Mr 6:4 - Chuj San Sebastian Bible

⁴ Palta xyaln 'a eb' 'ixtic: —A eb' schecb' Dios, 'ay yel'ch eb' 'a sat eb' 'anma smasnil. Palta ax 'a sat eb' yit chon̈ab', yet' 'a sat eb' smam yu'tac, yet' 'a sat eb' jun yaj yet' 'a yol yatut, may yel'ch 'a sat eb', xchi Jesús.

Chuj San Mateo Bible

⁴ Palta ix yalan d'a eb': —A eb' schecab' Dios, ay val yelc'och eb' d'a yichan̈ eb' anima smasanil. Palta axo d'a yichan̈ eb' yetchon̈ab' eb', d'a yichan̈ eb' sc'ab' yoc eb' yed' d'a yichan̈ eb' junn̈ej yaj yed' eb' d'a yol spat, malaj yelc'och eb', xchi Jesús.

Mr 6:4 Iomraidhean Croise

Jeremías 11:21

A eb' 'anma 'aj chon̈b' Anatot, sna eb' tas tzin yutj eb' in smilni. 'Ix yaln eb' to tzin smil cham eb', toto an̈ja waln 'el spaxti Jehová.

Jeremías 12:6

A eb' o'tac, yet' eb' ecan, caw wal 'ajc'ojl xo yajch eb' 'ayach, c'ultacl tz'el yaw eb' yaln tas 'a a patquil. Wach'xam caw wach' tzyutj paxtinc sb'a eb' 'ayach, palta man̈ a'ch eb' yipc a c'ojol, xchi 'ayin.

Mt 13:57

Yuj cha, ton̈j 'ix somchj 'el snab'en eb' yu'uj. Palta xyaln 'ixtc 'a eb': —A eb' schecb' Dios, 'ay yel'ch eb' 'a sat eb' 'anma smasnil. Palta ax 'a sat eb' yit chon̈ab', yet' 'a sat eb' jun yaj yet' 'a yol yatut, may yel'ch 'a eb', xchi Jesucristo.

Mr 6:1

'Ix paxt Jesús 'a jun lugar 'aj 'ayc' cha, 'ix c'ochx 'a schon̈ab', ajun pax eb' scuywum yet'oc.

Lc 4:24

Wal yel tzwal 'ayex: —May junc schecb' Dios 'ay yel'ch 'a sat eb' yit chon̈ab'.

Jn 4:44

Yujto yaljnacx cani, chajtlto may yel'ch junc schecb' Dios 'a sat eb' yit chon̈ab'.