Mr 7:4 - Chuj San Sebastian Bible

⁴ Ax yic tzlaj paxt eb' 'a plas, matz laj wa eb', masnto tzmixn̈j eb' 'icha tzyal jun sb'eyb'al eb' cha. Til to wal jun tzo'n̈ xo tas tzlaj sb'eylb'oc eb', 'icha tzb'icl eb' svaso, xalu, yet' jun tzo'n̈ q'uen yamc'ab' yic wa'el, tzju'n pax eb' swaynub'.

Chuj San Mateo Bible

⁴ Axo yic sjax eb' d'a mercado, max valaj eb' masanto sb'ic sc'ab' eb', icha chi' syalelc'och jun sb'eyb'al eb' chi'. Man jantacto juntzan̈xo tas sb'eyb'alej eb', icha yic sb'ican el svaso eb', xalu yed' juntzan̈xo q'uen yamc'ab' yic vael.

Mr 7:4 Iomraidhean Croise

Salmos 26:6

Mamin Jehová tzin b'icl in c'ab', yic tzin ch'oxn 'eli to may in mul, 'ixta to b'i'an ax in c'och 'a stz'ey yet'l a xajmb'al.

Is 1:16

Ax ticnec jun, 'ijec 'el jun tzo'n̈ maysch'olnil chi 'ayex, 'actjec e b'oni, tzeyi'n 'el e b'a 'a scal.

Jeremías 35:5

'Ix wa'n xalual yet' svasoal yal uva 'a eb', 'ix waln 'a eb' 'ixtic: 'U'jec jac yal uva tic, xin chi.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Mt 23:25

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Tzcob' e b'icl spatquil e vaso yet' spatquil eyuc'ab', palta ax 'a yojol, b'ut'n yet' jun tzo'n̈ tas tzeyelc'j yet' e maysch'olnilal.

Mt 23:26

Ax fariseo ex tic, 'icha to matz uj eyiln jab'oc. Comnoc a tas matz eyelq'uej, an̈j tzeyac' 'ejm 'a yol e vaso, yet' 'a yol eyuc'ab'. Toto 'ixta', sac yojol yet' spatc 'a sat Dios.

Mt 27:24

Ax 'ix yiln win Pilato cha, to matz yac' ganar win scoln Jesús, ton̈j xwach' q'ue somnjoc eb' 'anma chi yaln yu'uj. Yuj cha, xya'n win 'ijxc cot jab' ya'al, 'ix sb'icn 'el win sc'ab' 'a sat eb' 'anma chi smasnil. 'Ixta xyutj win sch'oxn 'a eb', to man̈ locnoc xon win yet' eb', 'ix yaln pax win 'a eb' 'ixtic: —An tic, may waln wic 'a schaml jun tojl snab'en tic. A jun tze b'o tic, mun eyic e ch'ocoj, xchi win 'a eb'.

Mr 7:8

Yujto ax tic, xeyactj can schecnb'il Dios, sec wach' an̈j jun tzo'n̈ sb'eyb'al e mam eyichm tze b'eylb'ej. [An̈j jun tzo'n̈ e xalu tze b'icli, yet' jun tzo'n̈ e vaso, til to wal jun tzo'n̈ xo tas tze b'o 'icha jun tzo'n̈ tic.]

Jn 2:6

Ata 'ayc' waque b'el yet'l a', 'ayam otcoc ch'ub' a tz'em 'a yojl jun jun. Ata tzq'uet a a tzc'an eb' yic tzb'icn 'el eb' jun tzo'n̈ tas, 'icha yaj sb'eyb'al eb' israel cha.

Jn 3:25

'Ay jaywn̈ eb' scuywum Juan 'ix stej sb'a yet' eb' israel, yuj tas tzyutj eb' 'anma sacb'tzan sb'a 'icha yaln ley.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.