Mt 16:24 - Chuj San Sebastian Bible

²⁴ Xlajw cha, xyaln pax 'ixtc 'a eb' scuywum: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syail, toxn̈ej tz'ajx 'och 'a spenc culus. Toto 'ixta', 'och cab' in cuywumoc.

Chuj San Mateo Bible

²⁴ Ix lajvi chi', ix yalanpax d'a eb' sc'ayb'um: —Tato ay mach sgana tz'och in c'ayb'umoc, yovalil man̈xo yicoc sb'a sch'ocoj. Sb'ecocab' sb'a yab'an syail vuuj, taxon̈ej scham d'a te' culus. Tato icha chi', ochocab' tzac'an vuuj.

Mt 16:24 Iomraidhean Croise

Mt 10:38

A mach matz yal sc'ojl tzyab' syal wuj 'icha 'oj waj 'a spenc culus, man̈ smojc yoch wico'oc.

Mt 27:32

Yic wan s'at ewin yet' Jesús, 'ix 'ilchj jun winc 'aj Cirene yuj ewinac, Simón sb'i. 'Ix 'ajx pural win yuj ewinac, yic tzcuchn 'at sculsal Jesús cha.

Mr 10:21

'Ix 'och q'ueln, x'o'ch sc'ojl 'a winac, yuj cha, 'ix yaln 'ixtc 'a 'a: —'Ayt junx tzyac' palta 'ayach, 'ixic, 'at chon̈cn 'el jantcn̈ej tas 'ay 'ayach, tza'n stojl 'a eb' meb'a', sec 'oj a cha a ricoal 'a satcha'an̈. Tzlajw cha tzach japx 'ayin, ax och in cuywumoc, xchi 'a winac.

Mr 15:21

'Ay jun winc 'aj Cirene Simón sb'i, smam Alejandro yet' Rufo. Wan sjapx win 'a 'aj 'ix xitc' 'a b'esan. 'Ix 'ajx pural win yuj ewinac, yic tzcuchn 'at win sculsal Jesús.

Mr 8:34

Xlajw cha, 'ix yawtn cot eb' scuywum chi 'a 'a, yet' eb' 'anma', 'ix yaln 'ixtc 'a eb': —Toto 'ay eb' tznib'j tz'och in cuywumoc, yowlal man̈x yico'oc sb'a eb' sch'ocoj, yab' cab' eb' syal wu'uj, toxn̈ej tz'ajx 'och eb' 'a spenc culus, toto 'ixta', 'och cab' eb' in cuywumoc.

Lc 14:27

A eb' tz'och in cuywumoc, an̈j eb' tzb'eylb'an in b'eyb'al, wach'xam tzcham eb' 'a te culs wu'uj.

Lc 23:26

Ax yic wan yi'n 'at eb' Jesús 'a 'aj 'ix cham cha, 'ay jun winc 'aj Cirene, Simón sb'i. 'Ix cot win 'a b'esan, 'ix yamchj win yuj eb'. 'Ix ya'n eb' scuch win te culs cha. 'Ix 'och tza'n win yuj Jesús.

Jn 19:17

Ax Jesús, toxn 'ix scuch sculsal. 'Ix 'at 'a jun lugar tzcuch Gólgota 'a hebreo. Tzyal 'el'chi: Yet'l Sb'acl Jolom.

Jn 21:19

'Ixta xyutj yalni, chajtl 'oj 'aj Pedro chi schami, ax sch'oxn 'eli, to caw niwn yel'ch Dios. Xlajw cha, xyaln pax Jesús 'a 'ixtic: —'Ochn̈ wal tza'n wu'uj, xchi 'a Pedro cha.

Jn 21:22

Yuj cha, 'ix yaln pax Jesús 'a 'ixtic: —Toxn̈ej tzyal in c'ojol, pitznto ax in japxi, may aln ec 'a 'a. Cojnto tzach 'och wal tza'n wu'uj, xchi 'a Pedro cha.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

1 Ts 3:3

A xit' alnc 'ayex, sec wach' may ex tzsomchj e nab'en yuj tastc wan eyab'n syail. Yujto eyojc xoni, to yowlal tzjaw jun tzo'n̈ yailal chi 'a quib'n̈ec 'icha tznib'j Dios.

2 Ti 3:12

A eb' tznib'j tojl tzyutj sb'eyb'al, junxn̈ej tz'ajcn eb' yet' Cristo Jesús, wal yel 'oj 'ajxc 'och 'a yib'n̈ eb' yuj eb' yit 'anma'il.

A Sb'ab'el Carta San Pedro 2:21

On̈ yawtjec 'och Dios yico'oc, sec tzcab'c syal yuj qui wach' b'eyb'alec tic. Yujto a Cristo, yab'jnac syal cujec. 'Ixta yutjnac sch'oxn swach' b'eyb'al 'ayn̈ec, sec a tzqui b'eylb'ejec.