Mt 17:12 - Chuj San Sebastian Bible

¹² Palta tzwal 'ayex, wulnc xo 'eq'ui. Palta ma'ix nachj 'el yuj eb' 'anma', toto a'. Yuj cha, ya'jnac wal eb' sgana 'a spatc 'icha snib'ej. An tic, 'Ochnc in 'Anma'il, palta 'ixta 'oj waj pax wab'n syal yuj eb', xchi 'a eb' scuywum cha.

Chuj San Mateo Bible

¹² Palta sval d'ayex ulnacxoec' vin̈. Palta max nachajel yuj eb' tato a vin̈. Yuj chi', yutejnac vin̈ eb' icha val sgana. Icha pax chi' ol aj vab'an syail yuj eb' a in Ac'b'il in cot yuj Dios voch animail tic, xchi Jesús d'a eb' sc'ayb'um chi'.

Mt 17:12 Iomraidhean Croise

Mt 11:2

A 'a jun tiempoal cha, 'aych Juan Bautista 'a preso. 'Ix yab'ni, tastc wan sb'on Cristo, yuj cha, schecn 'at chawn̈ eb' scuywum 'a 'a.

Mt 16:21

Ax 'a jun tiempoal cha, 'ix syamn 'och Jesús yaln 'a eb' scuywum, tas 'oj jawc 'a yib'an̈. 'Ix yaln 'ixtic: —Yowlal 'oj in 'at 'a Jerusalén, atta 'oj 'ajxc 'och 'a wib'n̈ yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

Mt 17:11

Yuj cha, xyaln pax 'a eb' 'ixtic: —Yel ton tzyal ewinac, to yowlal tzjaw Elías cha, sec tzna sb'a eb' 'anma'.

Mt 17:13

'Ixta to b'i'an xnachj 'el yuj eb', to a Juan Bautista xyal Jesús.

Mt 17:22

Yic syamn sb'a Jesús yet' eb' scuywum 'a yol yic Galilea, 'ix yaln 'a eb' 'ixtic: —An tic, wach'xam 'Ochnc in 'Anma'il, palta 'oj wajx 'och 'a yol sc'ab' eb' 'anma'.

Mt 17:9

Yic wan yempaxt eb' 'a jun tzaln cha, 'ix yaln Jesús 'ixtc 'a eb': —'Ayt 'aj xeyal jun xeyil tic. At yic 'oj in pitzw pax An 'Ochnc in 'Anmal tic 'a scal eb' chamnac, atta 'oj eyal-li, xchi 'a eb'.

Mt 21:32

Yujto a Juan Bautista wul aljnac 'el 'ayex, chajtl tzeyutj e tojlb'tzan e b'eyb'al, palta ma'ix eya'ch e c'ojl 'a 'a. Ax eb' tecm 'el tumin, yet' eb' 'ix 'ajmul 'ix, 'ay eb' xya'ch sc'ojl 'a 'a. Wach'xam eyiljnac tas yutjnac eb' snan sb'a, palta ma'ix e na e b'a yet' eb', ma'ix eya'ch e c'ojl 'a tas yaljnac Juan cha.

Mt 8:20

Ax Jesús, xyaln 'ixtc 'a winac: —A no wa'ax 'ay yet'l no 'a yol n̈aq'ue'en, no ch'ic, 'ay yet'l no 'aj tzwayi. Palta an xo tic, wach'xam 'Ochnc in 'Anma'il, may wet'l 'aj tzin wayi, xchi 'a winac.

Lc 7:33

Yujto a sb'eyb'al Juan Bautista, matz 'och wac 'a 'aj 'ay jun tzo'n̈ q'uin̈. Yuj cha, 'ayx tzeyala to a jun demonio tz'ixtni.

Jn 1:11

A 'a scal eb' yico', ata wulnc 'eq'ui, palta toxn man̈ chab'ilc yuj eb'.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

A Tas Sc'ulejnac Eb' Schecab' Jesús Hechos 4:10

Yuj cha, a jun tic 'oj cal 'ayx on̈, sec 'oj yojcoc pax 'el smasnil eb' quit israelalec. A win xjaw 'a eyojltac tic, yujn̈ej spoder Jesucristo 'aj Nazaret, 'ix b'o winac. Atn Jesucristo tic xeyac' 'ajxc 'och 'a spenc culus. Palta ax Dios x'a'n pitzwc pax 'a scal eb' chamnac.

A Tas Sc'ulejnac Eb' Schecab' Jesús Hechos 7:52

A eb' schecb' Dios pecti', c'uxn xlaj yab' eb' syal yuj eb' qui mam quichmec cha. 'Ay jun tzo'n̈ eb' aljnac cani, chajtlto 'oj jawc jun tojl snab'en, 'ix milx cham eb' yuj eb'. Ax yic 'ix jaw jun cha, ax xo xeya'ch 'a yol sc'ab' chamel, xeya'n milxc chamoc.