Mt 10:5 - Chuj San Sebastian Bible

⁵ Atn eb' lajchwan̈ tic 'ix checx 'at yuj Jesús. Yic mantzac 'at eb', 'ix yaln jun tzo'n̈ checnb'il tic 'a eb' 'ixtic: —A yic tzex 'ati, man̈ ex 'ec' 'a jun tzo'n̈ slugar eb' man̈ israeloc, yet' 'a jun tzo'n̈ chon̈b' 'a yol yic Samaria.

Chuj San Mateo Bible

⁵ Aton eb' lajchavan̈ tic ix checjib'at yuj Jesús. Ayic manto b'at eb', ix yalan juntzan̈ checnab'il tic d'a eb': —Ayic tzex b'ati, man̈ ex ec' d'a juntzan̈ schon̈ab' eb' man̈ israeloc. Man̈ ex ec' pax d'a juntzan̈ chon̈ab' d'a yol yic Samaria.

Mt 10:5 Iomraidhean Croise

Mt 22:3

Yic wan syamchj 'och jun q'uin̈ cha, 'ix checn 'at win eb' schecab', yic tz'at cob' yi'nc cot ewin eb' 'awtb'il cot yuj winac. Palta ma'ix yal sc'ojl eb' xcot 'a jun q'uin̈ cha.

Mt 4:15

A slugar Zabulón yet' yic Neftalí, a 'a sti a mar 'ay, 'a sc'axpil 'ec' a niwn a Jordán. Ata 'ay jun chon̈b' Galilea sb'i, 'ajtil cajn eb' man̈ israeloc.

Mr 6:7

Ax Jesús 'ix yawtj cot eb' scuywum slajchwan̈il, xlajw cha, chatcwan̈il xyutj schecn 'at eb', 'ix ya'n pax yopiso eb' yi'n 'el ewin demonio.

Lc 10:1

Xlajw xoj cha, xya'n 'och Cajlil yopiso jun tzo'n̈ xo eb' scuywum, 72 sb'isl eb'. 'Ix sb'ab'l checj 'at eb'. Chatcwan̈il x'aj eb' s'at 'a junjn chon̈ab', yet' 'a junjn lugar 'aj 'oj 'ec' pax Cajlil cha.

Lc 10:33

Palta 'ay jun win 'aj Samaria wan sb'ey pax 'a jun b'e cha, ax xyilni t'ocn 'ec' winac; 'ix 'o'ch sc'ojl 'a winac.

Lc 17:16

Cojnn̈ej xjaw 'a yojltac Jesús, x'ejm cumnjoc, masnto x'e'mch snan̈l sat 'a sat lu'um. 'Ix ya'n yuj diosal 'a Jesús. A jun winc cha, 'aj Samaria winac.

Lc 9:1

A 'a jun 'el, 'ix yawtj cot Jesús eb' scuywum slajchwan̈il 'a 'a. 'Ix ya'n yopiso eb', 'ix ya'n pax spoder eb' yi'n 'el ewin demonio 'a eb' 'anma', tzya'n pax eb' b'oxc sc'ojl eb' ya'ay.

Lc 9:2

'Ix schecn 'at eb', yic tz'ec' yalnc 'el eb' chajtl tz'aj eb' 'anma yoch 'a yol sc'ab' Dios, tz'ec' ya'nc can eb' b'oxc sc'ojl eb' ya'ay.

Jn 17:18

'Icha in otj in a checn cot 'a scal eb' 'anma 'a yolyib'n̈q'uinl tic, 'ixta tzwutj eb' in checn 'at 'a scal eb' 'anma cha.

Jn 20:21

'Ix yaln pax jun 'ejm xo 'ixtc 'a eb': —Junc'ojlal cab' eyaji. 'Icha in yutj qui Mam Dios in schecn coti, 'ixta tzex wutj ex in checn can 'ati, xchi 'a eb'.

Jn 4:20

A eb' qui mam quichm an̈ 'aj Samaria on̈ tic on̈, a 'a jun witz tic wul yaljnac sb'a eb' 'a Dios. Palta ax xo israel ex tic, tzeyal 'ixtic: A 'a Jerusalén, ata yowlal tz'at calc qui b'a 'a Dios, xe chi, xchi 'ix.

Jn 4:5

Yuj cha, yic wan yec' Jesús 'a yol yic Samaria cha, 'ix c'och 'a chon̈b' Sicar. Ata 'ay jun chon̈b' chi 'a stz'ey jun lum ya'jnac can Jacob 'a jun yunnal José sb'i.

Jn 4:9

—Ach tic, 'in israel ach. ¿Tas yuj tza c'an a a tic 'ayin? ¿Tom man̈ ojcoc to 'aj Samaria in? xchi 'ix 'a Jesús. 'Ixta xyutj 'ix yaln 'a 'a, yujto a eb' israel, may 'ajtil tzc'umj xon sb'a eb' yet' eb' 'aj Samaria cha.

Jn 7:35

Ax eb' israel cha, 'ix laj yal-lanc eb' 'ixtic: —¿'Aj laj 'oj c'och snani, yuj cha, tzyalni to ma'oj chax cujec? Al cha, 'ay eb' quit chon̈b'ec 'ayb't 'a scal eb' griego. ¿Tom tznib'j ata 'oj c'och 'a scal eb', tz'at scuync eb' griego chi snani?

Jn 8:48

'Ix yaln pax ewin 'aj Judea chi 'ixtc 'a Jesús: —'Ilt nab'n jun, yel tzcal on̈. Tecnto 'aj Samaria ach. Tecnto 'aych junc demonio 'ayach, xchi ewin 'a 'a.

A Tas Sc'ulejnac Eb' Schecab' Jesús Hechos 1:8

Palta 'oj yac' Dios spoder 'ayex, yic 'oj 'ochcn Yespíritu 'ayx junjn ex. 'Oj lajwc cha, ax eyaln 'el wab'xil 'a Jerusalén tic, 'a smasnil yol yic Judea yet' 'a Samaria, masnto 'a jun tzo'n̈ xo lugar 'a 'aj tzlajw c'och yolyib'n̈q'uinl tic, xchi 'a eb'.

A Tas Sc'ulejnac Eb' Schecab' Jesús Hechos 10:45

Ax eb' creyente israel ajun yet' Pedro cha, caw 'ix sat sc'ojl eb', yujto xyac' pax Dios Yespíritu 'a eb' man̈ israeloc.

A Tas Sc'ulejnac Eb' Schecab' Jesús Hechos 8:1

A Saulo, caw locn yet' eb' xmiln cham Esteban. Atn wal 'a jun c'u cha, 'ix 'el yich yajx 'och jun niwn yailal 'a yib'n̈ eb' creyente 'aj Jerusalén cha. Yuj cha, 'ix laj yi'nc 'el sb'a eb'. 'Ix laj 'at eb' 'a jun tzo'n̈ xo chon̈b' 'a yol yic Judea cha, yet' 'a Samaria. Cojxnn̈ej eb' schecb' Jesús 'ix can 'a Jerusalén cha.

1 Ts 2:16

A yic tzcaln 'el 'ab'x 'a eb' man̈ israeloc on̈, sec tzcolchj eb', palta ax eb' israel, caw matz chaj eb' cal-l on̈. Yuj cha, yel xo wal tzwach' niwtj smul eb' 'a Dios. Yuj cha, a ticnec tox xya'ch jun niwn yailal 'a yib'n̈ eb' 'a jun 'ejmn̈ej yuj yowl sc'ojol.