iomraidhean Croise

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Mt 18:1

A 'a jun tiempoal cha, xjaw eb' scuywum Jesús 'a 'a, 'ix sc'anb'n eb' 'a 'ixtic: —¿Mach junc caw niwn yel'ch 'a scal eb' 'aych 'a yol sc'ab' Dios 'aj satcha'an̈? xchi eb' 'a 'a.

Mt 18:3

'Ix yaln 'a eb' 'ixtic: —Wal yel tzwal 'ayex, toto matz e jel e nab'en, toto man̈ lajnoc tz'aj e nab'en 'icha eb' 'unn tic, ma'oj stac' eyoch 'a yol sc'ab' Dios.

Mt 18:5

Tzann̈j mach tzchan junc 'unn 'icha jun tic, yujn̈ej to wico', an tzin scha'aj.

Mr 10:43

Palta ax tic, man̈ 'ichcta 'oj 'aj 'a e cal. Toto 'ayx tze nib'j caw niwn eyel'ch 'a e cal, yowlal tzex 'och ya'malc servil eb' eyit cuywumal. Toto 'ixta', caw niwn eyopiso.

Mr 9:34

Palta caw sictac x'aj eb', yujto a yic wan sb'ey eb' 'ix laj stenc sb'a eb', mach junc niwn yel'ch 'a scal eb', yujto tzna junjn eb', to caw niwn yel'ch junjn eb' snani.

Lc 14:11

Tzann̈j mach tzyij chan̈ sb'a, 'oj 'ijxoc 'ejmi, man̈x 'a jac yel'ch 'oj 'ajoc. Palta ax mach tzyij 'ejm sb'a, 'oj 'ijxoc cha'an̈, caw niwn yel'ch 'oj 'ajoc, xchi Jesús.

Lc 9:48

Xyaln 'a eb' scuywum chi 'ixtic: —Tzann̈j mach tzchan junc 'unn 'icha jun tic, yujto wico', an ton tzin scha'aj. Man̈ cojnoc in tzin scha'a, tzchaj pax jun mach checjnacn coti. A mach yel xo tzyij 'ejm sb'a 'a e cal, atn jun chi yel xo wal niwn yel'chi, xchi 'a eb'.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.