Mt 15:6 - Chuj San Sebastian Bible

⁶ Ax xo tic tzeyala, toto 'ay mach tzaln 'ixta', man̈x yowlalc tzcolwj 'a smam snun. 'Ixta tzeyutj eyixtn 'el schecnb'il Dios, yujto an̈j jun tzo'n̈ sley e mam eyichm tze b'eylb'ej.

Chuj San Mateo Bible

⁶ A exxo tic tzeyala', tato ay mach tz'alan icha chi', man̈xo yovaliloc scolvaj d'a smam snun. Icha chi' tzeyutej eyixtanel schecnab'il Dios, yujto an̈ej juntzan̈ sley eb' co mam quicham chi' tze c'anab'ajej.

Mt 15:6 Iomraidhean Croise

Salmos 119:126

Mamin Jehová, stiempoal xo wal a'n cuenta eb' may yel'ch a cuynb'il 'a sat.

Salmos 119:139

Caw tztac in c'ojl wiln 'och eb' 'ajc'ojl yajch 'ayin, yujto may yel'ch a paxti 'a eb'.

Jeremías 8:8

¿Tas yuj tzeyal 'ixtic: An̈ tic caw wal jeln on̈, cojc sley Jehová, xe chi? ¡'Intax eb' tz'ib'n ley, tzjel pax eb' tas tzyal jun ley cha!

Os 4:6

'Oj in satl jun in chon̈b' tic, yujto man̈x in nanoc jac yu'uj. Ax xo ax ya'mal 'och sti eb' 'anma eyaj 'ayin, yel xo man̈x in nanoc jac eyu'uj. Yuj cha, 'oj ex wi'l 'a eyopiso, yujto 'ix 'at satc'ojlal in cuynb'il eyu'uj, yuj cha, man̈x 'oj in na cot eb' eyin̈tl b'aq'uin̈.

Mt 15:5

Palta ax xo tic, tzeyala, to man̈ yowlalc tzcolwj junc mach 'a smam snun. Toto 'ay junc mach tzaln 'ixtc 'a smam snun: Matz tac' tzin colwj 'ayex, yujto jantcn̈ej tas 'ay 'ayin, yicn̈ej Dios yaji, toto xchi, caw wach' tzeyab'i.

Mt 15:7

Caw chab'sat ex. Yel ton tas yaljnac can Isaías eyu'uj, yic yaln can 'ixtic:

Mr 7:13

'Ixta tzeyutj eyixtn 'el schecnb'il Dios, an̈j sb'eyb'al qui mam quichmec tzlaj eyac' cuyxoc. Til to wal jun tzo'n̈ xo tas tze b'o 'icha jun tzo'n̈ tic, xchi Jesús 'a ewinac.

Ro 3:31

Yel toni tzon̈ colchjec, yujn̈ej to tzca'c 'och 'a qui c'ojol. Palta ¿tom yuj chi tztac' calnec, to man̈x 'a yopiso ley yic Moisés? Ma'ay, caw matz tac' calnec 'ixta'. Ticni a jun ley cha, to tzqui wach' 'a'jec 'och yopiso.

1 Ti 5:16

A eb' creyente chi ta', [toxn̈ej winac,] toxn̈ej 'ix, toto 'ay junc 'ix chamnc yichmil 'ay 'a yol yatut eb', yowlal caw tzcolwj eb' 'a 'ix. Yujto man̈ smojoc, toto a iglesia tz'a'n sgasto 'ix. A eb' caw sch'ocoj, an̈j eb' 'aj tztac' scolwj iglesia, yujto matz tza'wni iglesia ya'n sgasto eb' smasnil.

1 Ti 5:8

Toto 'ay eb' creyente matz colwj 'a smam snun, 'a smam yu'tac, yet' 'a eb' 'ay 'a yol yatut, may jac yel'ch scuynb'il Cristo 'a eb'. 'Ec'b'al xo stul eb' 'a yib'n̈ eb' man̈ creyenteoc xoni.