Mt 16:18 - Chuj San Sebastian Bible

¹⁸ An tzwal 'ayach, ach ton Pedro ach. (A Pedro tzyal 'el'chi, q'ue'en.) A 'a yib'n̈ jun niwquil q'uen tic 'oj in b'o wiglesia. A jun wiglesia tic, toxn ma'oj lajwc yuj chamel.

Chuj San Mateo Bible

¹⁸ A in sval d'ayach, a ach ton Pedro ach. (Pedro syalelc'ochi, q'ueen.) A d'a yib'an̈ jun tenam chi' ol in b'o viglesia. A viglesia chi', man̈ ol ac'joc ganar eb' yuj spoder chamel.

Mt 16:18 Iomraidhean Croise

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

A Ch'an̈ Schab'l Libro Samuel 18:4

Yuj cha, xyaln win rey chi 'ixtic: —Wach' cab' tzin cani, 'oj in b'o 'icha tzeyal cha, xchi winac. Xlajw cha, 'ix 'ochcn lin̈n win rey chi 'a stz'ey sti spuertail chon̈b' cha, ya' sb'a ax eb' soldado cha, macquixtac yelt eb', tz'elt eb' 'a smilal yet' 'a cienteal.

Job 38:17

¿Tox am 'ix ela 'aj 'ay spuertail yet'l chamel?

Salmos 107:18

Man̈x 'a tas tznib'j eb' sc'uxu', yujto 'ayx 'ec' eb' 'a yol sc'ab' chaml tzyab'i.

Salmos 127:5

Tzaljc'ojlal yic eb' niwn yunnal, yujto 'icha jun tzo'n̈ jul-lab' cha, 'ixta yaj eb' 'a eb'. Ma'oj 'el sq'uixwel eb' 'a yojltac eb' 'ajc'ojl yajch 'a eb' yic 'oj scoln sb'a eb' 'a sat eb' yajal.

Salmos 129:2

Yic cochc can chon̈b'al, til wal eb' x'a'n cab' syail, palta ma'ix techj yuj eb' 'ayn̈ec.

Salmos 69:12

An xoj tzin yalb'tan̈j eb' wocn 'ec' 'a sti spuertail chon̈ab', ax eb' 'u'm 'an̈, tzin laj sb'itnoc eb'.

Salmos 9:13

Mamin Jehová 'o'ch cab' a c'ojl 'ayin, 'ilt wal cot in somc'ojlal 'aych yuj eb' matz in nib'ni. Coln 'el 'a yol sc'ab' chamel.

Pr 24:7

A mach may snab'en, caw matz nachj yu'uj tas tzyal 'a yojltac win yajl 'a sdespacho, ton̈j sictac tz'aji, yujto may sjelnal.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Is 28:6

A 'oj 'a'nc sna eb' juez yic tzb'eyc'ojlwi eb' 'a stojlal, 'oj yac' yip eb' soldado yic tztan̈wni eb' schon̈ab'.

Is 38:10

A xwutj in nani to caw te'n in to ax in chami, yujto alb'ilx 'ayin to 'ayn xo 'och 'a yol sc'ab' chamel, man̈x wojcoc toto tzat wil jaye'ocx ab'il.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Jonás 2:6

In 'em'ch can 'a yich eb' lum witz 'a yojl a a cha. A walni to jun 'ejmn̈ej in macx can 'ejmi, palta ach tic Jehová, in Diosal ach, xin a colcn 'el 'a yol sc'ab' chamel.

Mt 10:2

Atn sb'i eb' lajchwan̈ schecb' tic: A Simón, tzcuch pax Pedro, yet' jun yu'tac Andrés sb'i; Jacobo yet' jun yu'tac Juan sb'i. A eb' chawn̈ tic, yunnal Zebedeo eb'.

Mt 11:23

An̈jtona', 'ixta 'ex 'aj Capernaum. Tzcob' e na', to smoj 'oj e c'och 'a satcha'an̈. Palta ton̈j 'oj eyemcn 'a scal eb' chamnac. Octom a 'a Sodoma b'ob'il jun tzo'n̈ milagro 'icha xb'o 'a e cal. To 'ixta', snajnac sb'a eb', ax jun schon̈b' eb' cha, an̈ja 'ayc' ticnec.

Mt 18:17

Palta toto an̈ja matz chaj yab' 'a eb', yel xo wach' tzeyal 'a iglesia. Toto an̈ja matz chaj yab' pax 'a eb', cann̈j cab' 'ixta'. 'Icha junc comn 'anma man̈ 'ojtnacoc Dios, mto junc tecm 'el tumin, 'ixta cab' tz'ajcn 'a e sat.

Mt 4:18

Yic wan sb'eyc' Jesús 'a sti a mar yic Galilea, 'ix yilni 'ayc' Simón atn pax tzcuch Pedro, yet' jun yu'tac Andrés sb'i. Wan ya'n 'ejm eb' jun schim yic syamlab' chay 'a yojl a', yujto yamn chay eb'.

Mt 7:24

A eb' tz'ab'n in paxti', toto tzyiclj eb' 'icha tzwala, lajn eb' 'icha jun winc jelan, sb'o yatut 'a yib'n̈ stzatzl lum lu'um.

Jn 1:42

Yajn̈j cha, 'ix yi'n 'at jun yu'tac chi 'a Jesús. 'Ix 'och q'ueln Jesús 'a Simón cha, 'ix yaln 'ixtc 'a 'a: —Ach tic Simón ach, yunnal ach Juan. Palta Cefas 'oj a b'ioc, xchi Jesús. (A Cefas, tzyal 'el'chi, Pedro, mto q'ue'en.)

A Tas Sc'ulejnac Eb' Schecab' Jesús Hechos 2:47

Tzlaj yalnc eb' wach' paxti 'a Dios. Ax eb' 'anma smasnil, caw tzalj eb' yet' eb'. Ax Cajlil, a tz'a'n q'uib' sb'isl eb' 'a junjn c'u, yuj eb' wan laj scolchj yu'uj.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

A Tas Sc'ulejnac Eb' Schecab' Jesús Hechos 8:1

A Saulo, caw locn yet' eb' xmiln cham Esteban. Atn wal 'a jun c'u cha, 'ix 'el yich yajx 'och jun niwn yailal 'a yib'n̈ eb' creyente 'aj Jerusalén cha. Yuj cha, 'ix laj yi'nc 'el sb'a eb'. 'Ix laj 'at eb' 'a jun tzo'n̈ xo chon̈b' 'a yol yic Judea cha, yet' 'a Samaria. Cojxnn̈ej eb' schecb' Jesús 'ix can 'a Jerusalén cha.

1 Co 15:55

Ach chamel, ¿'aj 'ay a ganar ticnec? ¿'Aj 'ay a poder tzac' milwjoc ticnec? xchi 'a Ch'an̈.

Gl 2:9

Ax Santiago, yet' Pedro, yet' Juan, niwn yel'ch eb' 'a sat eb' creyente ta'. Nachjnac 'el yuj eb', chajtlto a Dios 'a'jnac jun wopiso tic yuj swach'c'ojlal. Yuj cha, ya'jnac cot eb' sc'ab' 'ayn yet' Bernabé, qui yamlan qui c'ab' yet' eb' on̈, yujto lajn schajnac sb'a snab'en eb' quet' on̈. 'Ixta yutjnac eb' sch'oxni, to tznib'j eb' tzon̈ 'at 'a scal eb' man̈ israeloc on̈. Ax eb', an̈ja smunlj eb' 'a scal eb' quit israelal on̈.

Ef 3:10

Yuj cha, jantcn̈ej eb' 'aych yajlil 'a satcha'an̈, yet' eb' tz'a'n cuenta ta', yic xyiln eb' chajtl caj an̈ec yiglesia on̈ xo tic, 'ix wach' nachj 'el yuj eb', to man̈ jantcoc sjelnal Dios.

Ef 5:32

A jun tzo'n̈ paxti tic, caw niwn yel'chi. Yujto tzin na'a, to tzyal cuj an̈ec yiglesia 'on̈c Cristo, 'icha cajc yet' quitb'eymec, 'ixta tzon̈ 'ajc pax yet'oc.

A Scarta San Pablo D'a Eb' Aj Colosas 1:18

Caw sjolm yaj 'a yiglesia. An̈ec yiglesia on̈c tic, 'icha to sniwnal cajec. A tz'a'n qui q'uinlec. A b'ab'l pitzwnac pax 'a scal eb' chamnac, yic wach' yel xo wal niwn yel'ch 'a yib'n̈ smasnil.

1 Ti 3:15

Palta lemb'il ma'oj stac' in 'at muc'uc. Yuj cha, tzin tz'ib'n 'at jun in carta tic 'ayach, sec wach' ojtac tas wal tzqui b'eylb'ej an̈ yunnaln̈ xo Dios. Yujto an̈ tic, 'ayn̈ xo 'och stz'acb'oc yiglesia Dios pitzan. 'Ay copiso caln 'el jun cuynb'il caw yel. Cu'uj, caw tz'och yip jun cuynb'il caw yel tic.

1 Ti 3:5

A mach man̈ yojcoc tas tzyutj ya'n cuenta sb'a 'a yol yatut, ¿tast wal 'oj yutc ya'n cuenta yiglesia Dios?

A Ch'an̈ Carta D'a Eb' Hebreo 12:28

A jun matz tac' yib'x tic, atn jun lugar tzyac' Dios 'ayn̈ec, 'a 'aj 'aych yajlil. Yuj wal jun tic, ca'c yuj diosal 'a 'a. Ca'c 'ejm qui b'a 'a 'a, tzcalnec qui b'a 'a 'icha tznib'ej. Caw xiw coyc 'a 'a,

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 21:14

A smuroal cha, 'ay lajchwe niwc q'uen 'aycn 'ejm yipnub'oc. Ax 'a sat junjn q'uen cha, ata tz'ib'b'il 'och sb'i eb' schecb' jun tzcuch Calnelu slajchwan̈il.