Mt 10:14 - Chuj San Sebastian Bible

¹⁴ Toto matz ex schaj eb', toto matz nib'j eb' tas 'oj eyala', tzex 'elx 'a yol yatut eb', yet' 'a yol schon̈b' eb' cha. Tze ma'cn 'el spoccal eyoc, yic tze ch'oxn can 'eli, to man̈x 'a eyaln eyic 'a eb'.

Chuj San Mateo Bible

¹⁴ Tato max ex scha eb', tato malaj sgana eb' d'a tas tzeyal chi', tzex elixta d'a yol spat eb' yed' d'a yol schon̈ab' eb' chi'. Tze tzicancanel spococal eyoc, yic tze ch'oxancaneli to man̈xalaj eyalan eyic d'a eb'.

Mt 10:14 Iomraidhean Croise

Nehemías 5:13

An̈jtona', xin tzicb'tan̈n 'el in pichul, xwaln 'ixtic: 'Ixtnta 'oj yutc pax Dios ex stzicn 'elt 'a eyatut yet' 'a e munljel, atn jantcn̈ej smasnil mach ma'oj syiclc sb'on jun tzo'n̈ cha, 'ixtnta pax 'oj yutc yi'n 'ec' tastc 'ay 'ayex, xin chi 'a eb'. 'Ix ta'w eb' smasnil: B'o cab' 'ixta', xchi eb'. Xlajw cha, xyaln eb' wach' paxti 'a Jehová. 'Ix syiclj eb' sb'on 'icha xyutj yaln cha.

Mt 10:13

Toto smoj eb' 'ixta', 'el'ch cab' 'icha 'oj eyal 'a eb'. Palta toto man̈ smojc eb' 'ixta', matz 'el'ch cab' 'icha 'oj eyal 'a eb' cha.

Mt 18:5

Tzann̈j mach tzchan junc 'unn 'icha jun tic, yujn̈ej to wico', an tzin scha'aj.

Mr 6:11

Toto 'ay 'aj matz ex schaj eb' 'anma cha, toto matz nib'j eb' tzyab'i, tzex 'el 'a jun lugar cha. Tze ma'cn 'el spoccal eyoc, yic tze ch'oxn 'eli, to man̈x 'a eyaln eyic 'a eb'. [Wal yel tzwal 'ayex, a yic 'oj jawc jun c'ul yic sb'eyc'ojlal Dios, yel xo wal niwn yailal 'oj 'ajxc 'a eb' matz ex chan chi 'a yib'n̈ eb' 'aj Sodoma yet' eb' 'aj Gomorra,] xchi Jesús 'a eb'.

Mr 9:37

—Tzann̈j mach tzchan junc 'unn 'icha jun tic yujto wico', an tzin scha'aj. Man̈ cojnoc in tzin scha'aj, tzchaj pax Dios, atn jun mach checjnacn coti, xchi.

Lc 9:48

Xyaln 'a eb' scuywum chi 'ixtic: —Tzann̈j mach tzchan junc 'unn 'icha jun tic, yujto wico', an ton tzin scha'aj. Man̈ cojnoc in tzin scha'a, tzchaj pax jun mach checjnacn coti. A mach yel xo tzyij 'ejm sb'a 'a e cal, atn jun chi yel xo wal niwn yel'chi, xchi 'a eb'.

Lc 9:5

Toto 'ay eb' matz ex chani, tzex 'elx 'a jun schon̈b' eb' cha. Tze ma'cn 'el spoccal eyoc, tzex 'atxi, yic tze tzch'oxn 'eli, to man̈x 'a eyaln eyic 'a eb', xchi Jesús 'a eb'.

Jn 13:20

Wal yel tzwal 'ayex, a mach tzchan eb' in checab', tzyal 'el'chi, an tzin schaj eb'. A eb' tzin chan cha, tzchaj pax eb' jun checjnacn coti, xchi Jesús.

A Tas Sc'ulejnac Eb' Schecab' Jesús Hechos 13:51

Ax Pablo yet' Bernabé, 'ix sma'cn 'el eb' spoccal yoc, yic tzch'oxn can 'el eb', to man̈x 'a yaln eb' yic 'a eb' 'anma cha. Xlajw cha, x'at eb' 'a chon̈b' Iconio.

A Tas Sc'ulejnac Eb' Schecab' Jesús Hechos 18:6

Palta ton̈j xcot yowl eb' 'a 'a. Caw xlaj b'uchwj eb' 'a 'a. Yuj cha, 'ix stzicb'tan̈n spichl yil eb', yic tzch'oxn senyail 'a eb', chajtlto ye'xn̈ej tzyij 'el sb'a 'a scal eb'. 'Ix yaln can 'a eb' 'ixtic: —Ax tic, mun tzeyij cot eyailal 'a eyib'n̈ 'a jun 'ejmn̈ej. An xo tic, man̈x 'a waln wic 'ayex. A ticnec, 'oj in 'at wal-l 'a eb' man̈ israeloc, xchi can 'a eb'.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.