Mt 12:10 - Chuj San Sebastian Bible

¹⁰ Ata 'ayc' jun winc sicb'nac 'el sc'ab', jun 'ejmn̈ej caw tacn̈ cotnac. Ax eb' fariseo cha, tznib'j eb' 'ay junc smul Jesús tz'ilchj yu'uj, sec tzyac' queja eb'. Yuj cha, stz'acn eb' sc'anb'c 'ixtc 'a 'a: —¿'Aym sleyl tzcac' b'oxc junc ya'ay 'a sc'ul 'iljelal, mto ma'ay? xchi eb' 'a 'a.

Chuj San Mateo Bible

¹⁰ Ata' ay jun vin̈ sicb'inaquel sc'ab', juneln̈ej taquin̈ roquinac. Axo eb' vin̈ chi', sgana eb' vin̈ ay junoc smul Jesús tz'ilchaji, yic syac'och eb' vin̈ d'a yib'an̈. Yuj chi', ix stz'acan sc'anb'ej eb' vin̈ d'ay: —¿Ay am sleyal scac' b'oxoc junoc penaay d'a sc'ual ic'oj ip, mato maay? xchi eb' vin̈.

Mt 12:10 Iomraidhean Croise

Is 32:6

Yujto a mach amancotn cha, cojn nab'en may yel'ch tzyala; ax 'a snab'en, cojn maysch'olnil tznib'j sb'o'; tznib'j tzma'wji, tzyaln pax tu paxti'al 'a spatc Jehová, matz siyj jac tas 'a eb' tz'och swejel, yet' 'a eb' tztacj sti'.

Is 59:13

Mamin Jehová, caw wal tenmtac xcutj qui b'a 'aych on̈. 'Ix cac' 'es on̈, ma'ix yal qui c'ojl on̈ 'och tza'n oj ach qui Diosal. Cojn maysch'olnil 'ayc' 'a qui nab'en on̈, xlaj cac' 'es 'a eb' quit 'anmal on̈, xlaj quixtn paxti eb' on̈.

Is 59:4

May xon junc mach tojl tas tzb'o'o, may mach tzb'oyaj sb'a 'a wach'. A tas 'aj 'aych e nab'en, atn 'a 'es yet' jun tzo'n̈ paxti man̈ yeloc. A maysch'olnil, a chi 'ayc' 'a e nab'en e b'oni, ax tz'aji, tzeya'n 'el'choc 'icha tas tze na cha.

Zacarías 11:17

Caw 'oltac wal jun yilmal in chon̈b' to may snab'en cha, yujto xyactjcan yiln schon̈ab'. Tecx cab' 'och q'uen espada 'a sc'ab' yet' 'a yol sat 'a swach'. Sicb' cab' can 'el sc'ab' cha, 'och cab' 'a sat 'a jun 'ejmn̈ej, xchi Dios.

Mt 12:2

Palta 'ix yiln jun tzo'n̈ ewin fariseo tas tzb'o eb'. Yuj cha, xyaln ewin 'ixtc 'a Jesús: —'Ilt eb' a cuywum tic. Wan smunlj eb' 'a sc'ul 'iljelal, palta 'in may sleyl tzb'o eb' 'ixta', xchi ewin 'a 'a.

Mt 19:3

'Ay jun tzo'n̈ ewin fariseo xjaw 'a 'a. Tznib'j ewin yac' prowal, yuj cha, 'ix sc'anb'n ewin 'ixtc 'a 'a: —¿'Aym sleyl tzpoj sb'a junc winc yet' yistl yuj tzann̈j junc tas? xchi ewin 'a 'a.

Mr 3:2

'Ay eb' xtan̈wni yila', toto tzb'ox sc'ab' win yuj Jesús 'a sc'ul 'iljelal, yujto tznib'j eb' ya'ch 'a yib'n̈ Jesús.

Lc 11:54

Stan̈wj eb' yab'i', toq'ue 'ay tas 'oj yac' palta yalni, sec tzyac' queja eb' snani.

Lc 13:14

Ax win yajl yaj 'a jun n̈a cha, xcot yowl winac, yujto a 'a sc'ul 'iljelal xb'ox sc'ojl 'ix yuj Jesús. Yuj cha, xyaln win 'ixtc 'a eb' 'anma chi 'ayc' ta': —Waquen̈ej c'u smoj tzon̈ munljec 'a yol seman. A 'a waque c'u cha, tzann̈j c'ul 'aj tzex jaw wul eyac' b'oxc e c'ojol, palta man̈ smojc tz'ajx b'oxc e c'ojl 'a sc'ul 'iljelal tic, xchi win 'a eb'.

Lc 20:22

Yuj cha, tzqui c'anb'j 'aych on̈, a jun tzo'n̈ tumn tzc'anx 'el 'ayn̈ yuj win yajl 'a Roma, ¿'aym sleyl tzcac'a, mto ma'ay? xchi eb' 'a 'a.

Lc 23:14

'Ix yaln 'elt win 'a scal eb' 'ixtic: —A win xwul eyac' 'ayn tic, xeyalni to tzsomchj 'el eb' 'anma yu'uj. Palta 'in e sat xin c'anb'n wab' 'a 'a, may jac smul tzcheclj 'icha xeyutj eya'n 'och 'a yib'an̈.

Lc 23:2

Ata syamch eb' ya'n 'och jun tzo'n̈ tas 'a yib'an̈. 'Ix yaln eb' 'ixtic: —'Ix quil on̈, to wan ya'n somchjoc 'el win eb' quit chon̈b' on̈. Tzyal winac, to matz tac' ca'n qui tumn tzc'anx 'el yuj win yajl 'a Roma. Tzyaln 'och sb'a win Cristoal, tzyal 'el'chi, rey, xchi eb' 'a winac.

Jn 5:10

Yuj cha, 'ay jaywn̈ ewin 'aj Judea xaln 'ixtc 'a win xb'ox cha: —A ticnec, caw sc'ul 'iljelal. Caw may sleyl tza cuchb't a waynub' tic, xchi ewin 'a winac.

Jn 5:3

Til wal eb' palta yaj 'ayc' 'a yojol. 'Ay eb' matz uj yilni. 'Ay eb' coxo. 'Ay pax eb' sicb'nac 'eli. [To tztan̈wj eb' yib'x jun a cha.

Jn 7:23

Ax tic, 'in tzeyac' circuncidar eb' 'unn 'a sc'ul 'iljelal, sec matz ex 'ec' 'a yib'n̈ jun ley yic Moisés cha. Toto 'ixta', ¿tas yuj tzex owx 'ayin, yujto xwac' b'oxc sc'ojl jun win ya'ay 'a sc'ul 'iljelal cha?

Jn 8:6

Palta ton̈j xcob' stz'ac ewin sc'anb'c 'ixta', yic tzya'lni prowal ewinac, yujto tznib'j ewin tzyac' queja. Ax Jesús ton̈j 'ix 'em n̈ojan. 'Ix stz'ib'n can 'ejm jun tzo'n̈ tas 'a sat lum yet' yune sc'ab'.

Jn 9:16

Yuj cha, 'ay jaywn̈ ewin xcob' alnc 'a win 'ixtic: —A jun winc chi xjacn yol a sat cha, man̈ yico'oc Dios, yujto matz yiclj sc'ul 'iljelal, xchi eb' 'a winac. Palta xlaj yalnc jun tzo'n̈ xo eb': —A Jesús cha, man̈ 'ajmuloc. A junc 'ajmul, ¿tom tztac' sch'oxn junc milagro 'icha tzch'ox Jesús tic? xchi ewinac. —Yuj cha, chapoj xyutj sb'a eb'.