Mt 13:11 - Chuj San Sebastian Bible

¹¹ Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

Chuj San Mateo Bible

¹¹ Yuj chi' ix yalan d'a eb': —An̈ej d'ayex sch'ox co Mam Dios juntzan̈ tas mantalaj mach ojtannac, yic snachajel eyuuj tas tz'aj eyoch d'a yol sc'ab'. Palta axo d'a juntzan̈xo eb' quetanimail, max sch'oxlaj.

Mt 13:11 Iomraidhean Croise

Salmos 25:14

A eb' a wach'c'ojl a b'a yet'oc, atn eb' 'ay xiwc'ojlal 'ayach, tzac' pax 'el'choc a trato 'a eb'.

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Is 29:11

Yuj cha, a smasnil spaxti eb' schecb' Dios, lajn 'oj 'ajcn 'ayx 'icha junc tas tz'ib'b'il 'a junc ch'an̈ un̈ chulb'ilb'ec'an, 'aych can pax seyo 'a 'a. Toto tz'ajx ch'an̈ 'a junc mach tztac' yiln u'un̈, tzalx 'a 'ixtic: 'Awtj jun un̈ tic, toto xchi jun cha; tzta'w junx chi 'a 'ixtic: Matz tac' wilni, yujto 'aych seyoal, xchi.

Is 35:8

Ata 'oj 'ec' jun b'e, a jun b'e cha 'oj scuch Sb'e Eb' Yicxo Dios. A eb' man̈toc 'ic'b'il 'el smul 'a 'a, ma'oj stac' yec' eb' 'a jun b'e cha. A eb' maysch'olnil snab'en, ma'oj stac' sb'ey pax eb' ta'.

Mt 13:10

Ax eb' scuywum Jesús, xjaw eb' 'a stz'ey, 'ix sc'anb'n eb' 'ixtc 'a 'a: ¿Tasm yuj an̈j jun tzo'n̈ 'ab'x ya snachj tic tzal 'a eb' 'anma'? xchi eb' 'a 'a.

Mt 16:17

Yuj cha, xyaln Jesús 'a Pedro 'ixtic: —Simón, ach yunnal Juan, caw wach' eco', yujto a jun 'ix al tic, may junc 'anma 'ix aln 'ayach. A qui Mam 'ayc' 'a satcha'an̈, a 'ix aln 'ayach.

Mt 19:11

Yuj cha, xyaln pax 'a eb' 'ixtic: —Palta man̈ smasnilc 'anma tztechj yuj jun tzeyal tic. Cojn eb' 'aj tzcolwj Dios, a eb' tztechj yu'uj.

Mt 20:23

—Wal yel, 'oj eyajx prowal 'icha 'oj waji. 'Icha 'oj wutc wab'n syal an tic, 'ixta 'oj eyab' pax syal jun xo. Palta an tic, may waln wic ex wa'n 'em wocn 'a in wach' c'ab', mto 'a in surito. Yujto a qui Mam Dios a b'ojnac xoni, mach eb' 'oj 'em wocn ta', yuj cha, atn eb' 'aj 'oj 'ajxoc, xchi 'a eb'.

Mr 10:40

Palta an tic, may waln wic ex wa'n 'em wocn 'a in wach' c'ab', mto 'a in surito, yujto a qui Mam Dios b'ojnac xoni, mach eb' 'oj 'em wocn ta', xchi 'a eb'.

Mr 4:11

Yuj cha, 'ix yaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj chajtl tzex 'aj eyoch 'a yol sc'ab'.*f6* Palta ax eb' 'anma', cojxn jun tzo'n̈ 'ab'x ya snachji, a tzwal 'a eb',

Lc 8:10

Yuj cha, xyaln 'a eb' 'ixtic: A 'ayx wan sch'oxn Dios jun tzo'n̈ tas mant 'a mach 'ojtnac, sec tznachj 'el eyu'uj chajtl tzex 'aj eyoch 'a yol sc'ab'. Palta ax 'a jun tzo'n̈ xo eb' 'anma', cojn jun tzo'n̈ 'ab'x ya snachj tzwal 'a eb'. Yuj cha, wach'xam tzyil eb' junc tas, ton̈j tzcan eb' 'ixta', 'icha to may tas tzyil eb'. An̈jtona', wach'xam tzyab' eb', palta matz nachj xon 'el jac yuj eb'.

Jn 6:65

'Ix yaln pax junx tic 'ixtic: —Yujto 'ayx matz eya'ch e c'ojl 'ayin, yuj cha, xwaln 'ayex, may junc mach tztac' scomn jaw 'ayin, toto man̈oc in Mam tz'i'n cot 'ayin, xin chi, xchi Jesús 'a eb'.

Jn 7:17

Toto 'ay mach tzyal sc'ojl tzb'o 'icha tznib'j Dios, 'oj nachjoc 'el yu'uj, to yic Dios jun tzo'n̈ cuynb'il tic, man̈ munoc tzwal 'a yol wico'.

A Tas Sc'ulejnac Eb' Schecab' Jesús Hechos 16:14

Ata 'ay jun 'ix Lidia sb'i, 'aj chon̈b' Tiatira. A 'ix tzchon̈n jun tzo'n̈ q'ui'mucnac nip. Caw 'aych snab'en 'ix 'a Dios. Yic wan yab'xni 'ix, ax Cajlilec, a 'ix 'a'n nachjc 'el yuj 'ix, yuj cha, caw xya'ch 'ix snab'en 'a tas 'ix yal Pablo cha.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

Ro 16:25

A ticnec, calc wach' paxti 'a Dios, yujto a tztac' ya'n qui te'nalec 'a smasnil tiempo. 'Ixta tzyal jun wach' 'ab'x tzwalcn 'eli, atn yab'xil Jesucristo. Yictax mantzac sb'o Dios yolyib'n̈q'uinl tic, molb'il xon yab'xil Cristo yu'uj.

1 Co 13:2

Wach'xam caw 'ac'b'il copiso calnec 'el spaxti Dios, mto tznachj 'el tas cujec, smasnil tas mant 'a mach 'ojtnac, toxn̈ej cojquec cab' smasnil tas 'a yolyib'n̈q'uinl tic, wach'xam caw tzca'c 'och qui c'ojl 'a Dios si'mb'il, sec tztac' qui'nec 'el junc witz 'a yet'ul, palta toto may qui chamc'ojlalec, to 'ixta', caw may jac copisoec.

1 Co 15:51

Palta 'ay jun tas mant 'a mach 'ojtnac xoni. Tzin nib'j tzeyojquej 'el ticnec. An̈ creyente on̈ec tic, man̈ qui masnilc 'oj qui chami. Palta qui masnilec 'oj jelmjoc qui niwnalec tic.

1 Co 2:14

A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli.

1 Co 2:7

Palta a jun jelnal tzwal-l tic, atn sjelnal Dios. A jun jelnal tic, matz nachj xon 'el yuj eb' 'anma', yujto c'ub'b'il 'el 'a eb'. A Dios najnac can jun tic, yic mantzac sb'o yolyib'n̈q'uinl tic, sec wach' 'oj qui c'ochc 'a 'aj 'ay swach'il.

1 Co 4:1

Yuj cha, yel xo wach' man̈oc 'ayn̈ tzeya'ch e nab'en on̈. Yujto ton̈j ya'mal servil Cristo caj on̈. A copiso on̈, to tzcac' cuyxoc jun tzo'n̈ cuynb'il yic Dios on̈, atn jun tzo'n̈ ch'oxb'il yuj 'ayn̈ec.

1 Co 4:7

May junc on̈ tztac' qui b'an̈n qui b'a, yujto lajnn̈ej quel'chec qui masnil. Tzann̈j tas tztac' cujec, yujto a Dios tz'a'n 'ayn̈ec. Yuj cha, matz tac' qui b'an̈nec qui b'a yu'uj. Matz tac' calnec, to mun quiquec, yujto a Dios tz'a'n 'ayn̈ec.

Ef 1:18

Tzin c'an 'a 'a, sec 'oj swach' jacc e nab'en, sec 'oj wach' nachjc 'el eyu'uj, tas 'aych yipc qui c'ojlec, atn jun 'aj 'awtb'iln̈ec yuj Dios. Ax swach' nachj 'el eyu'uj, chajtlto man̈x jantcoc swach'l jun quic 'oj yac' 'ayn̈ec, yujto yic on̈c xo.

Ef 1:9

'Ay wal jun tas snajnac can Dios, to tzb'o 'a yolyib'n̈q'uinl tic 'icha tznib'ej. May xon mach 'ojtnac jun tic 'a pecti'. Palta ticnec, a tz'a'n cojcoquec 'el tas tznib'j tzb'o cha.

Ef 5:32

A jun tzo'n̈ paxti tic, caw niwn yel'chi. Yujto tzin na'a, to tzyal cuj an̈ec yiglesia 'on̈c Cristo, 'icha cajc yet' quitb'eymec, 'ixta tzon̈ 'ajc pax yet'oc.

Ef 6:19

Tzex leslwi pax wu'uj, sec 'oj yac' Dios nachjoc 'el wu'uj, tas 'oj wala', sec an̈ja te'n 'oj wutc waln 'el wach' 'ab'ix, atn jun ch'oxb'il yuj Dios 'ayn̈ec.

A Scarta San Pablo D'a Eb' Aj Colosas 2:2

Tzin nib'ej, caw tz'ajx ste'nal e nab'en yet' eb', junxn̈ej tzlaj eyutc e chamc'ojlan e b'a e masnil. Tzin nib'j tzex jelnb'i 'a yic Dios, sec 'oj e wach' te'nb'i. Toto 'ixta', 'oj wach' nachjc 'el eyu'uj, tas yaj jun man̈ 'ojcab'ilc 'a yic pecti', atn Cristo. Ax ticnec, a Dios tz'a'n cojcoquec 'eli.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

1 Ti 3:9

Yowlal caw tzya'ch eb' snab'en 'a jun tzo'n̈ cuynb'il 'ac'b'il yuj Dios, atn jun 'aj tzca'ch qui c'ojol. An̈jtona', yowlal tztan̈wj sb'a eb' yet' snab'en.

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.

1 Jn 2:20

Palta a Cristo 'a'jnac Yespíritu Dios 'ayx quet' on̈. Yuj cha, cojquec qui masnil jun cuynb'il caw yel.

1 Jn 2:27

A Jesucristo 'a'jnac Yespíritu 'ayn̈ junjn on̈ec. Yuj cha, man̈ yowlalc chuct junc 'anma tzon̈ cuynec, yujto a Yespíritu tzon̈ cuynec 'a smasnil tas. A jun tzo'n̈ cuynb'il tzyac' 'ayn̈ec, caw yel, may junc 'es 'aych 'a scal. Yuj cha, yowlal junn̈j tzon̈ 'ajc yet' Cristo, yujto 'ixta yaj yaln Yespíritu 'ayn̈ec.