Mr 7:22 - Chuj San Sebastian Bible

²² 'ay eb' tz'e'lc'wi, 'ay eb' tznib'n 'och tas 'ay 'a junc xo 'anma', 'ay eb' maysch'olnil tzyutj sb'a, 'ay eb' tzyac' 'es, 'ay eb' may sq'uixwel scomn b'on junc tas. 'Ay eb' tzchichn 'och 'a junc mach yuj tas 'ay 'a 'a, 'ay eb' tzcomn b'uchwji, 'ay eb' tzb'an̈ sb'a, 'ay pax eb' maysch'olnil snab'en.

Chuj San Mateo Bible

²² Ay eb' tz'elc'ani. Ay eb' syiloch sc'ool d'a junocxo. Ay eb' malaj svach'il syutej sb'a. Ay eb' tz'esani. Ay eb' malaj jab'oc sq'uixvelal scomon c'ulan junoc tasi. Ay eb' schichonoch sc'ool d'a junoc mach vach' yaji. Ay eb' comonn̈ej sb'uchvaji. Ay eb' ac'umtac syutej sb'a. An̈ejtona', ay pax eb' malaj jab'oc spensar.

Mr 7:22 Iomraidhean Croise

2 Cr 32:31

Ax eb' yajl 'a Babilonia, 'ix chec cot eb' schecab' yic tzwul sc'anb'noc eb' yab' jun milagro satjub'tac 'ix uj 'a Judá. A Dios 'ix schaj sc'ojl sb'on Ezequías tas tznib'j sb'o', yic tz'ajx prowal yu'uj sec tzcheclj 'el smasnil tas 'ay 'a snab'en.

Salmos 10:4

A eb' tu sb'eyb'al may xon el'ch 'a sat, caw niwn yel'ch eb' snani, man̈ ach 'ayc' 'ec' 'a snab'en eb'.

Salmos 119:36

'Ac' wojcoc 'eli, to a cab' a checnb'il tzin yiclej, palta man̈oc cab' ricoal tzin nib'j 'ochi.

Pr 12:23

Toto 'ay qui nab'enec, matz quijec chan̈ qui b'a yet' tas cojtac; ax toto may qui nab'enec, tzqui comn aljec 'el qui man̈ nab'enal cha.

Pr 22:15

A man̈ nab'enal 'aychn̈ej 'a eb' 'unin, ax yic tzma'x eb' yet' jixc'ab'te', tz'el jun chi 'a eb'.

Pr 23:6

Man̈ ex wa 'a smexa eb' b'as, man̈ e nib'c 'och swach'il tas tzc'ux eb',

Pr 24:9

A tas nab'il yuj junc may snab'en, cojn 'ajmulal; a junc ch'a'an, toc 'ay mach tznib'ni.

Pr 27:22

A junc may snab'en, wach'xam tztenx chojc yet' te tenlab', palta man̈ yujoc cha, tz'el man̈ nab'enal chi 'a 'a.

Pr 28:22

A mach tznib'j 'och sb'a ricoal 'a yajn̈ej, man̈ yojcoc toto 'oj jawc meb'a'il 'a yib'an̈.

Ec 7:25

'Ix wac' wal in tiempo in cuyni, xin sayc' yet' jelnal yic tzwojcan 'eli, tas yaj smasnil. A yic xnachj 'el jun tzo'n̈ tic wu'uj, 'ix wojcan 'eli, to man̈ wach'c 'a sat Dios yic pit tzcutj qui b'a yuj qui man̈ nab'enal.

Is 59:13

Mamin Jehová, caw wal tenmtac xcutj qui b'a 'aych on̈. 'Ix cac' 'es on̈, ma'ix yal qui c'ojl on̈ 'och tza'n oj ach qui Diosal. Cojn maysch'olnil 'ayc' 'a qui nab'en on̈, xlaj cac' 'es 'a eb' quit 'anmal on̈, xlaj quixtn paxti eb' on̈.

Is 59:7

Caw wal yajn̈ej tzex 'at 'a scal maysch'olnil, yajn̈ej tze miln cham eb' 'anma may smul. Cojn milj 'anma chi 'aych 'a e nab'en. A 'aj tzex laj 'eq'ui, til wal tas tze satcn 'eli.

Jeremías 17:9

Toc 'ay junc tas yel xo tz'ixtw paxti 'icha snab'en eb' 'anma', a jun nab'en cha, may xon tz'aj sb'o'i. ¿Mach wal tztac' yojcan 'eli?

Mt 20:15

Yujto an 'ay waln wic wa'n in tumn 'icha tzin nib'ej. Matz tac' a chichn 'och 'ayin, yujto wach' tzwutj in b'a 'a junc xo mach, xchi winac. 'Ixta tzyal jun 'ab'x tic.

Mt 6:23

Palta toto 'ayex, tzjuw 'el yol e sat, caw tzex can 'a q'uic'q'uinl yu'uj. A jun tz'a'n sacq'uinl 'ayex, toto tzsutmj 'och q'uic'q'uinlal, caw 'oj e cann̈j 'a q'uic'q'uinl yu'uj.

Mr 7:21

Yujto a 'a snab'en eb' 'anma tzpitzw jun tzo'n̈ tu nab'enal tic; 'ay eb' 'ayx yistzil tzb'on 'ajmulal, 'ay pax eb' mant 'a yistzil tzb'on eb' 'ajmulal paxi. 'Ay eb' tzmiln cham yit 'anma'il,

Mr 7:23

A jun tzo'n̈ maysch'olnil tic, a 'a snab'en eb' 'anma tzpitzwi, a tz'a'n juwc 'el eb' 'a sat Dios, xchi Jesús.

2 Co 10:5

A jun tzo'n̈ comn jelnal, caw tzcan 'a yaln̈ cuj on̈. 'Ay pax jun b'an̈jb'ail. Yu'uj, 'ay eb' matz 'ojcan 'el Dios, palta tzann̈j junc b'an̈jb'al cha, tzcan 'a yaln̈ cuj on̈. Ax jun tzo'n̈ comn nab'en, c'uxn tzca'ch 'a yol sc'ab' Cristo on̈, sec yiclum tzyutj sb'a eb' 'ay yic jun tzo'n̈ nab'en cha.

Dt 15:9

Man̈ e na jun man̈ nab'enal tic 'ixtic: Jab'xoj sjaw jun yucl ab'il yic tz'ajx niwnc'ojlal smasnil b'oc, xe chi ta, xe jut e sat 'a junc quit chon̈b' to meb'a cha, majt eyac' junc chi smajnoc. Toto ma'oj eyac'a', 'oj q'ue yaw 'a Jehová eyu'uj, ax yoch jun chi e muloc.

Dt 28:54

An̈jtona pax win winc caw wach' snab'en, tu 'oj yutc win yiln 'och eb' yu'tac yet' 'a 'ix yistl win to caw chamc'ojlb'il yu'uj, yet' pax 'a eb' yunnal 'oj can to 'a yic jun tiempoal cha.

Dt 28:56

An̈jtona pax 'ix 'ix caw wach' snab'en, 'ix tz'oc' sc'ojl 'a junc xo mach; matz nib'j xon tztec' jac lu'um, 'aychn̈ej xan̈ab' tz'eq'ui, caw tu 'oj yutc 'ix yiln 'och win yichmil, atn jun caw chamc'ojlb'il yuj cob'i', yet' 'a eb' yune'.

A Sb'ab'el Carta San Pedro 2:15

Tznib'j Dios, caw wach' tzcutjec qui b'eyb'al, sec wach' a eb' may snab'en, man̈x 'oj stac' yaln eb' jun tzo'n̈ tas may yel'ch 'a qui patquec.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.