Mr 6:3 - Chuj San Sebastian Bible

³ Yujto a win tic josmte winac, yune 'ix María. Yu'tac sb'a yet' Jacobo, José, Judas, yet' Simón. 'Ayc' pax eb' yanb' quet'ec 'a tic, xchi eb'. Yuj cha, ton̈j 'ix somchj 'el snab'en eb' yu'uj.

Chuj San Mateo Bible

³ Yujto a jun vin̈ tic, n̈icum te' vin̈, yune' vin̈ ix María. Yuc'tac sb'a vin̈ yed' vin̈aj Jacobo, vin̈aj José, vin̈aj Judas yed' vin̈aj Simón. Ay pax eb' ix yanab' vin̈ ayec' d'a co cal tic, xchi eb'. Yuj chi', ton̈ej ix somchaj spensar eb' yuj Jesús chi'.

Mr 6:3 Iomraidhean Croise

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Mt 11:6

Yuj cha, a eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Mt 12:46

Wanto yaln Jesús 'a eb' 'anma', 'ix c'och snun yet' eb' yu'tac. An̈j 'a sti n̈a xc'och eb', palta tznib'j eb' tzc'umej.

Mr 15:40

'Ay pax jun tzo'n̈ eb' 'ix 'ix 'ayc' 'a najttac, wan yiln 'at eb'. A 'a scal eb' ata 'ayc' María Magdalena, 'ix Salomé, yet' María snun José yet' Jacobo, atn win tza'n 'unin.

Mr 3:18

'Ayc' pax Andrés, Felipe, Bartolomé, Mateo, Tomás, Jacobo yunnal Alfeo, Tadeo yet' Simón win cananeo.

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

Lc 7:23

A eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Lc 8:20

Yuj cha, 'ay jun 'ix aln 'ixtc 'a 'a: —'Ix jaw a nun yet' eco o'tac 'a sti', tolab' tznib'j eb' tzach sc'umej, xchi 'a 'a.

Jn 14:22

'Ay junx Judas sb'i, palta man̈oc Judas 'aj Queriot, a 'ix aln 'ixtc 'a Jesús: —Mamin, ¿tas yuj cojn 'ayn̈ on̈, an̈jta 'oj a ch'ox a b'a? ¿Tas yuj ma'oj a ch'ox a b'a 'a eb' yic yolyib'n̈q'uinl tic? xchi 'a Jesús.

Jn 6:42

—Palta a win tic, Jesús winac, yunnal José winac. Cojquec smam snun winac. Palta wan cob' yalnoc winac to a 'a satchan̈ cotnc winac, xchi eb' 'aj Judea cha.

A Tas Sc'ulejnac Eb' Schecab' Jesús Hechos 1:13

Xlajw sjaw eb' 'a chon̈b' cha, 'ix q'ue eb' 'a jun cuarto 'ay 'a cha'an̈. Ata 'ay sposada Pedro, Jacobo, Juan, Andrés, Felipe, Tomás, Bartolomé, Mateo, Jacobo yunnal Alfeo, yet' Simón, jun spartido eb' cananista 'a yic yalan̈, yet' pax Judas yu'tac Jacobo.

A Tas Sc'ulejnac Eb' Schecab' Jesús Hechos 12:17

Palta 'ix ya' chan̈ sc'ab' 'a eb', sec sictac tz'aj eb'. Xlajw cha, xyaln 'a eb' chajtl xyutj Cajlil yi'n 'elt 'a preso cha. 'Ix yaln pax 'a eb' 'ixtic: —Tzeyal jun tzo'n̈ tic 'a Jacobo yet' 'a jun tzo'n̈ xo eb' quit creyenteal, xchi. Xlajw cha, x'elt 'a scal eb'. 'Ix 'at 'a junx lugar.

1 Co 1:23

Palta an̈ec xo tic, tzcalc 'el yab'xil Cristo, chajtlto xcham 'a spenc culus. A 'a sat eb' israel cha, may jac yopiso jun 'ab'x tic, ton̈j tzchichn 'och eb' 'a 'a. An̈jtona', yet' eb' man̈ israeloc, may jac yel'ch jun 'ab'x tic 'a sat eb'.

1 Co 9:4

An tic, 'ay waln wic in chan tas tzin c'uxu, yet' tas tzwuq'uej.

Gl 1:19

Man̈x 'a junc xo eb' schecb' Cristo paxtinnacn yet'oc, cojn Jacobo, atn jun yu'tac Cajlil.

A Sb'ab'el Carta San Pedro 2:4

Qui nitzc 'och qui b'a 'a stz'ey Cajlilec. 'Icha tz'aj yajx q'ue jun tzo'n̈ qu'en 'a yib'n̈ junc niwquil q'uen to yipnub' n̈a yaji, 'ixta cajc 'a 'a. A jun q'uen tic, tzyal 'el'chi atn Cristo. A eb' 'anma', spatquiljnac can 'el eb'. Palta a Dios, a si'jnac can 'eli. Caw niwn yel'ch 'a sat. A Cristo tic, pitzan, pitzn on̈c yet' jun xo. Yuj cha, an̈ec tic, tzon̈ ya'c 'och Dios yatutoc. A ticnec, 'ay calnec quic mun xoj tzca'c 'och qui ti 'a 'a, yujto an̈j 'ayn̈ec yico'. Yuj Jesucristo tztac' ca'nec jun tzo'n̈ xajmb'al 'a Dios 'a 'esal. Caw tzalj yet' jun tzo'n̈ cha.

San Judas 1:1

An tic Judas in, ya'mal in servil Jesucristo. Wu'tac in b'a yet' Jacobo. Tic tzin tz'ib'j 'at jun in carta tic 'ayx ax 'awtb'ilx xo 'el yuj qui Mam Dios. Chamc'ojlb'ilx xo yu'uj. Tan̈b'ilx xo yuj Jesucristo.