Mr 4:18 - Chuj San Sebastian Bible

¹⁸ Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios,

Chuj San Mateo Bible

¹⁸ Axo juntzan̈xo in̈at ix emcan d'a caltac an̈c'ultac, syalelc'ochi, ay juntzan̈xo eb' tz'ab'an slolonel Dios.

Mr 4:18 Iomraidhean Croise

Jeremías 4:3

Tzyaln pax Jehová 'ixtc 'a eb' 'anma 'aj Judá yet' 'a eb' 'aj Jerusalén: 'Awjec lum lum mant 'a xon 'aj tz'awxi, man̈x eyawc eyawb'en 'a scal te q'ui'ix.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Mr 4:17

palta may ste'nal eb', 'icha junc te may sch'an̈l yib'. Caw matz b'ey tiempo yuj eb', yujto a yic tzjaw junc yailal, mto tz'ajx 'och 'a yib'n̈ eb' yuj spaxti Dios, yajn̈ej tzjuw 'el snab'en eb'.

Mr 4:19

palta cojxn jun tzo'n̈ yic yolyib'n̈q'uinl tic tzna eb'. Tzjuw 'el snab'en eb' yuj snib'n 'och sricoal. Til wal jun tzo'n̈ tas tzcomn nib'j 'och eb'. An̈j 'a jun tzo'n̈ chi tzya'ch eb' snab'en; yuj cha, caw tzjuw 'el spaxti Dios 'a eb', lajn tz'aj eb' 'icha jun tzo'n̈ 'in̈t may xon jac sjolm tzyac'a.

Mr 4:7

'Ay jun tzo'n̈ xo xc'ochcn 'a scal c'ultac, ax te c'ultc cha, xwach' q'uib' te', ton̈j 'ix satl jun tzo'n̈ 'in̈t chi 'a scal te'. Yuj cha, toxn ma'ix yac' xon jac sjolom.

Lc 8:14

Ax jun tzo'n̈ xo 'in̈t xc'ochcn 'a scal c'ultac, tzyal 'el'chi 'ay eb' 'anma tz'ab'n spaxti Dios. Palta ax yic tzb'ey tiempo, til wal tas tzna eb': tzna eb' ricoal, tznan pax eb' yuj yic sniwnal. Yuj wal jun tzo'n̈ cha, tzjuw 'el eb'. Lajn tz'aj eb' 'icha 'ixm trigo may xon jac sjolm tzyac'a.