Mt 10:16 - Chuj San Sebastian Bible

¹⁶ 'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Chuj San Mateo Bible

¹⁶ Ab'ec, tzex in checb'ati. Icha juntzan̈ noc' calnel sb'at d'a scal noc' oques, icha chi' ol ex ajoc. Yuj chi', lista tzeyutej e b'a icha junoc noc' chan te jelan. Palta te nanam tzeyutej e b'a ichoc noc' paramuch.

Mt 10:16 Iomraidhean Croise

Gn 3:1

Palta a no chan yel xo wal jeln no 'a yib'n̈ smasnil no calte'al noc' sb'o Jehová Dios. Xyaln no 'a 'ix 'ix 'ixtic: —¿Tom yel 'ix yal Dios, to matz e lo sat smasnil te 'awb'ente tic? xchi no'.

Gn 3:13

Xlajw cha, sc'anb'n pax Jehová Dios 'ixtc 'a 'ix 'ix cha: —¿Tas yuj 'ixta 'ix otj a b'a? xchi. Xta'w 'ix, xyaln 'ix 'ixtc 'a 'a: —A no chan in 'ixtn paxti', yuj cha, xin lon te', xchi 'ix.

Nehemías 4:13

Xlajw cha, xwalni, to a junjn macn̈ eb' yican sb'a, tzmacwj eb' 'a spatc 'el muro 'a 'aj ch'olan yet' a 'aj jacan, tzyi'n eb' yespada, lanza yet' jul-lab'.

Jeremías 40:16

Palta xta'w Gedalías 'a 'ixtic: —Man̈ a na 'ixta'. A tas tzalx 'a spatc Ismael cha, caw man̈ yeloc, xchi.

Os 7:11

A eb' 'aj Efraín, lajn wal eb' 'icha junc no 'uch may snab'en, ton̈j tzsatq'ui. Tz'at sc'an eb' colwal 'a Egipto, tz'at sc'annc eb' colwal 'a Asiria.

Mt 24:25

'Aycto, tzwaln can jun tzo'n̈ tic 'ayex.

Mt 24:45

Q'uinloc 'ay junc win patron̈ yet' eb' smoso. A eb' yiclum, eb' 'ay snab'en, atn eb' 'oj ya'ch win yopiso ya'n cuenta yatut, yet' smasnil tas 'ay 'a 'a. ¿Palta mach eb' yiclum chi tze na'a?

Mt 25:2

Own̈ eb' may wal snab'en, own̈ eb' jelan.

Mt 25:4

Ax eb' jelan, chuc 'ix yij eb' nan̈l xo yaceite.

Mt 25:9

Matz cac' on̈, lemb'il 'oj lajwc pax quic tic junx on̈. 'Ixquec, 'at manc jac eyic 'a 'aj tzchon̈xi, xchi eb'.

Lc 10:3

A ticnec 'ixquec. 'Icha jun tzo'n̈ calnelu tz'at 'a scal no 'oques, 'ixta tzex 'aj e 'at wu'uj.

Lc 21:15

Yujto an 'oj ex wac' paxtinoc, ax wa'n jun jelnal 'ayex. Yuj cha, may junc eb' tzchichn 'och 'ayx 'oj eya'n ganar. May junc eb' tza'wni sjelnal 'icha jun 'oj wac' 'ayex.

A Tas Sc'ulejnac Eb' Schecab' Jesús Hechos 20:29

Yujto wojtac, a yic tox 'oj wel 'a e cal, 'ay jun tzo'n̈ eb' 'oj jawc 'ayex, ax ya'lni eb' ex sjun 'eli, 'icha tzyac' no 'ocs tz'ec' satnc 'el no calnelu.

1 Co 14:20

Ex wu'tac, ex wanab', man̈ 'icha'oc eb' 'unin, man̈ 'ichcta tzeyutj e b'a e nan jun tzo'n̈ tic. Ax e b'eyb'al, comnoc 'icha eb' cotc 'unin, may 'aj tzb'o eb' maysch'olnil, 'ichcta tzeyutj e b'a. Ax e nab'en, caw te'n tzeyutej, yujto man̈ ex 'unnoc.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

2 Co 11:14

Palta a jun tzb'o eb' cha, matz sat qui c'ojl yuj eb', yujto 'ixta pax win Satanás, tzcob' ya'ch sb'a win swach' ángeloc Dios.

2 Co 11:3

Palta tzin xiwi, toq'ue 'icha 'ajnc 'ix Eva yixtx paxti yuj sjelnal jun ya'jnac 'och sb'a chanil, toq'ue 'ixta tzex 'aj eyixtx paxti jun xo. Lemb'il yuj cha, ax eyi'n 'el e nab'en 'a Cristo. Lemb'il man̈x tojloc 'oj eyutc e b'a 'icha tznib'ej.

2 Co 8:20

Tzqui nib'j on̈, may mach tz'a'n 'och junc tas 'a quib'n̈ on̈, chajtl tz'ec' cutc qui chan jun ofrenda tic on̈.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

A Scarta San Pablo D'a Eb' Aj Colosas 1:9

Yuj cha, yictax cab'n eyab'xil on̈, ma'ix cactj can xon qui leslwi eyuj on̈. To tzqui c'an 'a Dios eyuj on̈, sec a tz'a'n e jelnal yuj Yespíritu, tzya'n nachjc 'el smasnil yic Dios eyu'uj, sec wach' 'oj eyojcoc 'el si'mb'il, tas tznib'j 'ayex.

A Scarta San Pablo D'a Eb' Aj Colosas 4:5

A yic tzex paxtin yet' eb' man̈ creyenteoc 'a junjn 'ejem, caw wach'n̈j tzeyutj e b'eyb'al yil eb'.

1 Ts 2:10

Yic 'ayn̈ 'ec' ta 'on̈, caw wach' qui b'eyb'al on̈. Tojl cutjnac pax qui nab'en 'ayx ax creyente ex quet' on̈. May jac maysch'olnil 'ec' qui sayjnac ta 'on̈. Eyojtac to 'ixta 'ec' cutjnac qui b'a ta 'on̈. An̈jtona pax Dios, yojtac.

1 Ts 5:22

Smasnil tas maysch'olnil, caw man̈ e cha eyab'i'.