Mt 1:18 - Chuj San Sebastian Bible

¹⁸ 'Ixtc 'ajnc Jesucristo yalji. A José tox 'ix yac' strato yet' María, ton̈j nant tzyac' eb' strato, mantzac yij sb'a eb'. Palta ax María, 'ayx tz'i'n yuj jun 'unin, yujto a Yespíritu Dios x'a'n pitzwc 'a 'a.

Chuj San Mateo Bible

¹⁸ Icha tic ix aj yalji Jesucristo. A vin̈aj José ayxo strato vin̈ yed' ix María. Palta ton̈ejanto ay strato eb', manto yic'laj sb'a eb'. Palta axo ix María chi', ayxo unin yed'nac ix, yujto a Yespíritu Dios ix ac'an scuchoch jun unin chi' ix.

Mt 1:18 Iomraidhean Croise

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Job 14:4

¿Toc 'ayn̈ tztac' qui b'on swach'il, 'into 'aych xon maysch'olnil 'ayn̈ on̈?

Job 15:14

Toc 'ay junc 'anma to caw wach', yic may jac smul tz'ochi.

Mt 1:1

A jun libro tic tzaln cot yab'xil Jesucristo yin̈tl can David, yin̈tl pax Abraham. Atn sb'i eb' smam yichm Jesucristo tic.

Mt 12:46

Wanto yaln Jesús 'a eb' 'anma', 'ix c'och snun yet' eb' yu'tac. An̈j 'a sti n̈a xc'och eb', palta tznib'j eb' tzc'umej.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.

Lc 1:25

Yuj spoder Dios Wajlil, 'ixtc tzin 'aji, sec wach' man̈x 'oj yal eb' 'anma in peclal, yujto may wune', xchi 'ix.

Lc 2:5

'Ix 'at yac' tz'ib'xoc sb'i yet' 'ix María. Ton̈j nant 'ay strato eb', palta yet'x 'ix yune'.

Dt 22:23

Toto 'ay junc 'ix cob's 'ayx strato tznupn yet' junc winac, palta ax tz'aji, chucx junc win tzmuln yet' 'ix 'a yol schon̈b' cha,

A Ch'an̈ Carta D'a Eb' Hebreo 10:5

Yuj cha, a yic swulc' Cristo 'a yolyib'n̈q'uinl tic, yaln 'ixtc 'a Dios: Matz a nib'j jun tzo'n̈ no xajmb'al tz'ajx 'ayach. Palta a jun in niwnal xac' 'ayin.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.