Mt 10:27 - Chuj San Sebastian Bible

²⁷ A jun tzo'n̈ tas tzwal 'ayx 'a c'ultaquil, c'uxn tzeyal-l 'a eb' 'anma'. Yet' jun tzo'n̈ xo tas tzlaj in c'ultac alc 'a e chiquin, c'uxn tzlaj eyal-l 'a yoltc caye.

Chuj San Mateo Bible

²⁷ A juntzan̈ tas sval d'ayex d'a c'ub'eltaquil, tzeyalel d'a eb' anima. Yed' juntzan̈xo tas c'ub'eltac tzin sajoch d'a e chiquin, tzeyalel d'a yoltac calle.

Mt 10:27 Iomraidhean Croise

Is 22:1

Yuj lum pan̈n 'aj tzch'oxx 'ilxoc jun tzo'n̈ tas 'a 'icha waychil, yuj cha, yalx can jun tzo'n̈ tic 'ixtic: Ex 'aj Jerusalén, ¿tas tzex 'i'ni, yuj cha, e masnil xoj tzex q'ue 'a yib'n̈ eyatut?

Mt 24:17

A eb' 'ay q'ue 'a span̈nil yib'n̈ yatut, yic tz'em paxt eb', man̈x cab' 'och eb' yic' 'elt junc tas 'a yol yatut cha, yic tz'at eb' 'eloc.

Lc 12:3

Yuj cha, jantcn̈ej tas xeyal 'a c'ultaquil, c'uxn 'oj yab' eb' 'anma smasnil. Yet' jantc tas xlaj e c'ultac alj 'a schicn eb' 'anma', c'uxn 'oj alxc 'el 'a scal eb' 'anma 'a caye.

Lc 8:10

Yuj cha, xyaln 'a eb' 'ixtic: A 'ayx wan sch'oxn Dios jun tzo'n̈ tas mant 'a mach 'ojtnac, sec tznachj 'el eyu'uj chajtl tzex 'aj eyoch 'a yol sc'ab'. Palta ax 'a jun tzo'n̈ xo eb' 'anma', cojn jun tzo'n̈ 'ab'x ya snachj tzwal 'a eb'. Yuj cha, wach'xam tzyil eb' junc tas, ton̈j tzcan eb' 'ixta', 'icha to may tas tzyil eb'. An̈jtona', wach'xam tzyab' eb', palta matz nachj xon 'el jac yuj eb'.

Jn 16:1

Tzwalcn jun tzo'n̈ tic 'ayex, sec ma'oj somchjc 'el e nab'en.

Jn 16:13

At 'a yic 'oj jawc Yespíritu Dios caw yel, at 'oj 'a'nc nachjc 'el smasnil tas yel eyu'uj, yujto man̈ munoc 'oj yal 'a yol yico'. Jantcn̈ej tas 'oj alxc 'a 'a, an̈j 'oj yala'. 'Oj yal pax 'ayex, yuj tastc tot 'oj jawoc.

Jn 16:25

Chuc xwutj waln jun tzo'n̈ cuynb'il tic 'ayex. Palta 'ay jun tiempoal 'oj jawoc, man̈xtoc 'oj wal 'ayx 'ixta', yujto tojl xoj 'oj wutc waln yab'xil qui Mam Dios 'ayex.

Jn 16:29

Ax eb' scuywum cha, 'ix yaln eb' 'ixtc 'a 'a: —A ticnec, caw tojl xoj tzotj aln 'ayn̈ on̈. Man̈xtoc chuc tzotj aln 'icha 'a jun 'el.

A Tas Sc'ulejnac Eb' Schecab' Jesús Hechos 17:17

'Ix 'och 'a yol scapiya eb' yit israelal. 'Ix yaln spaxti Dios 'a eb' israel cha, yet' 'a eb' 'ochnc 'a scuynb'il eb'. Ax 'a junjn c'u, 'ix yaln pax 'a eb' 'anma 'ayc' 'a plas.

A Tas Sc'ulejnac Eb' Schecab' Jesús Hechos 5:20

—'Ixquec 'a yamq'uil yatut Dios. Tzex q'ue lin̈an, tzeyaln 'el wach' 'ab'x yic jun q'uinl tic tzat 'ajx 'ayx tic, xchi jun ángel chi 'a eb'.

A Tas Sc'ulejnac Eb' Schecab' Jesús Hechos 5:28

—'In tox 'ix cham wal caln 'ayx on̈, to man̈xtzac ex cuywj 'a scuynb'il Jesús. ¿Tom matz eyiclj jab'oc? A ticnec, c'uxn 'ix pucl e cuynb'il 'a Jerusalén tic. 'In tze nib'j to tzon̈ e checltej 'el on̈, chajtlto cuj on̈, 'ix cham Jesús cha, xchi win 'a eb'.

2 Co 3:12

Yujto tzca'c 'och jun tic yipc qui c'ojol, yuj cha, caw matz on̈ xiwc caln 'eli.