Mr 9:32 - Chuj San Sebastian Bible

³² Palta ma'ix nachj 'el yuj eb' tas 'ix yala, 'ix xiw pax eb' sc'anb'n 'a 'a, tas tzyal 'el'ch jun xyal cha.

Chuj San Mateo Bible

³² Palta max nachajel yuj eb' tas ix yala'. Ix xivpax eb' sc'anb'an d'ay tas syalelc'ochi.

Mr 9:32 Iomraidhean Croise

Mr 16:14

Ax 'a jun 'ejm xo, yic wan swa eb' scuywum Jesús chi yuxlchwan̈il, 'ix sch'oxn sb'a 'a eb'. 'Ix yaln spaltail eb' yujto chab'c'ojlal yaj eb'. Pit xyutj sb'a eb', yujto ma'ix schaj eb' yab' 'a eb' x'ilni yic tox 'ix pitzw paxi.

Mr 7:18

'Ix yaln 'ixtc 'a eb': —¿Tom matz nachj 'el pax eyuj ax tic? ¿Tom man̈ eyojcoc to a tas tz'och 'a qui ti', matz tac' tzon̈ juwc 'el yuj 'a sat Dios?

Mr 8:33

Palta ax Jesús 'ix meltzj 'at q'ueln 'a jun tzo'n̈ xo eb' scuywum, 'ix stenn 'och wan Pedro cha, 'ix yaln 'ixtc 'a 'a: Ach Satanás 'eln̈ 'a in tz'ey, yujto man̈oc jun tzo'n̈ yic Dios 'aj tza'ch a nab'en, an̈j jun tzo'n̈ yic 'anma 'aj 'aych a nab'en, xchi 'a 'a.

Mr 9:10

Yuj cha, mun yojc eb' jun cha, may junc mach 'aj xyal eb'. Palta xlaj sc'anb'n eb' 'a scal, yuj tas 'ix yala, chajtlto 'oj pitzwc pax 'a scal eb' chamnac.

Lc 18:34

Palta ax eb' scuywum cha, ma'ix nachj 'el yuj eb'. Man̈ yojcoc xon eb' tas tzyal 'el'ch jun tzo'n̈ xyal cha, yujto c'ub'b'il 'el 'a eb'.

Lc 2:50

Palta ma'ix nachj 'el yuj eb', tas jun xyal chi 'a eb'.

Lc 24:45

Xlajw cha, xya'n jawc 'a sc'ojl eb', sec tznachj 'el yuj eb' tas tz'ib'b'il can 'a Ch'an̈ U'un̈.

Lc 9:45

Palta ax eb' scuywum cha, ma'ix nachj 'el yuj eb' tas chi xyal 'a eb', yujto ma'ix 'ajx nachjc 'el yuj eb'. 'Ix xiw pax eb' sc'anb'n 'a 'a, tas tzyal 'el'chi.

Jn 12:16

A 'a jun c'u cha, ma'ix nachj 'el jun tzo'n̈ tic yuj eb' scuywum Jesús. At yic tox 'ix 'ijx pax q'ue Jesús chi 'a satcha'an̈, atta 'ix sna cot eb', to a yab'xil Jesús tz'ib'b'il can 'a Ch'an̈ Un̈ cha, caw 'ix 'el'ch 'icha yaj yalx cani.

Jn 16:19

Ax Jesús, yojtac to tznib'j eb' sc'anb'c 'a 'a, tas tzyal 'el'ch jun xyal cha. Yuj cha, 'ix yaln 'ixtc 'a eb': —Tox 'ix wal 'ayex: Jab'xoj wal tzin eyil ticnec. Ax yec' 'a janic', man̈x 'oj in eyila'. Palta at pax chab'j 'oxej, ax in eyiln paxi, xin chi 'ayex. ¿Tom yuj jun tzo'n̈ tzwal tic, 'i'n tzlaj e c'anb'lanc 'ec' 'ayex?

Jn 4:27

Wal slajw yaln Jesús jun tzo'n̈ cha, 'ix c'ochx eb' scuywum. Caw 'ix sat sc'ojl eb' yilni, to wan spaxtin Jesús yet' jun 'ix cha. Palta may junc eb' 'ix c'anb'n 'a 'a, tas tznib'j tzc'anb'j 'a 'ix, tas yuj tzpaxtin yet' 'ix.