Mt 18:16 - Chuj San Sebastian Bible

¹⁶ Palta toto matz chaj yab' 'ayex, wach' tzeyij 'at jun chawn̈oc mach tz'at alnoc eyet' 'a 'a. 'Ay cab' chawn̈oc mto 'oxwn̈oc testigo, sec wach' 'ay yip smasnil tas tzalxi, 'icha tzyal 'a spaxti Dios tz'ib'b'il cani.

Chuj San Mateo Bible

¹⁶ Palta tato max scha yab' d'ayach, tzic'b'at jun chavan̈ocxo mach, b'at yalan eb' d'ay. Ayocab' chavan̈ oxvan̈oc testigo, yic vach' ay yip masanil tas tz'alji, icha syal d'a Slolonel Dios Tz'ib'ab'ilcani.

Mt 18:16 Iomraidhean Croise

A Ch'an̈ B'ab'el Libro Yic Yab'ixal Eb' Rey 21:13

Xlajw cha, 'ix c'och chawn̈ winc tu snab'en 'a Nabot, 'ix yaln eb' 'ixtc 'a eb' 'anma cha: A win Nabot tic, xb'uchwj win 'a Dios yet' 'a win rey, xchi eb'. Yuj cha, 'ix yi'n 'el eb' 'anma chi win 'a sti 'el chon̈ab', sjulq'uenan eb' winac, axta xchamcn win ta'.

Nm 35:30

Toto 'ay jaywn̈oc mach tzyac' testigoal sb'a yuj junc mach tzmilwji, a jun tzmilwj cha, tztac' schami, palta toto cojn junc mach tzyac' testigoal sb'a yu'uj, a jun 'anma cha, matz tac' schami.

Jn 8:17

A jun ley 'aycn 'ayn̈ec, a tzalni toto 'ay chawn̈ testigo lajn tas tzyala, yowlal tzqui chajec cab' tas tzyal eb'.

2 Co 13:1

Yox'ejmal tic 'oj in 'atx ex wila'. Junjn tas 'oj b'o'oc, yowlal 'ay chawn̈oc, mto 'oxwn̈oc testigo 'oj alnoc, ax sb'o'i.

Dt 17:6

A jun chaml cha, tz'ajx 'och 'a yib'n̈ junc mach toto 'ay chawn̈oc mto 'oxwn̈oc testigo tz'iln jun 'anma cha. Palta toto cojn junc mach tzyac' testigoal sb'a yuj junc mul cha, matz tac' yoch chaml 'a yib'n̈ jun 'anma cha.

Dt 19:15

Toto cojn junc mach tzyac' testigoal sb'a yuj junc 'anma tz'och smul, matz tac' yoch 'a yib'an̈, masnto 'ay chawn̈oc mto 'oxwn̈oc tzyac' testigoal sb'a yuj smul cha, 'ixta b'i'an tz'och 'a yib'an̈.

1 Ti 5:19

Toto 'ay mach tz'a'n queja junc anciano, yowlal 'ay chawn̈oc, mto 'oxwn̈oc testigo. Toto ma'ay, man̈ a cha ab' tas tzyala.

A Ch'an̈ Carta D'a Eb' Hebreo 10:28

Toto 'ay mach matz yiclni ley yic Moisés, toto 'ay chawn̈oc, mto 'oxwn̈oc testigo tz'ilni, to 'ixta', tz'ajx can 'och 'a yol sc'ab' chamel. May mach tztac' yo'ch sc'ojl 'a 'a.

Apoc 11:3

'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.