Mt 11:2 - Chuj San Sebastian Bible

² A 'a jun tiempoal cha, 'aych Juan Bautista 'a preso. 'Ix yab'ni, tastc wan sb'on Cristo, yuj cha, schecn 'at chawn̈ eb' scuywum 'a 'a.

Chuj San Mateo Bible

² A d'a jun tiempoal chi', ayoch vin̈aj Juan d'a preso, vin̈ tz'ac'an bautizar. Ix yab'an vin̈ tastac van sc'ulan Cristo, yuj chi' ix schecb'at chavan̈ eb' vin̈ sc'ayb'um vin̈ d'a Jesús chi'.

Mt 11:2 Iomraidhean Croise

Mt 1:17

Yuj cha, chequel to 'ay chan̈lajn̈ c'aj smam yichm Jesucristo 'aycn 'a snan̈l Abraham yet' David. 'Ay chan̈lajn̈ c'aj pax eb' 'a David, masnto yic yijx 'at eb' israel 'icha presoal 'a Babilonia. 'Ay chan̈lajn̈ c'aj pax eb' yictax yijx 'at eb' 'a Babilonia cha, masnto yic yalj Cristo.

Mt 14:3

'Ixta xyutj win yalni, yujto chamnc xo Juan chi yu'uj. 'Ixtc 'ajnc scham yu'uj. 'Ay jun yu'tac Herodes cha, Felipe sb'i. Herodías sb'i 'ix yistl Felipe cha. Ax win Herodes chi xmontn 'el 'ix yistl Felipe cha. Ax Juan x'at alnc 'ixtc 'a win Herodes cha: —Caw may sleyl tza montj 'el jun 'ix tic, xchi 'a winac. Yuj cha, xya'n 'ix Herodías chi sc'ojloc win Herodes cha. 'Ix ya'n win yamchjoc Juan cha, 'ix 'och 'a preso, x'och q'uen cadena 'a 'a.

Mt 4:12

A yic xyab'n Jesús to preso yaj Juan, 'ix 'atxi. Axta xc'och 'a yol yic Galilea.

Mt 9:14

A 'a jun 'el, 'ix c'och eb' scuywum Juan Bautista 'a Jesús, 'ix sc'anb'n eb' 'ixtc 'a 'a: —¿Tas yuj matz 'och eb' a cuywum 'a c'ajb'c'ojlal? Aln̈ tic on̈, caw tzca'ch qui b'a 'a c'ajb'c'ojlal on̈. An̈jtona', 'ixta pax tzyutj sb'a eb' fariseo, xchi eb' 'a 'a.

Mr 6:17

'Ixtc 'ix 'aj scham Juan chi yuj winac. 'Ay jun yu'tac win Herodes cha, Felipe sb'i. Herodías sb'i 'ix yistzil Felipe cha, ax win Herodes chi xmontn 'el 'ix yistzil Felipe cha. Ax Juan, a x'at alnoc 'a win Herodes chi 'ixtic: Caw may sleyl tza montj 'el yistzil o'tac, xchi 'a winac. Yuj cha, caw xcot yowl 'ix Herodías cha, 'ix ya'n 'ix sc'ojloc win Herodes cha. Yuj cha, 'ix ya'n win yamchjoc Juan chi b'i'an, 'ix 'och 'a preso, 'ix 'och q'uen cadena 'a 'a. Ax 'ix Herodías cha, caw xchichn 'och 'ix 'a Juan. Caw tznib'j 'ix tzyac' milxoc, palta ma'ix stac' yuj 'ix muc'uc,

Lc 3:19

An̈jtona', 'ix ya'lj Juan chi stenn 'och wan win Herodes, win yajal. yujto 'ix smontj 'el win 'ix yistzil yu'tac cha, atn win Felipe. Herodías sb'i 'ix. 'Ayt pax jun tzo'n̈ xo maysch'olnil 'ix sb'o winac. Ax Juan 'ix cob' tennc 'och wan winac,

Lc 9:7

Ax win Herodes, win yajl 'a Galilea, c'uxn xyab' win speclal tastc 'ix sb'o Jesús. Ton̈j 'ix sat sc'ojl winac, yujto 'ay eb' tzalni to a Juan xpitzw pax 'a scal eb' chamnac.

Jn 4:1

'Ix yab'n eb' fariseo yab'xil to 'ec'b'al sb'isl eb' scuywum Jesús 'a yib'n̈ eb' yic Juan. 'Ec'b'al pax eb' x'ajx bautisar yu'uj.