Mt 12:18 - Chuj San Sebastian Bible

¹⁸ A jun tic, in checab', sic'b'il 'el wu'uj. Caw xajn wu'uj. Caw tzin tzalj yet'oc. 'Oj wac' Wespíritu 'a 'a. 'Oj yal-l 'a scal eb' nacion̈, chajtlto 'oj sb'oyaj eb' 'a stojlal.

Chuj San Mateo Bible

¹⁸ A jun tic, in checab' yaji, sic'b'il yajcanel vuuj. Te xajan vuuj. Tzin q'ue val chaan̈ yed'oc. Ol vac' Vespíritu d'ay. Ol yalanel d'a scal eb' man̈ israeloc to ol ch'olb'itaj tas yaj eb' d'a stojolal.

Mt 12:18 Iomraidhean Croise

Salmos 89:19

Mamin Jehová, a 'a yic pecti cha, 'icha waychil 'ix otj paxtinc a b'a 'a eb' a checb' caw 'aych sc'ojl 'ayach. 'Ix aln 'a eb' 'ixtic: A 'a scal eb' in chon̈b' tic, ata xin sic' 'elt jun winc caw jeln ya'n owal, an 'ix wac' q'ue'choc 'a yopiso, an tzin colwj yet'oc.

Is 11:2

A jun cha, 'aychn̈ej Yespíritu Jehová yet'oc, 'oj yac' sjelnal, 'oj yac' wach' nab'enal 'a 'a, 'oj yac' tojlal, 'oj yac' yip, 'oj yac' spoder, 'oj ya'n yojcoc 'el tas tznib'j Jehová, ax syiclni.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 52:13

Yuj cha, xyaln Jehová 'ixtic: A jun in checb' tic, 'oj sta'n̈j yu'uj, yel xo wal niwn yel'ch 'oj 'ajoc, 'oj b'inaxc 'a scal 'anma', ax yijx chan̈ sb'i.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Is 62:2

'Oj yil smasnil nacion̈ jun e wach'l cha, 'oj yil smasnil eb' rey tas 'oj 'aj yijx chan̈ e b'i. Yujto a junx 'ac' b'i 'oj 'ajxoc 'och 'ayex. A Jehová, caw a 'oj 'a'nc jun b'i cha.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Zacarías 3:8

Tzcham wal ab'n ticnec ach Josué, ach tic, sat ya'mal 'och sti eb' 'anma aji. Cham wal ab'n yet' eb' 'aych yopiso et'oc, yujto ax tic, ch'oxnb'il eyaj yuj jun mach wan sjawi, atn jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol.

Mt 12:17

'Ixta xyutj yaln 'a eb', sec tz'el'ch tas tz'ib'b'il can yuj Isaías, win schecb' Dios pecti', yic yaln can 'ixtic:

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Mr 1:11

Xlajw cha, 'ix 'ab'x yalx 'emt jun paxti 'a satcha'an̈, 'ix yaln 'ixtic: Ach ton tic Wunnal ach, chamc'ojlb'ilch wu'uj, caw tzin tzalj et'oc, xchi.

Mr 9:7

Xlajw cha, x'eml jun 'asn 'a yib'n̈ eb', 'ix alx 'emt jun paxti 'a scal 'asn 'ixtic: Atn jun Wunnal tic, chamc'ojlb'il wu'uj, 'a'c 'och e chicn 'a tas tzyala, xchi.

Lc 23:35

A eb' 'anma', xlaj 'och q'ueln eb' 'a jun tzo'n̈ tas xlaj uj cha. Ax ewin yajal, 'ix syamn 'och ewin sb'uchwj 'a Jesús. 'Ix laj yalnc ewin 'ixtic: —'Ix cob' colchjoc ab' jun tzo'n̈ 'anma yu'uj. Ax ticnec, toto yel Cristo, toto sic'b'il 'el yuj Dios, scol cab' 'el sb'a quila', xchi ewinac.

Lc 3:22

'Ix 'eml Yespíritu Dios 'a yib'n̈ 'icha yilx no parama, caw checl 'ix 'emli. 'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Ach ton tic Wunnal ach, chamc'ojlb'ilch wu'uj, caw tzin tzalj et'oc, xchi.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Lc 9:35

Xlajw cha, 'ix alx 'emt jun paxti 'ixtc 'a scal 'asn cha: Atn jun Wunnal tic, sic'b'il 'el wu'uj, 'a'c 'och e chicn 'a tas tzyala, xchi.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 11:18

Ax eb' creyente 'a Jerusalén cha, yic xyab'n eb' jun tzo'n̈ tic, man̈x 'a tas xyal eb'. Cojxn wach' paxti xyal eb' 'a Dios, 'ix yaln eb' 'ixtic: —An̈jtona eb' man̈ israeloc, 'ay pax eb' 'ix yac' Dios sna sb'a, sec wach' 'oj scha pax eb' sq'uinl quet' 'a jun 'ejmn̈ej, xchi eb'.

A Tas Sc'ulejnac Eb' Schecab' Jesús Hechos 14:27

A yic xjapx eb' 'a chon̈b' Antioquía, 'ix 'awtx cot eb' creyente 'ayc' ta yuj eb'. 'Ix yaln eb' jantcn̈ej tas 'ix sb'o Dios yet' eb'. 'Ix yaln pax eb', chajtlto a Cajlil 'ix chan ya'ch eb' man̈ israeloc sc'ojl 'a 'a.

Ef 1:6

Yuj cha, tzcalc wach' paxti 'a 'a, yujto caw niwn yel'ch swach'c'ojlal. 'Ix ch'ox wal swach'c'ojlal tic 'ayn̈ec, yujto junxn̈ej cajc yet' Yunnal, atn jun caw chamc'ojlb'il yu'uj.

A Scarta San Pablo D'a Eb' Aj Colosas 1:1

An tic Pablo in. Schecb' in Jesucristo, yujto 'ixta x'el 'a sc'ojl Dios. An yet' cu'tac Timoteo,

A Scarta San Pablo D'a Eb' Aj Colosas 1:13

Yujto a on̈ colnec can 'elt 'a yol sc'ab' q'uic'q'uinal, on̈ yi'nec 'och 'a yol sc'ab' Yunnal, atn jun chamc'ojlb'il yu'uj.

A Sb'ab'el Carta San Pedro 2:4

Qui nitzc 'och qui b'a 'a stz'ey Cajlilec. 'Icha tz'aj yajx q'ue jun tzo'n̈ qu'en 'a yib'n̈ junc niwquil q'uen to yipnub' n̈a yaji, 'ixta cajc 'a 'a. A jun q'uen tic, tzyal 'el'chi atn Cristo. A eb' 'anma', spatquiljnac can 'el eb'. Palta a Dios, a si'jnac can 'eli. Caw niwn yel'ch 'a sat. A Cristo tic, pitzan, pitzn on̈c yet' jun xo. Yuj cha, an̈ec tic, tzon̈ ya'c 'och Dios yatutoc. A ticnec, 'ay calnec quic mun xoj tzca'c 'och qui ti 'a 'a, yujto an̈j 'ayn̈ec yico'. Yuj Jesucristo tztac' ca'nec jun tzo'n̈ xajmb'al 'a Dios 'a 'esal. Caw tzalj yet' jun tzo'n̈ cha.

A Schab'il Carta San Pedro 1:17

Caw quiljnac on̈, yic ya'n qui Mam Dios stzictznil 'a 'a. Cab'n pax yaln Dios on̈, to caw niwn yel'ch Cajlilec cha. Yaln 'emt Dios 'ixtc 'a scal jun sniwn tzictznial: Atn jun tic, Wunnal, chamc'ojlb'il wu'uj, caw tzin tzalj yet'oc, xchi 'emta.