Mt 13:12 - Chuj San Sebastian Bible

¹² Yujto a eb' tznib'j tznachj 'el yu'uj, 'oj wach' nachjc 'el yuj eb'. Ax eb' matz nib'j nachjc 'el jun tzo'n̈ tic yu'uj, 'oj wach' 'ijxc 'ec' 'a eb'.

Chuj San Mateo Bible

¹² Yujto a mach snib'ej snachajel yuuj, ayto tas ol vach' nachajel yuuj. Axo eb' malaj sgana snachajel juntzan̈ tic yuuj, ol ic'joc ec' d'a eb'.

Mt 13:12 Iomraidhean Croise

Mt 21:43

Yuj cha, tzwal 'ayex, 'oj yal Dios to man̈x 'a eyaln eyic eyoch 'a yol sc'ab'. Ax yaln 'a jun tzo'n̈ xo eb' 'anma', to 'ay yaln eb' yic yoch e jeloc. Yujto a eb' cha, lajn eb' 'icha eb' tz'a'n stojl te 'awb'ente 'a win 'aj lu'um.

Mt 25:29

Yujto a mach 'ay yico', 'oj wach' 'ajxoc 'a 'a, sec 'oj swach' 'a'c sobra yic cha. Ax eb' may wal yico', 'oj wach' 'ijxc 'ec' jab' yic eb' cha.

Mr 12:9

Yuj cha, ¿tas 'oj yutc win ewin munljum chi tze na'a? Tzwal 'ayex to a win 'aj lum cha, at win 'oj 'at 'a'nc lajwc ewinac, ax ya'n can pax win slum chi majnil 'a jun tzo'n̈oc xo.

Lc 10:42

Palta junn̈j tas caw 'ay sc'a'l sb'o'i. Atn jun chi tznib'j María tic. Yuj cha, may junc mach 'oj 'i'nc 'ec' 'a 'a, xchi Jesús 'a 'ix.

Lc 12:48

Palta q'uinloc 'ay junc xo moso man̈ 'ojtnacoc, tzb'on pax jun tzo'n̈ tas smoj tz'ajx 'och syailal yu'uj. A jun cha, janc'n̈ej yailal 'oj 'ajxc 'och 'a yib'an̈. A eb' niwn tas 'ac'b'il 'a 'a, niwn tas 'oj c'anb'xoc 'a eb'. Yet' eb' niwn tas 'ac'b'il 'ab'enal 'a 'a, yowlal niwn pax tas 'oj c'anb'xoc 'a eb'.

Lc 16:2

Yuj cha, xyawtn cot win jun smayltoma chi 'a 'a. 'Ix yaln 'ixtc a winac: 'Ay wal jun tzo'n̈ tas tzwab' speclal o'oj. Yuj cha, a jun tzo'n̈ munljel tic 'aych 'a yol a c'ab' wu'uj, yowlal 'oj a'x can 'ayin, yujto man̈x 'oj a munlj 'a jun opiso tic, xchi winac.

Lc 16:25

Palta xyaln cot Abraham chi 'ixtc 'a winac: Ach 'un, na coti chajtlto caw wach' ach 'ec' 'a yolyib'n̈q'uinal, ax Lázaro tic, caw may jac swach'l x'ec' yil ta'. Al ticnec, to wan yajx sniwnal sc'ojl 'a tic, ach xo, wan ab'n syal ticnec.

Lc 8:18

Yuj cha, caw tzeya'ch e chicn 'a tas tzwala. Yujto a eb' tznib'j tznachj 'el yu'uj, 'oj wach' 'ajxoc nachjc 'el yuj eb'. Ax eb' matz nib'j tznachj 'el jun tzo'n̈ tic yu'uj, a jab' tas 'ijn tznachj 'el yuj eb', 'oj wach' 'ijxoc 'ec' 'a eb', xchi Jesús.

Lc 9:26

Toto 'ay mach tzq'uixw wu'uj, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb', yic 'oj in jawi ax woch reyal. 'Oj in jaw yet' spoder in Mam, yet' pax eb' yángel yic yaji.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.

Apoc 2:5

Yuj cha, nac coti chajtl eyaj 'a yic mantzac juw 'el e nab'en. Nac e b'a, b'oc e b'eyb'al 'icha 'a yic yalan̈. Toto matz e na e b'a, 'oj in c'och 'ayx muc'uc, ax wi'n 'el e cantil 'a yet'ul.