Mt 10:21 - Chuj San Sebastian Bible

²¹ A 'a jun tiempoal cha, 'ay eb' 'u'tacab'il 'oj ya'ch yu'tac 'a yol sc'ab' chamel. 'Ay pax eb' mamb'il 'ixta 'oj yutc sb'a 'a yunnal. An̈jtona', 'ay pax eb' 'unnab'il 'oj yac' owl yet' smam, ax ya'n 'och eb' smam chi 'a yol sc'ab' chamel.

Chuj San Mateo Bible

²¹ A d'a jun tiempoal chi', ay eb' uc'tacab'il ol ac'anoch yuc'tac d'a yol sc'ab' chamel. Ay pax eb' mamab'il icha chi' ol yutoc sb'a d'a eb' yuninal. An̈ejtona', ay pax eb' uninab'il ol yac' oval yed' smam chi', ol yac'anoch smam eb' d'a yol sc'ab' chamel.

Mt 10:21 Iomraidhean Croise

A Ch'an̈ Schab'l Libro Samuel 16:11

'Ix yaln David 'ixtc 'a win Abisai yet' 'a smasnil eb' 'ay yopiso yet' cha: —'Intax to wunnal win tzin nib'n milnoc, ax pax win tic, yin̈tl eb' yic Benjamín winac. Sb'ajquin cab' winac, lemb'il a Jehová a tz'a'n yala'.

Job 19:19

A eb' caw wach' waj yet'oc, in spatquilj can 'el eb', a eb' caw wal tzin tzalj yet'oc, 'ix meltzj 'och eb' 'ajc'ojlal 'ayin.

Salmos 50:20

Tzc'ac'b' 'och e c'ojl 'a eyit 'anma'il. Tze nachan̈ e b'on tas tu 'a eb' eyu'tac to junn̈j e nun yet'oc.

Is 19:2

Yuj cha, xyaln Jehová 'ixtic: 'Oj wac' spoj sb'a eb' 'aj Egipto cha, ax laj ya'n junjn eb' owal: A eb' swach'c'ojl sb'a, 'oj yac' eb' owal; ax eb' chon̈ab', 'oj yac' eb' owl yet' yit chon̈b'al, ax ya'n eb' yajl owl yet' eb' yit yajlil.

Zacarías 13:3

Yuj cha, toto 'ay junc mach 'oj stz'ac yal-l in paxti', ax smam yet' snun 'oj alnc 'a 'ixtic: Ach tic 'oj a chami, yujto xa te'wtzej a b'a 'a'n 'es aln 'eli, chajtlto yic Jehová jun tzal-l cha, 'oj schic eb' 'a 'a. A wal smam yet' snun chi 'oj tecn chamoc, yujto cob' tzyalch sb'a in checb'oc.

Mt 24:10

A 'a jun tiempoal cha, til wal mach 'oj meltzjoc pax 'a spatic, 'oj chichnc 'och eb' 'a eb' yitb'eym xon cha. Caw 'oj ya'ch eb' chaml 'a yib'n̈ eb'.