Mt 12:32 - Chuj San Sebastian Bible

³² Toto 'ay mach tzin b'uchn an 'Ochnc in 'Anmal tic, 'oj stac' yajx lajwc jun smul cha. Palta a mach tzb'uchwj 'a Yespíritu Dios, may b'a'n̈ 'oj lajwc jun smul cha. Wach'xam ticnec, wach'xam 'a jun tiempoal tot 'oj jawoc.

Chuj San Mateo Bible

³² A eb' tz'alan junoc chucal d'a in patic a in Ac'b'il in cot yuj Dios voch animail tic, syal yac'ji lajvoc smul eb'. Palta axo eb' sb'uchvaj d'a spatic Yespíritu Dios, a smul eb' chi', man̈xo ol ec'b'atlaj, vach'chom ticnaic, vach'chom d'a junxo tiempoal toto ol javoc.

Mt 12:32 Iomraidhean Croise

Job 36:13

A eb' tu snab'en cha, caw wal tzowxn̈ej eb', wach'xam tz'ajx 'och syailal eb' yuj Dios, palta matz yal sb'a eb' 'a 'a, yic tzc'ann eb' scolwal.

Mt 11:19

Xlajw cha, in jaw an 'Ochnc in 'Anmal tic. An xo tic, tzin wan̈ej, tzwu'jn̈ej tas. Palta tzyal eb' 'ixtc wu'uj: A Jesús cha, cojn wal snib'n wa sb'a, 'u'm 'an̈ paxi. Caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xchi eb' wu'uj. Palta a eb' 'ay sjelnal Dios 'a 'a, tzcheclj 'el sjelnal eb' chi yuj tastc tzb'o'o, xchi Jesús 'a eb'.

Mt 12:31

Yuj cha, tzwal 'ayex, tzann̈j smul eb' 'anma', tzann̈j b'uchwal paxti tzyal eb', 'oj stac' yajx lajwc yuj Dios. Palta a mach tzb'uchwj 'a Yespíritu Dios, a jun smul eb' cha, toxn ma'oj 'ajxc can lajwoc.

Mt 12:8

An tic, tztac' walni tas tzqui b'o 'a sc'ul 'iljelal, yujto 'Ochnc in 'Anma'il, xchi Jesús 'a ewin fariseo cha.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Mt 13:39

A jun 'ajc'ojl yajch 'a win 'aj lum cha, atn win diablo cha. A jun tiempoal yic 'oj polxc 'el 'ixm trigo cha, tzyal 'el'chi, atn yic 'oj lajwc 'ec' yolyib'n̈q'uinl tic. Ax eb' polm trigo cha, atn eb' ángel.

Mt 13:40

'Icha sto'x 'el jun tzo'n̈ 'ac trigo cha, tzn̈usx tz'a'oc, 'ixta 'oj 'aj eb' 'anma', yic 'oj lajwc 'ec' yolyib'n̈q'uinl tic.

Mt 13:55

A jun tic, 'in yunnal win josmte', ax snun, atn María. Cojquec pax eb' yu'tac, atn Jacobo, José, Simón, yet' Judas.

Mt 8:20

Ax Jesús, xyaln 'ixtc 'a winac: —A no wa'ax 'ay yet'l no 'a yol n̈aq'ue'en, no ch'ic, 'ay yet'l no 'aj tzwayi. Palta an xo tic, wach'xam 'Ochnc in 'Anma'il, may wet'l 'aj tzin wayi, xchi 'a winac.

Mr 10:30

caw niwn spac 'oj scha'. 'Oj 'ajxoc junc ciente yatut, yu'tac, yanab', snun, yunnal, yet' slum 'a jun tiempoal tic. 'Oj yab' ton eb' syal yuj eb' 'anma', palta ax 'a yic jun tiempoal 'oj jawoc, 'oj scha eb' sq'uinl 'a jun 'ejmn̈ej.

Mr 3:28

Wal yel tzwal 'ayex, tzann̈j smul eb' 'anma', yet' jantcn̈ej b'uchwal paxti tzyal eb' 'a spatc Dios, 'oj stac' yajx lajwc yuj Dios.

Mr 3:29

Palta tzann̈j mach tzb'uchwj 'a Yespíritu Dios, a jun smul cha, toxn ma'oj 'ajxc can lajwoc; tz'ochcn 'a yib'n̈ 'a jun 'ejmn̈ej, xchi Jesús.

Lc 12:10

Tzann̈j mach tzaln maysch'olnil 'a in patc an 'Ochnc in 'Anmal tic, 'oj stac' yajx can lajwc smul eb' cha. Palta a mach tzb'uchwj 'a Yespíritu Dios, a jun smul eb' cha, toxn ma'oj 'ajxc can lajwoc.

Lc 16:8

Ax win patron̈ chi 'ix alni to caw jeln win mayltoma chi 'a maysch'olnil. Yujto a eb' yic yolyib'n̈q'uinl tic, yel xo wal jeln tzlaj yutc sb'a eb' 'a yib'n̈ eb' 'ayx sacq'uinlal Dios 'a 'a.

Lc 18:30

toto 'ixta', yel xo wal niwn spac 'oj scha eb' 'a jun tiempoal tic. Ax 'a yic junx tiempoal 'oj jawoc, ata 'oj scha eb' sq'uinl 'a jun 'ejmn̈ej, xchi Jesús 'a eb'.

Lc 23:34

Ax yic wan st'un̈n q'ue eb' Jesús, 'ix yaln 'ixtic: —Mamin, 'ac' niwnc'ojlal 'a eb', yujto man̈ yojcoc eb' tas wan sb'oni, xchi 'a Dios. Ax ewin soldado cha, xya'n ewin b'ul, yic tzpojn 'ec' ewin spichl Jesús 'a 'a.

Lc 7:34

Xlajw cha, in jaw an 'Ochnc in 'Anmal tic, an xo tic, tzin 'ochn̈j wac 'a 'aj 'ay jun tzo'n̈ q'uin̈. Palta 'ayx tzeyal pax wu'uj: A Jesús cha, cojn wal snib'n wa sb'a, 'u'm 'an̈ paxi, caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xe chi wu'uj.

Jn 7:12

Ax 'a scal eb' 'anma', til wal eb' tzlaj aln yu'uj. 'Ay eb' tzaln 'ixtic: Caw wach' winac, xchi eb'. Palta 'ay pax eb' tzcob' alnoc: Ma'ay, to tzlaj yixtc paxti win eb' 'anma', xchi eb'.

Jn 7:39

'Ixta xyutj yalni, chajtlto a eb' tzya'ch sc'ojl 'a 'a, 'oj 'ajxc 'och Yespíritu Dios 'a eb'. A 'a jun tiempoal cha, mantzac 'ajx Yespíritu Dios 'a eb', yujto mantzac pax q'ue Jesús chi 'a satcha'an̈.

Jn 7:52

Yuj cha, xyaln pax ewin 'ixtc 'a 'a: —¿Tom 'aj Galilea ach yet' winac? Cuy Ch'an̈ Un̈ tz'ib'b'il cani. Atta 'oj ela', to may xon junc schecb' Dios tz'alj 'a Galilea cha, xchi ewin 'a 'a.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

Ef 1:21

Yuj cha, yel xo wal niwn yel'ch Cristo 'a yib'n̈ smasnil eb' yajal, yet' jun tzo'n̈ xo eb' 'aych yajlil, yet' eb' 'ay spoder man̈ checloc, yet' eb' 'ay yopiso ya'n mandar. Wach'xam 'a jun tiempoal tic, wach'xam 'a jun tiempoal tot 'oj jawoc, yel xo wal niwn yel'ch 'a yib'n̈ smasnil eb' tzlaj b'inaxi.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

1 Ti 1:15

'Ay jun tas 'oj wala', caw yel. Smoj tzqui chaj cab'i'. Wulnc 'ec' Cristo Jesús 'a yolyib'n̈q'uinl tic, yic wul scolnc 'el eb' 'ajmul. An tic, yel xo wal 'ec'b'al 'ajmul in 'a yib'n̈ smasnil 'anma'.

1 Ti 4:8

Toto tzqui pacb'tzej qui niwnal sec 'ay quip, wach' toni. Palta a wal junx tic, yel xo wach', to tzca'ch qui nab'en 'a Dios. Toto 'ixta tzcutj qui b'a, 'oj qui cha swach'l 'a yolyib'n̈q'uinl tic, yet' pax 'a satcha'an̈.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

2 Ti 4:10

Yujto a Demas, in yactj can in ch'ocoj. 'Ix 'at 'a Tesalónica, yujto cojn tas 'ay 'a yolyib'n̈q'uinl tic tznib'j 'ochi. Ax cu'tac Crescente, 'ix 'at 'a Galacia. Yet' cu'tac Tito, 'ix 'at pax 'a Dalmacia.

Tito 2:12

Yuj swach'c'ojlal tic, tznachj 'el cu'uj, to yowlal tzcactj can jantcn̈ej tas man̈ wach'c 'a sat Dios, yet' jantcn̈ej tas maysch'olnil tzqui nib'j 'och 'a yolyib'n̈q'uinl tic. Yowlal caw tzcac' cuenta qui b'a, caw wach' tzcutj qui b'eyb'al. Cojxn 'a Dios tzca'ch qui nab'en.

Santiago 1:27

Palta 'oj wal junx tic. Toto 'ay eb' 'unn chamnc smam snun, yet' eb' 'ix chamnc yichmil 'ay scusc'ojlal, yowlal tz'at quilc eb', tzon̈ colwjec 'a eb'. An̈jtona', yowlal tzquijec 'el qui b'a 'a tzann̈j maysch'olnil 'ay 'a yolyib'n̈q'uinl tic. Toto 'ixta tzcutjec qui b'a, ax qui Mam Dios, tzyila to caw yel 'aych qui c'ojl 'a 'a.