Mr 7:6 - Chuj San Sebastian Bible

⁶ Yuj cha, xyaln Jesús 'ixtc 'a ewinac: —Ax tic, caw chab'sat ex, yel ton tas yaljnac can Isaías eyu'uj, yic stz'ib'n can 'ixtic: A eb' 'anma tic, tzcob' yal eb' to 'ay wel'ch 'a sat eb', palta ax snab'en eb' caw najt yajl 'ayin.

Chuj San Mateo Bible

⁶ Yuj chi', ix yal Jesús d'a eb' vin̈: —A ex tic, te chab' sat ex. Yel ton val yalnaccan vin̈aj Isaías eyuuj, ayic stz'ib'annaccan vin̈ icha tic: A eb' anima tic, an̈ej d'a sti' eb' syal vach' lolonel d'ayin. Palta axo spensar eb', najat yajcanel d'ayin.

Mr 7:6 Iomraidhean Croise

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Jn 15:24

A jun tzo'n̈ milagro xlaj in ch'ox 'a scal eb', may junc xo mach tztac' yuj 'ixta'. Q'uinloc may milagro chi xin ch'oxo, to 'ixta', may smul eb'. Al ticnec, wach'xam xyil eb' jun tzo'n̈ cha, palta an̈ja schichn 'och eb' 'ayin, tzchichn pax 'och eb' 'a in Mam.

Jn 5:42

Ax xo tic, wojtac tas yaj e nab'en, to may e chamc'ojlal 'a Dios.

A Tas Sc'ulejnac Eb' Schecab' Jesús Hechos 28:25

Yuj cha, syamn 'och eb' spax 'a yatut, yujto ma'ix chaj sb'a snab'en eb'. Yuj cha, xyaln Pablo 'a eb' 'ixtic: —A Yespíritu Dios 'a'jnac yalcn Isaías 'a eb' qui mam quichmec pecti', yujto schecb' yaji. Caw yel jun yaljnac cha, yic yaln 'ixtic:

2 Ti 3:5

'Oj cob' yal eb' 'ixtic: A 'a Dios wan ca'nec 'och qui nab'en, 'oj schic cob' eb'. Palta ax sb'eyb'al eb' tzch'oxn 'eli, to man̈oc Dios 'aych yet' eb'. Ach xo, tzej 'el a b'a 'a scal eb' 'ixta tzyutj sb'a. Man̈ junc ec' yet' eb'.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.