Mr 8:11 - Chuj San Sebastian Bible

¹¹ 'Ay jun tzo'n̈ ewin fariseo xjaw 'a Jesús, 'ix syamn 'och ewin sten sb'a yet'oc, yujto tznib'j ewin tzya'lj prowal, yuj cha, 'ix sc'ann ewin yil junc milagro tzch'oxn 'el spoder Dios.

Chuj San Mateo Bible

¹¹ Ay juntzan̈ eb' vin̈ fariseo ix c'och d'a Jesús. Ix och ijan eb' vin̈ stelan sb'a yed'oc, yujto sgana eb' vin̈ syac' proval. Yuj chi', ix sc'anan yil junoc milagro eb' vin̈ scot d'a Dios.

Mr 8:11 Iomraidhean Croise

Ex 17:2

'Ix cotx yowl eb' 'anma chi 'a Moisés, xyaln pax eb' 'ixtic: —A ticnec b'i'an, 'a' cot cal tzcuq'uej, xchi eb'. —¿Tas yuj tzex 'awj 'och 'ayin? ¿Tas yuj tzeyac' prowal Jehová? xchi Moisés chi 'a eb'.

Ex 17:7

Meriba xya'cn scuch jun lugar cha, yujto ata tu 'ix yal eb' 'anma 'a Moisés. Xya'n pax scuch Masah, yujto xyac' prowal eb' Jehová, yic xyaln eb' 'ixtic: ¿Yel am wali 'ayc' Jehová 'a qui calc tic, mto ma'ay? xchi eb'.

Malaquías 3:15

'In tzquilc wal an̈ec tic, to a eb' tzb'an̈ sb'a, tzaljc'ojlal yaj eb'. 'Ixta pax eb' maysch'olnil tas tzb'o'o, caw wach'n̈j tz'el'ch eb'. 'Intax eb' tzte'wtzej sb'a 'a sat Dios, may yailal tzjaw 'a yib'n̈ eb', xe chi, xchi Dios.

Mt 12:38

'Ay jun tzo'n̈ ewin cuywjum 'a ley yic Moisés yet' jun tzo'n̈ ewin fariseo, 'ix yaln ewin 'a Jesús 'ixtic: —Ach qui cuymal on̈, tzqui nib'j tza ch'ox junc milagro quil on̈, xchi ewinac.

Mt 19:3

'Ay jun tzo'n̈ ewin fariseo xjaw 'a 'a. Tznib'j ewin yac' prowal, yuj cha, 'ix sc'anb'n ewin 'ixtc 'a 'a: —¿'Aym sleyl tzpoj sb'a junc winc yet' yistl yuj tzann̈j junc tas? xchi ewin 'a 'a.

Mt 21:23

Xlajw cha, x'ochx Jesús 'a yamq'uil yatut Dios, 'ix cuywj 'a eb' 'anma ta'. Ax ewin sat ya'mal 'och sti eb' israel 'a Dios, yet' ewin 'ichmtac winac, 'ix jaw ewinac, sc'anb'n ewin 'ixtc 'a 'a: —¿Tas opiso, yuj cha a comn b'on jun tzo'n̈ chi 'ewi? ¿Mach wal 'a'jnac opiso cha? xchi ewinac.

Mt 22:15

Xlajw cha, 'ix yi'n 'el sb'a ewin fariseo cha, 'ix 'at sc'umnoc sb'a ewin 'a spatc Jesús, chajtl 'oj yutc ewin ya'lni prowal, sec toq'ue 'ay tas 'oj yac' palta yalni, yujto tznib'j ewin yac' queja.

Mt 22:18

Palta yojc Jesús to maysch'olnil wan snan eb' 'a spatic. Yuj cha, xyaln 'a eb' 'ixtic: —Ax tic, caw chab'sat ex. ¿Tas yuj tzin eyac' prowal?

Mt 22:23

An̈jtona 'a jun c'u cha, 'ay jun tzo'n̈ ewin saduceo xjaw 'a Jesús. A ewin chi tzalni, to ma'oj pitzwc pax eb' chamnac. Yuj cha, xyaln ewin 'ixtc 'a 'a:

Mr 12:15

Palta yojc Jesús, to chab'sat eb', yuj cha, xyaln 'a eb' 'ixtic: —¿Tas yuj tzin eyac' prowal? 'At 'ijec cot junc tumn wila', xchi 'a eb'.

Mr 2:16

Ax ewin cuywjum 'a ley yic Moisés, yet' ewin fariseo, 'ix yiln ewinac to wan swa Jesús yet' eb' maysch'olnil sb'eyb'al cha, yuj cha, 'ix yaln ewin 'ixtc 'a eb' scuywum Jesús cha: —¿Tas yuj tzwa Jesús yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewinac.

Mr 9:16

A yic xc'och eb' 'a stz'ey, 'ix sc'anb'n 'ixtc a eb': —¿Tas yuj tze tej e b'a yet' eb'? xchi 'a eb'.

Lc 10:25

Xlajw cha, 'ay jun win cuywjum 'a ley yic Moisés, xq'ue lin̈an. Snib'j win yac' prowal Jesús. Yuj cha, sc'anb'n win 'ixtc 'a 'a: —Mamin, ¿tas yowlal 'oj in b'o', sec 'oj in cha in q'uinl 'a jun 'ejmn̈ej? xchi win 'a 'a.

Lc 11:16

'Ay pax jun tzo'n̈ xo eb' tznib'j 'a'lnoc prowal Jesús sec toq'ue tz'ejm yuj eb', yuj cha, 'ix sc'ann eb' yil junc milagro tzcot 'a satchan̈ yu'uj.

Jn 4:48

Palta xyaln Jesús 'ixtc 'a winac: —Q'uinloc matz eyil jun tzo'n̈ milagro, jun tzo'n̈ tzch'oxn 'el in poder, toto 'ixta', matz eya'ch e c'ojl 'ayin, xchi 'a winac.

Jn 6:30

Xlajw yab'n eb' jun cha, 'ix sc'anb'n pax eb' 'ixtc 'a 'a: —¿Tas wal junc milagro tztac' a ch'oxn quil on̈, sec 'oj ca'ch qui c'ojl 'aych on̈? ¿Tom 'ay tas tztac' a b'oni?

Jn 7:48

¿Tom 'ay junc eb' cajlilec tic tzya'ch sc'ojl 'a winac? An̈jtona', an̈ fariseo on̈ tic on̈, may pax junc on̈ tzca'ch qui c'ojl 'a win on̈.

Jn 8:6

Palta ton̈j xcob' stz'ac ewin sc'anb'c 'ixta', yic tzya'lni prowal ewinac, yujto tznib'j ewin tzyac' queja. Ax Jesús ton̈j 'ix 'em n̈ojan. 'Ix stz'ib'n can 'ejm jun tzo'n̈ tas 'a sat lum yet' yune sc'ab'.

A Tas Sc'ulejnac Eb' Schecab' Jesús Hechos 5:9

Yuj cha, xyaln pax Pedro 'ixtc 'a 'ix: —¿Tas yuj xe molalej, xeya'lni cob' eya'n prowal Yespíritu Cajlilec? A ewin xit' mucnoc win echmil, ab' sjaw ewin 'a sti n̈a. Wal ach wul yi'nc pax ewin tic, xchi 'a 'ix.

1 Co 10:9

Matz tac' ca'nec prowal Cajlil yic tzquilni, toto tzyac' niwnc'ojlal 'ayn̈ec. Yujto 'ixta yutjnac sb'a jun tzo'n̈ eb' 'a scal eb' cha. Yujn̈ej cha, slajw 'el eb' yuj jun tzo'n̈ no chan.

Dt 6:16

Man̈ eyac' prowal Jehová qui Diosalec, 'icha wal eyutjnac 'a Masah.