Mt 12:4 - Chuj San Sebastian Bible

⁴ 'Ochnc 'a yatut Dios, swajnac jun tzo'n̈ pan yicn̈ej Dios yaji, yet' eb' ajun yet'oc. A jun tzo'n̈ pan cha, cojn eb' ya'mal 'och qui ti 'a Dios, an̈j eb' 'ay sleyl swani. Man̈ sleyloc scomn wan David yet' eb' ajun yet' cha, palta man̈ mulc jun chi sb'o eb' 'a sat Dios.

Chuj San Mateo Bible

⁴ Xid'naquec' vin̈ d'a scajnub' Dios. Svanac juntzan̈ ixim pan vin̈ yicn̈ej Dios yaji yed' eb' ajun yed'oc chi'. A juntzan̈ ixim pan chi', an̈ej eb' sacerdote ay yalan yic svaan ixim. Man̈ sleyaloc scomon vaan ixim vin̈ yed' eb' ajun yed'oc. Palta man̈ muloc jun sc'ulejnac vin̈ chi' yed' eb' d'a yichan̈ Dios.

Mt 12:4 Iomraidhean Croise

Ex 25:30

Tza'n b'o 'ejm 'ixm pan 'a sat te mexa chi 'a wojltac, yujto a 'ixm pan cha, wicn̈ej yaj 'ixim, xchi Dios.

Lv 8:31

'Ix yaln Moisés 'ixtc 'a Aarón yet' 'a eb' yunnal: Tz'an̈x cab' no chib'j tic 'a yamq'uil 'elt Mantiado 'a 'aj tzqui chaj qui b'a yet' Dios, axta tze chi no ta', yet' 'ixm pan 'ay 'ejm 'a yol te yune xu'uc, atn 'ixm 'ac'b'il yuj yic eyochcn 'a eyopiso; yujto yaljnac can Jehová 'ixtic: A Aarón yet' eb' yunnal, a eb' 'oj c'uxnc jun tzo'n̈ tic yet' no chib'j cha, xchi.

Mt 12:3

Palta 'ix yaln 'ixtc 'a ewinac: —¿Tom mant 'a 'aj xeyil 'a Ch'an̈ U'un̈, tas sb'ojnac David 'a jun 'el, yic yoch swejl yet' eb' ajun yet'oc?

Mt 12:5

¿Tom may 'aj xeyil 'a ley yic Moisés, chajtlto a eb' ya'mal 'och qui ti 'a Dios, eb' 'ay 'a yol yatut Dios, matz yiclj eb' sc'ul 'iljelal? Palta matz 'och smul eb'.

Mr 2:26

'Ochnc 'a yatut Dios, yic 'aych win Abiatar sat ya'malc 'och sti eb' 'anma 'a Dios. A yic cha, swajnac jun tzo'n̈ pan yic Dios yaji, xya'n pax 'a eb' ajun yet' cha. A jun tzo'n̈ pan cha, cojn eb' ya'mal 'och qui ti 'a Dios, an̈j eb' 'ay sleyl swani, palta a jun sb'ojnac David cha, man̈ mulc 'a sat Dios.

Lc 6:4

'Ochnc 'a yatut Dios, syamjnac jun tzo'n̈ pan yic Dios yaji. Swajnac, ya'n pax 'a eb' ajun yet' cha. A jun tzo'n̈ pan cha, cojn eb' ya'mal 'och qui ti 'a Dios, an̈j eb' 'ay sleyl swani. Palta man̈ mulc tas 'ix sb'o David chi 'a sat Dios.

A Ch'an̈ Carta D'a Eb' Hebreo 9:2

'Ixtc 'ajnc sb'o jun scajnub' cha. A jun b'ab'l cuarto, tzcuch Yic Dios. Ata 'ay jun yet'l cantil, 'ay pax jun mexa, yet' jun tzo'n̈ pan 'ac'b'il 'a Dios.

A Ch'an̈ B'ab'el Libro Samuel 21:4

—A 'ixm pan 'ayc' 'ayin, man̈ comn panoc 'ixim, palta to yic Jehová yaj 'ixim. 'Oj wac' 'ixm 'ayach, cojn toto may junc tas tot 'ix sb'o ewin a checb' chi yet' eb' 'ix 'ix, xchi Ahimelec cha.

A Ch'an̈ B'ab'el Libro Samuel 21:6

Xlajw cha, xya'n win 'ixm pan yic Jehová 'a David, yujto man̈x 'a 'ixm pan 'ayc' ta', cojn 'ixm x'ijx 'elt 'a yol scajnub' Dios, ax 'ixm c'a't pan x'ochx can sjelc 'ixim.