Mt 11:23 - Chuj San Sebastian Bible

²³ An̈jtona', 'ixta 'ex 'aj Capernaum. Tzcob' e na', to smoj 'oj e c'och 'a satcha'an̈. Palta ton̈j 'oj eyemcn 'a scal eb' chamnac. Octom a 'a Sodoma b'ob'il jun tzo'n̈ milagro 'icha xb'o 'a e cal. To 'ixta', snajnac sb'a eb', ax jun schon̈b' eb' cha, an̈ja 'ayc' ticnec.

Chuj San Mateo Bible

²³ An̈ejtona', icha ex chi' ex aj Capernaum. Nivanoc tze na' to smoj ol ex q'uec'och d'a satchaan̈. Palta ton̈ej ol ex emcan d'a scal eb' chamnac. Octom a d'a Sodoma b'ob'il juntzan̈ milagro icha ix b'oji d'a e cal. Tato icha chi', snanac am sb'a eb', axo schon̈ab' eb' chi', ay am ec' ticnaic.

Mt 11:23 Iomraidhean Croise

Gn 13:13

A 'a jun chon̈b' cha, caw maysch'olnil sb'eyb'al eb' 'anma', til wal maysch'olnil tzb'o eb' 'a sat Jehová.

Lm 2:1

Caw wal niwn yowl sc'ojl Cajlilec 'a yib'n̈ Sión, caw wal wach' yilx cob' jun chon̈b' cha, palta caw 'ix q'uic'b' 'eli. A swach'l yilx chon̈b' Israel, may junc xo lajn swach'l yilx yet'oc, ax Cajlilec 'ix 'a'n lajwc swach'l yilx cha. Man̈x 'ic sna cot yuj yowl sc'ojl cha, toto 'icha sb'achnub' yoc yaji.

Ez 26:20

'Oj in julcn 'ejm 'aj 'ayc' eb' 'anma chamnc 'a pecti'. 'Oj in julcn 'ejm 'a xab'l yich lum lu'um, 'icha 'ajnc jun tzo'n̈ xo chon̈b' satnc 'el 'a jun 'ejmn̈ej. Man̈x 'a b'a'n̈ 'oj 'ochx chon̈b'al, man̈x 'a xon eb' 'anma 'oj cajnoc.

Ez 31:14

Man̈x 'a junc te te 'oj q'uib' 'icha jun tic, smasnil eb' te tzq'uib' 'a sti eb' a a cha, wach'xam 'aych yalil eb' te', palta man̈x 'a junc te 'oj 'ec' stel 'a eb' te yit tel cha. Smasnil eb' yajl 'a yolyib'n̈q'uinl to lajn snab'en 'icha jun te tic, 'ayx 'och chaml 'a yib'n̈ eb'. 'Oj cham eb' 'icha tz'aj scham eb' comn 'anma', ax s'atcn eb' 'a campusan.

Ez 32:18

Ach 'anma', b'itnej jun b'it yic chaml tic, yujto til wal eb' soldado 'aj Egipto 'oj chamoc, yet' eb' soldado yic jun tzo'n̈ nacion̈ 'oj c'och eb' 'a scal eb' yit chamnquil cha: A eb' caw jelan, 'oj telwc 'ejm eb', ax sc'och eb' 'a campusan yet' eb' 'ayx 'ec' chi ta'.

Ez 32:24

Ata mucb'il win sreyl chon̈b' Elam, oyn 'och smasnil eb' soldado 'a stz'ey, atn eb' chamnc yuj owal. Teln 'ec' sniwnal win 'a scal eb' 'anma chamnc yuj owl cha, atn eb' man̈ wico'oc, eb' 'a'jnac 'ejm xiwc'ojlal 'a scal eb' 'anma 'a yolyib'n̈q'uinl tic, palta man̈x 'a yel'ch x'aj sc'och eb' 'a scal eb' chamnc cha.

Abdías 1:4

An Jehová in, an tzwala: Wach'xam tzex 'at jen̈noc 'a chan̈ 'icha no salt'iw tzb'o so 'a caw cha'an̈, mto at 'a scal jun tzo'n̈ c'anal tz'at e b'o eyet'ul, palta 'oj ex wic' 'emt ta'.

Mt 10:15

Wal yel tzwal 'ayex, a yic 'oj jawc jun c'u yic sb'eyc'ojlal Dios, yel xo wal niwn syailal eb' 'oj 'ajxc 'a yib'n̈ eb' 'aj Sodoma yet' eb' 'aj Gomorra.

Mt 16:18

An tzwal 'ayach, ach ton Pedro ach. (A Pedro tzyal 'el'chi, q'ue'en.) A 'a yib'n̈ jun niwquil q'uen tic 'oj in b'o wiglesia. A jun wiglesia tic, toxn ma'oj lajwc yuj chamel.

Mt 17:24

A yic xc'och eb' 'a Capernaum, a eb' tecm 'el tumn yuj yatut Dios x'at yalnc eb' 'ixtc 'a Pedro: —A jun e cuymal cha, ¿matz yac' am jun tumn tztecx 'el yuj yatut Dios? xchi eb' 'a 'a.

Mt 4:13

Man̈oc 'a Nazaret 'ix c'ochi, palta a 'a Capernaum, ata xc'och cajan. A jun chon̈b' cha, a 'a sti a mar 'ay, 'a yol smacb'en eb' yin̈tl Zabulón yet' Neftalí.

Mt 8:5

Ax yic 'ix c'och Jesús 'a chon̈b' Capernaum, 'ix c'och jun capitan̈. 'Ix xtew 'och win 'a 'a,

Lc 10:15

An̈jtona', 'ixta 'ex 'aj Capernaum, tzcob' e na', to smoj 'oj e q'ue'ch 'a satcha'an̈, palta ton̈j 'oj eyemcn 'a scal eb' chamnac, xchi Jesús.

Lc 14:11

Tzann̈j mach tzyij chan̈ sb'a, 'oj 'ijxoc 'ejmi, man̈x 'a jac yel'ch 'oj 'ajoc. Palta ax mach tzyij 'ejm sb'a, 'oj 'ijxoc cha'an̈, caw niwn yel'ch 'oj 'ajoc, xchi Jesús.

Lc 16:23

Palta ax spixan, ata xc'och a 'aj 'ay spixn eb' chamnac. Ax yic wan yab'n win syal 'a 'aj 'ayc' cha, xq'ue q'uelan. 'Ix yiln q'ue 'a caw najat, 'ayc' Lázaro yet' Abraham ta'.

Lc 4:23

Yuj cha, xyaln 'ixtc 'a eb': —Tecn 'oj eyal 'ixtc 'ayin: Ach 'a'm remel, mun tzac' b'oxc a b'a quilnoc, til wal ab' tas xa b'o 'a Capernaum, b'o pax 'a qui chon̈b'ec tic quilnoc, 'oj e chic 'ayin.

A Tas Sc'ulejnac Eb' Schecab' Jesús Hechos 2:27

Yujto ma'oj actc can in pixn 'a scal eb' chamnac. Ma'oj a cha c'a in niwnal an sic'b'iln 'el oj tic.

A Tas Sc'ulejnac Eb' Schecab' Jesús Hechos 2:31

'Aycto, yojcan 'el win David cha, tas 'oj 'aj Cristo. Yuj cha, yaljnac cani, chajtlto 'oj pitzwc pax Cristo cha. Yaljnac can paxi, chajtlto a Dios ma'oj yactc can spixn 'a scal eb' chamnac. Ax sniwnal ma'oj c'a'oc.

San Judas 1:7

An̈jtona', tze nan cot tas 'ajnc eb' 'aj Sodoma yet' eb' 'aj Gomorra, yet' eb' 'a jun tzo'n̈ xo chon̈b' 'a sla'nil. 'Icha yutjnac sb'a eb' ángel cha, 'ixta yutjnac pax sb'a eb'. Caw ya'jnac 'at sb'a eb' 'a scal 'ajmulal. An̈jtona sb'ojnac eb' jun tzo'n̈ xo 'ajmulal yet' yit wincal. A eb' cha, ch'oxnb'il yaj eb' 'a smasnil 'anma ticnec, yujto wan yab'n eb' syal 'a scal c'ac' 'a jun 'ejmn̈ej.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.

Apoc 11:8

Ax sniwnal eb' schawn̈il, ton̈j 'oj can t'ocn 'a yol scayeal jun niwquil chon̈ab', atn 'ajtil 'ac'b'il q'ue Cajlilc 'a spenc te culus. A jun chon̈b' cha, tzcuch Sodoma, tzcuchn pax Egipto, a sch'oxni tas yaji.

Apoc 20:13

Ax a mar, c'uxn xyac' pitzwc eb' chamnc 'ay 'a 'a. 'Ixta pax jun chamel, yet' jun yet'l spixn eb' chamnac, c'uxn xyac' pitzwc pax jantcn̈ej eb' 'ay 'a 'a. Yuj cha, 'ix b'eyc'ojlax eb' smasnil. A tzyala, tastc sb'ojnac junjn eb'.

Apoc 6:8

Ax xwilni, 'ayc' junx chej caw c'an. A jun 'ay q'ue 'a yib'an̈, atn Chamel. Ax jun lugar 'aj 'ay spixn eb' chamnac, 'icha to a tza'n 'och yu'uj. A jun cha, 'ix 'ajx spoder 'a yib'n̈ eb' 'anma 'a yolyib'n̈q'uinal. Chan̈c'aj 'oj 'el eb'. Palta 'ay junc'aj eb' 'oj milxc chamoc. 'Oj cham eb' yuj owal, mto yuj wejel, mto yuj yab'il, mto yuj jun tzo'n̈ no chiwjum noc' 'ay smay.