Mt 13:41 - Chuj San Sebastian Bible

⁴¹ An 'Ochnc in 'Anmal tic, 'oj in chec cot eb' wángel. C'uxn 'oj 'ec' smolb'tzoc eb' jun tzo'n̈ eb' tz'a'n juwc 'el snab'en eb' yit 'anma'il, yet' jun tzo'n̈ xo eb' tzb'on maysch'olnil. C'uxn 'oj 'ijxc 'el eb' 'a 'aj 'oj woch Yajlil.

Chuj San Mateo Bible

⁴¹ A in Ac'b'il in cot yuj Dios voch animail tic, ol in checcot eb' vángel. Ol laj smolb'an juntzan̈ eb' tz'ac'an juvoquel spensar eb' yetanimail yed' juntzan̈xo eb' chuc sc'ulej. Ol laj ic'joc el eb' b'aj ol in och Yajalil.

Mt 13:41 Iomraidhean Croise

A Ch'an̈ Schab'l Libro Samuel 23:6

Palta smasnil eb' maysch'olnil snab'en, lajn eb' 'icha te q'uix tzjulx 'eli, may mach tzyal sc'ojl tz'och yamn 'a 'a.

Sofonías 1:3

'Oj in satl eb' 'anma', no noc', no ch'ic, yet' no chay. 'Oj wac' syailal eb' 'anma maysch'olnil sb'eyb'al, ax wa'n lajwc 'el smasnil 'anma 'a sat lum lu'um.

Mt 13:49

'Ixta 'oj 'aj eb' 'anma', yic 'oj lajwc 'ec' yolyib'n̈q'uinl tic, 'oj cot eb' ángel wul yi'l eb' maysch'olnil 'a scal eb' wach'.

Mt 18:7

'Oltac wal eb' 'anma yuj jun tzo'n̈ tas tz'a'n juwc 'el snab'en. Smasnil tiempo 'ay jun tzo'n̈ cha, palta a wal eb' tzc'anlb'ani, tzya'n eb' juwc 'el snab'en yit 'anma'il, caw wal 'oltac eb'.

Mt 24:31

Ax q'uen trompeta, caw 'ip 'oj 'oc' q'ue'en, an xo 'Ochnc in 'Anmal tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinl tic. 'Oj 'ec' 'ijx cot eb' 'aj tzlajw c'och yolyib'n̈q'uinal, masnto 'a yib' cha'an̈.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Mt 8:20

Ax Jesús, xyaln 'ixtc 'a winac: —A no wa'ax 'ay yet'l no 'a yol n̈aq'ue'en, no ch'ic, 'ay yet'l no 'aj tzwayi. Palta an xo tic, wach'xam 'Ochnc in 'Anma'il, may wet'l 'aj tzin wayi, xchi 'a winac.

Mr 13:27

An tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinal. 'Oj 'ec' 'ijx cot eb' 'a 'aj tzlajw c'och yolyib'n̈q'uinal, masnto 'a yib' cha'an̈.

Ro 2:16

At 'a yic 'oj jawc jun c'ual, 'oj sb'eyc'ojloc Dios smasnil 'anma', yuj tastc c'ultac yaj yuj eb'. A Jesucristo 'oj b'eyc'ojlanc eb' yu'uj, 'icha tzyal jun wach' 'ab'x yic colnb'il tzwal-l tic.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.