Mt 12:44 - Chuj San Sebastian Bible

⁴⁴ 'Oj in paxx 'a jun wet'l 'aj 'elnc in ta, xchi. Ax yic tzc'ochxi, tzyiln pax tas yaj jun 'anma cha, lajn 'icha junc n̈a may yajal, palta caw mesb'il, caw wach' pax yilxi.

Chuj San Mateo Bible

⁴⁴ Yuj chi' snaani: Ol in pax d'a in pat b'aj cotnac in, xchi. Axo yic sc'ochxi, syilan jun anima chi', icha junoc pat mesesi yool, malaj yajal, vach' yilji.

Mt 12:44 Iomraidhean Croise

Os 7:6

'Aychn̈ej tu nab'enal 'a snab'en eb'. Lajn wal yowl eb' 'icha junc jorna caw tzn̈ilchj sc'aq'uil. Smasnil 'ac'wal 'aychn̈ej sc'a'l jun jorna cha, ax 'a yic tzq'uin̈lb'i 'a junx c'u, tz'utz'x pax chacb'oc, tzq'uex n̈ilnjoc sc'aq'uil.

Mt 12:29

Q'uinloc 'ay junc winc caw 'ay yip. May junc mach tztac' scomm 'och 'a yol yatut, tzyi'n 'el tastc 'ay 'a 'a. Cojn toto tzyac' ganar sjaln can win 'ajn̈a cha, to 'ixta', tztac' yi'n 'elt tastc 'ay 'a yol yatut winac. 'Icha win 'ajn̈a cha, 'ixta pax win diablo.

Mt 12:43

Q'uinloc 'ay junc demonio tz'elt 'a junc 'anma ticnec. Tzlajw cha, c'uxn tzb'eyc' 'a jun tzo'n̈ tacn̈ lu'um, tzsayn 'ec' 'aj wach' tz'ilji. Palta matz 'ilchj 'aj tz'aji, yuj cha, tznan pax 'ixtic:

Mt 12:45

Yuj cha, tz'at yi'nc cot ucwn̈ocx yit demonioal 'ec'b'al xo stul 'a yib'an̈. Tzwach' 'och cajn eb' 'a jun 'anma cha. Yuj cha, yel xo wal caw maysch'olnil tz'aj jun 'anma chi 'icha 'a b'ab'el. 'Icha jun 'anma cha, 'ixta 'oj 'aj swach' juw 'el e nab'en, xchi Jesús.

Lc 11:25

Ax yic tzc'ochxi, tzyiln pax win jun 'anma cha, lajn 'icha junc n̈a caw mesb'il, caw wach' yilxi.

Jn 12:6

Palta yes winac. Matz na win jac eb' meb'a cha, yujto a win molm tumn yaji. Yuj cha, a win tzcob' nib'nc molnc stojl cha, sec tzyij can 'el win jac yic 'a 'a, yujto toxn 'elc'm xon winac.

Jn 13:2

Ax win Judas, yunnal Simón 'aj Queriot, tox 'ix 'och win diablo 'a spixn winac, sec a win tz'a'n 'och Jesús 'a yol sc'ab' chamel. Palta yojc Jesús to a 'a Dios cotnac, ata 'oj paxx q'ue'i. Yojtac a qui Mam Dios 'a'jnac smasnil tas 'a yol sc'ab'. Ax yic wan swa yet' eb' scuywum, 'ix q'ue lin̈an. 'Ix yi'n 'el jun spotil, sb'a'n 'och jun toaya 'a snan̈al.

Jn 13:27

Xlajwn̈ej schan win jab' pan cha, 'ix wach' 'och win Satanás 'a winac. Ax Jesús, 'ix yaln 'ixtc 'a winac: —A tas tza nalb'ej a b'oni, tzaln̈ej tza b'on muc'uc, xchi 'a winac.

1 Co 11:19

Tecn yowlal 'oj e poj e b'a, sec 'oj checljoc 'eli, machx yel creyente ex.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.

1 Jn 4:4

Ex chamc'ojlb'il wu'uj, yic on̈c xo Dios ticnec. Tox 'ix can eb' 'a'm 'es chi 'a yaln̈ cujec. Yujto a jun 'aych 'ayn̈ec, 'ec'b'al xo spoder 'a yib'n̈ jun 'aych 'a eb' yic yolyib'n̈q'uinl tic.