Mt 11:21 - Chuj San Sebastian Bible

²¹ —A wal ex 'aj Corazín, caw 'oltac ex. Yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix snajnac sb'a eb'. Tox 'ix ya'ch eb' jun tzo'n̈ pichl n̈achtac. Tox am 'ix yac' q'ue eb' stan̈l c'ac' 'a sjolom, sec tzcheclji, to caw tzcus eb' yuj smul.

Chuj San Mateo Bible

²¹ —A ex val tic ex aj Corazín, te chuc eyico'. Yed' ex aj Betsaida, te chuc pax eyico'. Octom d'a Tiro yed' d'a Sidón ix b'oji juntzan̈ milagro icha ix b'oji d'a e cal tic. Tato icha chi', pecataxom snanac sb'a eb'. Toxom ix yac'och juntzan̈ pichul eb' ya sva'i. Toxom ix yac'q'ue q'uen tic'aq'uil taan̈ eb' d'a sjolom, yic scheclajeli to ste cus eb' yuj smul.

Mt 11:21 Iomraidhean Croise

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Jeremías 13:27

'Ix wila, jantc wal eyajmulal, atn wal jun tzo'n̈ 'ajmulal caw q'uixweltac xlaj e b'o'. Caw yajb'entac tas xlaj e b'o 'a lum tzalctac, yet' 'a calc te'. 'Oltacx wal ex 'aj Jerusalén. ¿Jantcto wal tiempo 'ayx 'ec' 'a scal e maysch'olnilal? xchi Dios.

Jl 3:4

¿Tas tze nib'j 'ayn ex 'aj Tiro, ex 'aj Sidón, yet' ex 'aj Filistea? ¿Tom tze nib'j tze pac e b'a 'ayin? Toto tze nib'j tze pac e b'a, wal 'a yajn̈ej ax wa'n spac 'ayx 'icha wal smoj e chani.

Am 1:9

Xyaln pax Jehová 'ixtic: A wal eb' 'aj chon̈b' Tiro, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. 'Ix schon̈ch eb' jun chon̈b'al eb' 'anma mosoal 'a chon̈b' Edom, man̈x 'ic sna cot eb' jun strato yet' eb', chajtlto swach'c'ojl sb'a eb'.

Mt 11:22

Yuj cha, tzwal 'ayex, at 'a yic 'oj jawc jun c'u yic sb'eyc'ojlal Dios, yel xo wal niwn yailal 'oj 'ajxc 'ayx 'a yib'n̈ eb' 'aj Tiro yet' eb' 'aj Sidón.

Mt 15:21

Xlajw cha, x'atx Jesús. 'Ix c'och 'a Tiro yet' 'a Sidón.

Mt 18:7

'Oltac wal eb' 'anma yuj jun tzo'n̈ tas tz'a'n juwc 'el snab'en. Smasnil tiempo 'ay jun tzo'n̈ cha, palta a wal eb' tzc'anlb'ani, tzya'n eb' juwc 'el snab'en yit 'anma'il, caw wal 'oltac eb'.

Mt 26:24

An tic 'Ochnc in 'Anma'il, palta yowlal 'oj in 'at 'a chamel, 'icha yaj stz'ib'x can 'a Ch'an̈ U'un̈; palta caw 'oltac jun 'oj wa'n 'och 'a yol sc'ab' chaml cha. Octom ma'ix 'alj winac, to 'ixta', yel xo wach' yic winac, xchi 'a eb'.

Mr 3:8

'a Judea, 'a Jerusalén, 'a Idumea, yet' 'a sc'axpil a Jordán. 'Ay pax eb' xcot 'a yol yic Tiro yet' Sidón. 'Ix yab'n eb' to man̈x jantcoc milagro 'ix sb'o Jesús, yuj cha, til wal eb' xc'och 'a 'a.

Mr 6:45

Xlajw cha, xyaln Jesús 'a eb' scuywum to tz'ochx eb' 'a yojl te barco, sec tzb'ab'l c'axw can pax 'ec' eb' 'a junx sc'axpil 'ec' a a cha, 'ix c'och eb' 'a chon̈b' Betsaida. Ax Jesús 'ix cani, yic tzyaln can sb'a eb' 'anma cha.

Mr 7:24

Xlajw cha, x'at Jesús 'a jun lugar cha, 'ix c'och 'a yol yic Tiro yet' Sidón, ata x'och wan 'a yol jun n̈a. 'Ix snib'ej to may mach tz'ojcan 'eli toto 'ayc' ta', palta ma'ix stac' sc'ub'n 'el sb'a.

Mr 7:31

Yic 'ix 'atx Jesús 'a yol yic Tiro 'aj 'ayc' cha, 'ix 'ec' 'a chon̈b' Sidón, yet' 'a jun tzo'n̈ chon̈b' 'ay 'a Decápolis. Xlajw cha, xjapx 'a sti a mar yic Galilea.

Mr 8:22

Xlajw cha, xjapx eb' 'a chon̈b' Betsaida. Ax eb' 'anma 'ix quetzn cot jun winc matz uj yiln 'a Jesús, 'ix tew 'och eb' 'a 'a, sec tzaych sc'ab' 'a winac.

Lc 4:26

palta man̈oc 'a eb' 'ix 'aj schecjnac 'at Dios Elías chi colwjoc. An̈j 'a jun 'ix man̈ israeloc 'aj Sarepta 'a sla'nil Sidón, an̈jta c'ochnc colwjoc.

Lc 6:17

Xlajw cha, 'ix 'em paxt Jesús 'a jun tzaln chi yet' eb' scuywum cha. 'Ix 'och wan eb' 'a jun pan̈n 'a'lic. Til wal 'anma xjaw 'a eb' ta'. 'Ix laj cot eb' 'a smasnil yol yic Judea, yet' 'a chon̈b' Jerusalén. 'Ay pax eb' xlaj cot 'a sti a mar, atn 'a Tiro yet' 'a Sidón. Xwulc' eb' 'ab'xnoc 'a Jesús, yic tzb'ox can sc'ojl eb' yu'uj.

Lc 9:10

Ax yic xlaj japx eb' schecb' Jesús, xlaj yalnc eb' 'a 'a, tastc x'ec' laj sb'o junjn eb'. Xlajw cha, 'ix yi'n 'at eb' yet'oc. 'Ix c'och eb' yet' sch'ocj 'a jun lugar 'a sla'nil chon̈b' Betsaida.

Jn 1:44

A Felipe cha, 'aj chon̈b' Betsaida. 'Ixta pax Andrés yet' Pedro, junn̈j schon̈b' eb'.

Jn 12:21

A eb' cha, 'ix c'och eb' 'a Felipe 'aj Betsaida 'a yol yic Galilea. 'Ix yaln eb' 'a 'ixtic: —Ach winac, tzqui nib'j tzquil Jesús on̈, xchi eb'.

A Tas Sc'ulejnac Eb' Schecab' Jesús Hechos 12:20

A 'a jun 'el, caw xcot yowl win rey Herodes 'a eb' 'anma 'aj Tiro yet' 'a eb' 'aj Sidón. Yuj cha, slajtin sb'a eb', tas tzyutj eb' 'at yalnc sb'a 'a winac. 'Ix ya'n eb' sc'ojloc jun winc Blasto sb'i, atn win sat ya'mal servil win rey Herodes cha. Yuj cha, a win xit' c'annc niwnc'ojlal 'a win rey cha. 'Ixta xyutj sb'a eb', yujto a 'a schon̈b' win rey chi tz'ajx 'at jantcn̈ej tas tzc'ux eb'.

A Tas Sc'ulejnac Eb' Schecab' Jesús Hechos 27:3

Ax 'a junx c'u, on̈ c'och 'a chon̈b' Sidón. Ax win Julio cha, caw wach' xyutj snab'en 'a Pablo, yujto xyac' win spermiso 'at sc'umc eb' swach'c'ojol yic tz'ajx servil jac yuj eb'.

San Judas 1:11

Caw 'oltac wal eb', yujto lajnn̈ej tzyutj eb' sb'eyb'al 'icha win Caín. Yujn̈ej tumin, tzchon̈n 'at sb'a eb', 'icha yutjnac sb'a win Balaam. 'Icha win Coré, milxnac chamoc, yujto cob' ya'jnac owl yet' Dios, 'ixta 'oj 'aj eb' smilx cham jun xo.

Apoc 11:3

'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.

Apoc 6:12

A jun tzcuch Calnelu cha, 'ix wiln sn̈i'chtan pax jun swacl seyo. 'Ix 'ec' jun quixcab' caw ow. A c'u, caw q'uic' x'aj 'icha lopil. Ax 'uj, caw chac x'aj 'icha chic'.