Mr 7:25 - Chuj San Sebastian Bible

²⁵ Ata 'ayc' jun 'ix 'unin, 'aych jun demonio 'a 'a. Ax yic xyab'n snun 'ix to xc'och Jesús ta', yuj cha, x'at 'ix 'a Jesús, 'ix 'em cumn 'ix 'a yojltac sc'ochi.

Chuj San Mateo Bible

²⁵ Ata' ayec' jun ix unin, ayoch jun enemigo d'a ix, axo ix yab'an ix snun ix to ix c'och Jesús ta'. Yuj chi', ix b'at ix yila'. Ix b'at em cuman ix d'ay.

Mr 7:25 Iomraidhean Croise

Mt 15:22

Ata 'ay jun 'ix man̈ israeloc, 'aj Canaán 'ix. Xjaw 'ix 'a Jesús, 'ix 'awj 'ix 'ixtc 'a 'a: —Mamin, ach yin̈tl David, mamtzac 'o'ch a c'ojl 'ayin. 'Ay jun 'unx wune', 'aych jun demonio 'a 'unix, caw tzyab' 'unx syal yu'uj, xchi 'ix 'a 'a.

Mr 1:40

'Ay jun winc 'ix jaw 'a Jesús, ya'ay win yuj lepra. 'Ix 'em cumn winac, 'ix yaln 'ixtic: —Toto tzyal a c'ojol, tztac' in a'n b'oxoc, xchi win 'a 'a.

Mr 5:33

Ax 'ix 'ix cha, caw x'ib'x chan̈ yuj xiwlal, yojc 'ix chajtlto 'ix b'ox 'ix yu'uj, yuj cha, xjaw 'ix 'a 'a, 'ix 'em cumn 'ix 'a yojltac, caw yelc'ojlal xyal 'ix smasnil tas 'a 'a.

Mr 7:24

Xlajw cha, x'at Jesús 'a jun lugar cha, 'ix c'och 'a yol yic Tiro yet' Sidón, ata x'och wan 'a yol jun n̈a. 'Ix snib'ej to may mach tz'ojcan 'eli toto 'ayc' ta', palta ma'ix stac' sc'ub'n 'el sb'a.

Mr 7:26

A jun 'ix cha, man̈ israeloc, 'aj Sirofenicia 'ix, 'ix tew 'och 'ix 'a Jesús, sec toq'ue tzyij 'el jun demonio 'a 'ix yune 'ix cha.

Lc 17:16

Cojnn̈ej xjaw 'a yojltac Jesús, x'ejm cumnjoc, masnto x'e'mch snan̈l sat 'a sat lu'um. 'Ix ya'n yuj diosal 'a Jesús. A jun winc cha, 'aj Samaria winac.