Mt 1:12 - Chuj San Sebastian Bible

¹² A yic 'ayx 'ec' eb' 'a Babilonia cha, 'ix 'alj Salatiel yunnal Jeconías. Ax Salatiel a 'ay yunnal Zorobabel.

Chuj San Mateo Bible

¹² Ayic ayec' eb' d'a Babilonia chi', ix alji vin̈aj Salatiel yuninal vin̈aj Jeconías. A vin̈aj Salatiel chi' smam vin̈aj Zorobabel.

Mt 1:12 Iomraidhean Croise

A Ch'an̈ Schab'il Libro Yic Yab'ixal Eb' Rey 24:14

'Ix ya'n win 'ijxoc 'at smasnil eb' cajn 'a Jerusalén, eb' 'aych yajlil, eb' soldado to caw wal jelan, eb' josmte' yet' eb' tenm q'ue'en. Lajn̈e mil eb' x'ijx 'at 'icha presoal yu'uj. Cojxn̈ej eb' meb'a xcan 'a jun nacion̈ cha.

A Ch'an̈ Schab'il Libro Yic Yab'ixal Eb' Rey 25:27

A yic 27 yoch slajchwil 'uj yic 37 ab'il xo yijx 'at rey Joaquín presoal 'a Babilonia, 'ix 'och Evil-merodac reyl 'a Babilonia cha. A yic yab'lil nant yoch reyl cha, 'ix sch'oxn swach' nab'enal 'a Joaquín sreyl Judá, 'ix yi'n 'elt 'a preso.

1 Cr 3:17

A eb' yunnal Jeconías, win 'ijxnac 'at 'a 'icha presoal, a sb'ab'l 'unnal, atn Salatiel. Xlajw cha x'alj Malquiram, Pedaías, Senazar, Jecamías, Hosama yet' Nedabías.

Esdras 3:2

Xlajw cha, ax Jesúa yunnal Josadac, yet' jun tzo'n̈ xo eb' ya'mal 'och sti eb' 'anma 'a Dios, yet' Zorobabel yunnal Salatiel, yet' eb' yican, 'ix sb'on chan̈ eb' jun yet'l xajmb'al yic sDiosal chon̈b' Israel yic tzya'n tz'a eb' xajmb'al 'a yib'an̈, 'icha yaj stzib'x can 'a ch'an̈ ley yic Moisés, atn win schecb' Dios.

Esdras 5:2

Xlajw cha, a Zorobabel yunnal Salatiel, yet' Jesúa yunnal Josadac, 'ix 'ochx eb' 'a munljel, sb'on pax chan̈ eb' yatut Dios 'a Jerusalén, 'ix colwj eb' schecb' Dios chi yet' eb'.

Nehemías 12:1

'Ay jun tzo'n̈ eb' ya'mal 'och sti eb' 'anma 'a Dios, yet' eb' levita 'ix meltzj paxt yet' Zorobabel win yunnal Salatiel, yet' pax Josué. Atn sb'i eb' tic: Seraías, Jeremías, Esdras, Amarías, Maluc, Hatús, Secanías, Rehum, Meremot, Iddo, Ginetón, Abías, Mijamín, Maadías, Bilga, Semaías, Joiarib, Jedaías, Salú, Amoc, Hilcías yet' Jedaías. Atn jun tzo'n̈ eb' tic yajl yaj 'a scal eb' yit ya'mal-l 'och sti eb' 'anma 'a Dios, yet' 'a eb' yican eb' 'a yol stiempoal Josué.

Jeremías 22:24

A Jehová tzaln 'ixtc 'a Jeconías sreyl Judá win yunnal Joacim: Wach'xam ach tic, caw 'ay tzach 'och wu'uj, 'icha junc colc'ab' 'aych 'a swach' c'ab' eb' niwc winac, palta tzwac' in ti', to 'oj ach in julcn 'eli.

Jeremías 22:28

Yuj cha, xin c'anb'n an Jeremías in tic 'ixtc yuj Jeconías: ¿Tom lajn xoj Jeconías tic 'icha junc lum jatl xalu, man̈x 'a jac yopiso, 'icha pax junc yamc'ab' to man̈x 'a mach tznib'ni? ¿Tas yuj tzjulx can 'at yet' eb' yunnal 'a junc lum lum to man̈ 'ojcab'ilc yuj eb'?

Jeremías 22:30

A Jehová tzaln 'ixtic: Tz'ib'jec can 'a ch'an̈ libro yic registro, chajtlto lajn 'oj 'ajcn jun winc tic 'icha junc winc may yunnal, 'icha junc winc to man̈ wach'c x'aj 'el'chi. Yujto man̈x 'a junc yin̈tl 'oj 'och yac' reyl 'a sdespacho David, yic tzya'n reyl jun 'ejm xo 'a Judá, xchi Dios.

Hageo 1:1

A 'a yic b'ab'l c'u yoch swacl 'uj yic schab'l ab'il yoch win Darío reyal, ata in schec Jehová an Hageo in tic yic tz'at in paxtinc yet' win gobernador 'a Judá, atn Zorobabel, yunnal can Salatiel, yet' pax Josué win sat ya'mal 'och sti eb' 'anma 'a Dios, win yunnal can Josadac.

Hageo 1:12

Yuj cha, a win Zorobabel cha, yet' Josué yet' pax smasnil eb' 'anma paxn̈cta 'a Babilonia, a yic xyab'n eb' spaxti Jehová Dios 'ix wal cha, yuj cha, caw 'ix xiw eb', syiclni eb'.

Hageo 1:14

'Ixta xyutj Jehová ya'n snab'enoc win Zorobabel, gobernador 'a Judá, yet' win Josué, yet' 'a smasnil eb' 'anma'. A 'a yic 24 yoch swacl 'uj, yic schab'l ab'il yoch win Darío reyal, ata xqui yamx 'och qui b'on pax chan̈ yatut Jehová qui Diosalec tztac' yuj smasnil.

Hageo 2:2

A ticnec, al 'ixtc 'a win Zorobabel, 'a win Josué yet' pax 'a smasnil eb' 'anma':

Hageo 2:23

An Jehová in, tztac' wuj smasnil, an tzwal 'ayach: Ach in checb' Zorobabel, to a 'a yic jun c'ul cha, 'oj wa'ch opiso, ach 'oj och yajlilc in jeloc, yujto an ach in si'cn 'eli, xchi Jehová 'a win gobernador cha.

Mt 1:11

A Josías a 'ay yunnal Jeconías, yet' eb' yu'tac. A 'a jun tiempoal cha, ata 'ijxnac 'at eb' israel 'icha presoal 'a Babilonia.

Mt 1:13

A Zorobabel a 'ay yunnal Abiud, ax Abiud a 'ay yunnal Eliaquim, atn smam Azor.

Mt 1:17

Yuj cha, chequel to 'ay chan̈lajn̈ c'aj smam yichm Jesucristo 'aycn 'a snan̈l Abraham yet' David. 'Ay chan̈lajn̈ c'aj pax eb' 'a David, masnto yic yijx 'at eb' israel 'icha presoal 'a Babilonia. 'Ay chan̈lajn̈ c'aj pax eb' yictax yijx 'at eb' 'a Babilonia cha, masnto yic yalj Cristo.