Mt 10:7 - Chuj San Sebastian Bible

⁷ Tz'at eyal-li, to jab'xoj wal 'oj wach' 'och jun 'aj satchan̈ Yajlil.

Chuj San Mateo Bible

⁷ B'at eyaleli to toxo ol vach' och Dios aj satchaan̈ Yajalil.

Mt 10:7 Iomraidhean Croise

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Mt 10:8

A eb' ya'ay yuj lepra, tz'ec' eyac' b'oxc eb'. Yet' pax jun tzo'n̈ xo eb' ya'ay, tzeyac' b'oxc sc'ojl pax eb'. Tzeya'n pax pitzwc eb' chamnac. An̈jtona', tz'ec' laj eyi'nc pax 'el ewin demonio 'a eb' 'anma'. Xe chaj jun e poder tic 'a nab'an̈ej, yuj cha, 'oj e colwj pax yet' 'a nab'an̈ej jun xo.

Mt 11:1

Ax yic xlajw yaln Jesús jun tzo'n̈ cuynb'il tic 'a eb' scuywum slajchwan̈il, 'ix 'atxi. 'Ix 'ec' yalcn 'el yab'x eb' 'anma 'a jun tzo'n̈ chon̈b' 'a jun lugar cha, 'ix cuywj pax 'a eb'.

Mt 21:31

A ticnec, tzin c'anb'j 'ayex, ¿mach junc eb' 'unnab'il chi tzyiclni 'icha tznib'j smam cha? xchi Jesús 'a ewinac. —Atn win b'ab'l 'unn chi tzyiclni 'icha tznib'j smam cha, xchi ewinac. Yuj cha, xyaln pax Jesús 'ixtc 'a ewinac: —Wal yel tzwal 'ayex, toto 'ayx 'oj eyoch 'a yol sc'ab' Dios, a wal eb' tecm 'el tumin, yet' eb' 'ix 'ajmul 'ix, 'oj b'ab'l 'och eb' 'ayex.

Mt 21:43

Yuj cha, tzwal 'ayex, 'oj yal Dios to man̈x 'a eyaln eyic eyoch 'a yol sc'ab'. Ax yaln 'a jun tzo'n̈ xo eb' 'anma', to 'ay yaln eb' yic yoch e jeloc. Yujto a eb' cha, lajn eb' 'icha eb' tz'a'n stojl te 'awb'ente 'a win 'aj lu'um.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mt 3:2

'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Mt 4:17

Ax yic xc'och Jesús 'a jun lugar cha, 'ix syamn 'och yaln 'el spaxti Dios 'a eb' 'anma', 'ix yaln 'ixtc 'a eb': Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi 'a eb'.

Mr 6:12

Ax yic 'ix 'at eb' scuywum cha, 'ix 'ec' yalnc 'el eb' to yowlal tzna sb'a eb' 'anma yuj smul.

Lc 16:16

A ley yic Moisés yet' tas yaljnac can eb' schecb' Dios pecti', 'ochnc yopiso masnto 'a yic swulc' win Juan Bautista. Ax ticnec, at xo yic swulc' win Juan cha, syamchj can pax 'och yalx 'el wach' 'ab'ix, chajtl tz'aj eb' 'anma yoch 'a yol sc'ab' Dios. Yuj cha, c'uxn tzyac' eb' 'ip ya'n 'och sb'a 'a yol sc'ab'.

Lc 9:2

'Ix schecn 'at eb', yic tz'ec' yalnc 'el eb' chajtl tz'aj eb' 'anma yoch 'a yol sc'ab' Dios, tz'ec' ya'nc can eb' b'oxc sc'ojl eb' ya'ay.

Lc 9:6

Xlajw xoj cha, xlaj 'at eb', c'uxn xlaj 'ec' eb' 'a junjn chon̈ab'. 'Ix laj yalnc 'el eb' wach' 'ab'x yic colnb'il. 'Ix laj b'ox can sc'ojl eb' ya'ay 'a junjn lugar yuj eb'.

Lc 9:60

—A eb' chamnc to 'a sat Dios, a eb' tztac' smucn eb' yit chamnquil cha. Palta ach xo tic, 'ixc 'at al-li chajtl tz'aj eb' 'anma yoch 'a yol sc'ab' Dios, xchi 'a winac.

Jn 3:2

Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

A Tas Sc'ulejnac Eb' Schecab' Jesús Hechos 10:25

A yic jab'xoj sc'och Pedro cha, 'ix 'elt win Cornelio chi 'a yol yatut. 'Ix chan win sc'ochi. 'Ix 'em cumn 'a yojltac Pedro cha, yic tzya'n 'ejm sb'a 'a 'a.

A Tas Sc'ulejnac Eb' Schecab' Jesús Hechos 28:31

Caw te'n xyutj sb'a yaln 'eli, tas tz'aj eb' 'anma yoch 'a yol sc'ab' Dios, 'ix yaln 'el jun tzo'n̈ cuynb'il yic Cajlil Jesucristo, toxn may mach xtenn 'och wa'an.

A Tas Sc'ulejnac Eb' Schecab' Jesús Hechos 4:2

'Ix cot yowl ewinac, yujto wan scuywj Pedro yet' Juan 'a eb' 'anma'. Wan yaln eb', chajtlto 'oj pitzwc pax eb' chamnac, yujto 'ixta x'aj Jesús spitzw paxi.