Mt 14:6 - Chuj San Sebastian Bible

⁶ Ax yic x'och jun q'uin̈ yic yab'lil win Herodes cha, 'ix yawtn cot jun tzo'n̈ winac. Ax 'ix yune 'ix Herodías cha, xc'och 'ix 'a yojltac ewinac, 'ix ya'n 'ix chan̈al. Caw wach' yec' 'ix xyil win Herodes cha.

Chuj San Mateo Bible

⁶ Axo yic ix och sq'uin̈al yab'ilal vin̈aj Herodes chi', ix yavtancot juntzan̈ eb' nivac vinac vin̈. Axo ix yune' ix Herodías chi', ix c'och ix d'a yichan̈ eb', ix chan̈alvi ix. Te vach' schan̈alvi ix ix yil vin̈aj Herodes chi'.

Mt 14:6 Iomraidhean Croise

Gn 40:20

Schab'jil yaln José swaych ewin chawn̈ cha, snan win rey sq'uin̈ yuj yab'lil, xyawtn cot win smasnil ewin niwc yajl 'aych yajlil yet'oc. Sat wal eb' niwc yajl cha, x'at ya'nc win 'ijxoc 'elt eb' chawn̈ chi 'a preso.

Ester 2:18

Wal 'a yajn̈ej xya'n 'och win jun niwn wa'el, yuj yijx chan̈ sb'i 'ix Ester. 'Ix yawtn cot win smasnil eb' 'aych yajlil yet' win 'a yol smacb'en, xyi'n 'emt win tojlb'al tzyac' eb' 'anma 'a junjn niwc chon̈ab', caw niwn pax siylab' xyac' win 'a eb'. 'Ixta wal xyutj win rey chi sch'oxn 'el swach'c'ojlal.

Mt 14:3

'Ixta xyutj win yalni, yujto chamnc xo Juan chi yu'uj. 'Ixtc 'ajnc scham yu'uj. 'Ay jun yu'tac Herodes cha, Felipe sb'i. Herodías sb'i 'ix yistl Felipe cha. Ax win Herodes chi xmontn 'el 'ix yistl Felipe cha. Ax Juan x'at alnc 'ixtc 'a win Herodes cha: —Caw may sleyl tza montj 'el jun 'ix tic, xchi 'a winac. Yuj cha, xya'n 'ix Herodías chi sc'ojloc win Herodes cha. 'Ix ya'n win yamchjoc Juan cha, 'ix 'och 'a preso, x'och q'uen cadena 'a 'a.

Mt 14:7

Yuj cha, xya'n win sti', slocn win sb'i Dios, xyaln win 'ixtic: —Tzann̈j junc tas 'oj a c'an 'ayin, 'oj wa'n̈j 'ayach, xchi win 'a 'ix.

Mt 22:24

—Ach qui Cuymal on̈, a win Moisés a tz'ib'jnac can 'ixtic: Q'uinloc 'ay junc winc tzchami, tzcan yistzil, palta may junc yunnal tz'elcni. To 'ixta', ax junc yu'tac, yowlal a tz'i'n can pax 'ix, sec wach' toto tz'alj yunnal win yet' 'ix, 'icha to yunnal win chamnc cha. 'Ixta yaj yaln can win Moisés.

Mr 6:14

A 'a jun tiempoal cha, 'ix sat sc'ojl win rey Herodes yab'n jun tzo'n̈ tas tzb'o Jesús, yujto c'uxn xpucl speclal 'a scal smasnil 'anma'. Yuj cha, 'ix yaln win 'ixtic: —A jun cha, atn win Juan Bautista xpitzw pax 'a scal eb' chamnac, yuj cha, 'ay spoder sb'on jun tzo'n̈ cha, xchi winac.

Mr 6:17

'Ixtc 'ix 'aj scham Juan chi yuj winac. 'Ay jun yu'tac win Herodes cha, Felipe sb'i. Herodías sb'i 'ix yistzil Felipe cha, ax win Herodes chi xmontn 'el 'ix yistzil Felipe cha. Ax Juan, a x'at alnoc 'a win Herodes chi 'ixtic: Caw may sleyl tza montj 'el yistzil o'tac, xchi 'a winac. Yuj cha, caw xcot yowl 'ix Herodías cha, 'ix ya'n 'ix sc'ojloc win Herodes cha. Yuj cha, 'ix ya'n win yamchjoc Juan chi b'i'an, 'ix 'och 'a preso, 'ix 'och q'uen cadena 'a 'a. Ax 'ix Herodías cha, caw xchichn 'och 'ix 'a Juan. Caw tznib'j 'ix tzyac' milxoc, palta ma'ix stac' yuj 'ix muc'uc,

Mr 8:15

'Ix yaln Jesús 'ixtc 'a eb': —'Ab'ec, tzeyil wal e b'a, a wal yich span ewin fariseo, yet' yich span win Herodes, caw 'ay smay tzex juw 'el yu'uj, xchi 'a eb'.

Lc 13:31

A 'a jun c'u cha, 'ix jaw jaywn̈ ewin fariseo, 'ix yaln ewin 'ixtc 'a Jesús: —'Ij 'el a b'a 'a jun lugar tic, yujto tznib'j win Herodes tzach smila, xchi ewin 'a 'a.

Lc 23:11

Yuj cha, ax win Herodes cha, yet' eb' soldado winac, caw xb'ajwj eb' 'a Jesús. 'Ix laj b'uchwj pax eb' 'a 'a. 'Ix stz'acn eb' ya'ch jun tzo'n̈ pichl caw wach' yilx 'a 'a, 'icha yic eb' rey. Xlajw cha, xya'n pax 'at win 'a win Pilato.

Lc 23:7

Ax 'ix yab'n winac to 'aj Galilea. Yuj cha, xya'n 'at 'a win Herodes, yujto a win yajl yaj 'a Galilea cha. Ax win Herodes cha, 'ayc' win jaye c'u 'a Jerusalén cha.

Lc 3:1

A Juan win yunnal Zacarías, cajn 'a jun cusltac lu'um. 'Ay jun c'ual xyal Dios 'a 'a, tas 'oj yal 'a eb' 'anma'. 'Ix uj jun tic 'a yic yolajn̈il xo ab'il yoch win Tiberio sat yajlil 'a yib'n̈ eb' yajl 'a smasnil chon̈b' 'aych 'a yaln̈ sley Roma. 'Aych win Poncio Pilato gobernadoral 'a Judea. Ax win Herodes 'aych gobernadoral pax 'a Galilea. A jun yu'tac win Felipe sb'i, a 'aych gobernadoral 'a Iturea, yet' 'a Traconite. Ax win Lisanias, gobernador yaj 'a Abilinia.

Lc 3:19

An̈jtona', 'ix ya'lj Juan chi stenn 'och wan win Herodes, win yajal. yujto 'ix smontj 'el win 'ix yistzil yu'tac cha, atn win Felipe. Herodías sb'i 'ix. 'Ayt pax jun tzo'n̈ xo maysch'olnil 'ix sb'o winac. Ax Juan 'ix cob' tennc 'och wan winac,

Lc 8:3

Ajun pax 'ix Juana yistzil Chuza, atn win tz'iln smunljel win rey Herodes. An̈jtona', ajun pax 'ix Susana, yet' nan̈l xo eb' 'ix xcolwj yet' tas 'ay 'a eb'.

A Tas Sc'ulejnac Eb' Schecab' Jesús Hechos 12:1

A 'a yic jun tiempoal cha, a win rey Herodes 'ix syamch win ya'n stul 'a eb' creyente.

A Tas Sc'ulejnac Eb' Schecab' Jesús Hechos 4:27

Wal yel, a win Herodes, win Poncio Pilato, eb' man̈ israeloc, yet' pax eb' quit israelal on̈, 'ix syam sb'a eb' 'a yol chon̈b' tic. 'Ix sc'umj sb'a eb' 'a spatc Onnal, atn jun sic'b'il 'el o'oj. Palta ach a'jnac can yopiso.