Mt 15:11 - Chuj San Sebastian Bible

¹¹ A jun tzo'n̈ tas tz'och 'a qui ti', matz on̈ juw yuj 'a sat Dios. Palta a jun tzo'n̈ tas tz'elt 'a qui ti', a tzon̈ 'a'n juwc 'eli, xchi 'a eb'.

Chuj San Mateo Bible

¹¹ A juntzan̈ tas scac'och d'a co ti', max on̈ juviel-laj yuuj d'a yichan̈ Dios. Palta a juntzan̈ tas tz'elta d'a co ti', a tzon̈ juanel d'a yichan̈, xchi d'a eb'.

Mt 15:11 Iomraidhean Croise

Salmos 10:7

Cojn catb' paxti tzyal eb', tzlaj ya'n eb' 'es, tzlaj xib'tw eb' yet' spaxti', an̈j maysch'olnil tzyal eb'.

Salmos 12:2

Cojxn̈ej 'es tzlaj yal-lac eb' 'a junjn 'anma', tzlaj yixtn paxti sb'a eb' 'a chab'satil.

Is 37:23

¿Mach jun 'aj tu 'ix ala, 'ix a xib'tn paxi? ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxn in.

Mt 15:10

Xlajw cha, xyawtn cot eb' 'anma 'a 'a, 'ix yaln 'ixtc 'a eb': —'Ab'ec, nachj cab' 'el eyu'uj tas 'oj wala'.

Mt 15:12

Yuj cha, xjaw eb' scuywum 'a stz'ey, 'ix yaln eb' 'ixtc 'a 'a: —¿Ojc ama to caw xcot yowl ewin fariseo yuj jun xal tic? xchi eb' 'a 'a.

Mr 7:15

A jun tzo'n̈ tas tz'och 'a qui ti', matz tac' tzon̈ juwc 'el yuj 'a sat Dios, palta a jun tzo'n̈ tas tzcot 'a qui nab'enec, a tzon̈ 'a'n juwc 'eli.

Ro 14:14

An tic, yujto 'aych in c'ojl 'a Cajlil Jesús, caw wojc si'mb'il, may junc tas 'ay yowlal yu'uj. Palta toto 'ay mach tznani, to 'ay yowlal junc tas yuj Dios, caw matz tac' sb'oni, yujto 'ay ton yowlal yuj Dios 'a 'a.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

Ro 14:20

Caw 'ay smay sjuw 'el smunljel Dios 'a spixn eb' quit creyenteal yuj tas tzqui c'uxec. Yuj cha, caw man̈ qui b'oc 'ixta'. Yel toni, may junc tas 'ay yowlal qui c'uxnec yuj Dios. Palta toto 'ay eb' tzsomchj 'el snab'en yuj tas tzqui c'uxec, yowlal tzcactjec can qui c'uxni.

1 Ti 4:3

'Oj cob' yal eb' 'ixtic: Caw 'ay yowlal, toto tz'och quistzil. 'Ay pax jun tzo'n̈ tas tzc'uxx to 'ay yowlal qui c'uxni, 'oj schic cob' eb'. Palta a Dios tzb'on smasnil jun tzo'n̈ cha, sec a tzqui c'uxc an̈ creyente on̈c tic, tzca'nec yuj diosal 'a Dios yu'uj, yujto cojquec xo jun cuynb'il caw yel.

Tito 1:15

An̈ tojlb'tzab'ilx qui nab'en, wach' smasnil tas 'ayon̈. Palta ax eb' matz ya'ch sc'ojl 'a Dios, eb' maysch'olnil xon snab'en, may junc tas wach' 'a eb'. Yujto a snab'en eb', toxn maysch'olnil. Man̈ jac tzyac' cuenta sb'a eb' yet' snab'en cha.

A Ch'an̈ Carta D'a Eb' Hebreo 13:9

Man̈ e cha 'ijxoc 'at e b'a yuj jun tzo'n̈ tzann̈j chuc cuynb'ilal tzalxi. Caw wach' toto tz'ajx ste'nal qui nab'enec yuj swach'c'ojlal Dios tzyac' 'ayn̈ec. Al jun tzo'n̈ comn checnb'il tzyal yuj tas tzqui c'uxu, matz tac' tzte'nb'i qui nab'enec yu'uj. Yujto a jun tzo'n̈ checnb'il cha, may jac yopiso sb'on snab'en eb' tzb'eylb'ani.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.